IMAMAT 22:13 - Tanou Moonsoi Timugon

¹³ Kaa' anak ruandu' ru imam ondo' napuor noyo, kapoam ondo' inali am kolondo' anak, am minayan saguli' ra ama' nano am ama' nano mampakan riso, makaakan ra akanon ondo' maapu ru ama' nano ra imam no. Sasambaloi ru imam ayuk makaakan ra taak simbalui no.

IMAMAT 22:13 ပူးပေါင်းရင်းမြစ်များ

KASAUKAN 38:11

Indagu boo i Jiuda ra anak mangiwan nano i Tamar, “Uli' noyo ra matuo muno am ayan noyo ra giu' koson sangulun napuor saboi masukor anak kuno i Syila.” Rinagu no ginio sabap ra malaa' io maaru' i Syila pana potoyon koson ra ruo ngaulun maayo nali. Uli' boo i Tamar ra baloi ru matuo nano.

IJRA 2:63

Gabenor ru pagun Jiuda nanginggalar risilo mangakan ra akanon ondo' pinataak ri Aki Kapuuno', saboi mokoondo' sangulun imam ondo' nakaalap ra pakituluan ra namakai ra Urim am Tumim.

KAINGKUALAN 12:43

Indagu Tuhan ri Musa am i Arun, “Gitio noyo kaulayan ra Pangiantakan Paska: Ulun bansa' ru bokon kalo makaakan ra akanon Paska.

KAINGKUALAN 29:33

Musiti' akanon nilo atan ondo' pinakai ralalom upacara pangampunan ra tula paat ra patimpokon risilo. Imam ayuk mangakan ra akanon no sabap ra akanon no mapasau.

YEHEZKIEL 44:8

Sala' ka ilo galama' ondo' nambaal ra upacara mapasau ralalom ru Baloi Kuno, kaa' ulun bansa' ru bokon ondo' pinangandoi nilo koson mambaal raginio.

IMAMAT 10:14

Kaa' okou am anak-anak muno, ungkuyon am ruandu' makaakan ra kubab ondo' pinataak koson ra taak lilion am niayuk paa ru bibiag ondo' pataakon koson ra taak lilion, sabap ra ngaangai' no longgom ru imam-imam. Maakan min ginio ra ati ayuk intok ondo' kalo majamol. Taak ti iono tayar intor ra taak simbalui koson makibarakat ra Tuhan, ondo' pataakon ru ulun ru Israil. Pinataak noyo taak no rirun am anak-anak muno koson ra longgom min.

IMAMAT 22:10

“Ulun intor ra sasambaloi ru imam no ayuk ondo' makaakan intor ra taak simbalui ondo' palilion ayuk no. Ulun ra bokon kalo makaakan raginio, kabalu' pana mayan ulun no masimpung ra imam, kapoam ulun no mangngandoi ra imam.

IMAMAT 22:12

Anak ruandu' ru imam ondo' nangindalaki ra sangulun ondo' sala' ka imam, kalo makaakan ra akanon taak simbalui ra palilion ayuk no.

SAGULION 24:2

Kopongo raginio inandu' poyo ruandu' no ru sangulun ungkuyon ra bokon.

1 SAMUIL 21:7

Nakainamot ra i Doig ulun ru Idom, tingganai ru magagalung ra bibiag tinambiag ru Raja' Saul, soroi ra giu' no paat ra orou raginio koson manugut ra pabaalin ru ugama.)