IMAMAT 21:9 - Tanou Moonsoi Timugon

⁹ Amon ru anak ruandu' ru sangulun imam masauk ra ruandu' mantalan ra inan, magasab io ra ama' nano; musiti' ruandu' no solobon saboi matoi.

IMAMAT 21:9 ပူးပေါင်းရင်းမြစ်များ

KASAUKAN 38:24

Olo'-olo' talu ngambulan raginio, mokoondo' sangulun nambala' ri Jiuda, “I Tamar, anak mangiwan muno narulug ra sangulun ungkuyon am raino maapang io.” Panusub i Jiuda, “Paingkualo' io am solobo' io saboi matoi.”

KAINGKUALAN 31:14

Musiti' min iantakon orou tangusan no, sabap ra orou raginio mapasau. Osoi ondo' kalo mangiantak ra orou raginio, am mangandoi ra orou raginio musiti' ukumin potoyo'.

JISAYA 33:14

Namagun ra Sion ondo' makatula monontol malaa'. Konilo, “Ukuman intor ri Aki Kapuuno' koson ra apui ondo' monolob ra sabuoi-buoi no. Mokoondo' kia osoi mabayag intor ra apui no?”

YEHEZKIEL 9:6

Potoyo' ulun matutuo, buayoi, ralaa, ina' am lalaing-lalaing. Kaa' pai' guuto' sangulun pana ondo' makatatandu' ra rabas. Intarin ra giti, intor ra Baloi Kutu.” Ginio ra tinalimpuunan nilo kandoi am namatoi ra tingganai-tingganai ondo' minigor giu' ra Baloi ru Tuhan.

IMAMAT 19:29

“Pai' tauyuo' anak ruandu' muno ra mapasauk risilo ra ruandu' mantalan ra inan giu' ra kuil. Amon ru mambaal kau raginio, majamol pagun mino am lumanja' baal makauyuyu' ra giu' no.

IMAMAT 20:14

Amon ru sangulun ungkuyon maguot ra sangulun ruandu' am ina' ru ruandu' no niayuk, musiti' ilo tatalu no solobon saboi matoi, sabap ra binaal nilono makauyuyu'. Binaal koson raginio kalo iowon ra popolos mino.

MALIAKI 2:3

Ukumin Ku anak-anak min, am luitin Ku bulos min ra ampangara' ru bibiag ondo' pataakon min. Mopongo raginio ralaaton kau ru ulun ra nampabujukan ra ampangara'.

SAGULION 22:21

tingganai-tingganai ru bandar no pana musiti' magibit ra ruandu' no giu' ra kulobon ru baloi ru matuo nano. Ungkuyon ru bandar no pana musiti' momobol riso saboi matoi, sabap nambaal io ra baal mapakauyu' ra gino ngai' ru bansa' takau. Nakimarulug io noyo ra kalo poyo nawot, paat ra io lakat poyo soroi ra baloi ru ama' nano. Koson raginio noyo akau namuso ra kalaatan no.

TITUS 1:6

Sangulun tingganai no musiti' kolondo' sala; musiti' sangulun ayuk andu' nano, am anak-anak nano pana musiti' mangintopot ri Kristus am kalo niayuk kauligan ilo ra maanggal-anggal kapoam mailo balain.

JOSUA 7:15

Ulun ondo' mapandayan nambuli ra kuliamos ra inggalarin no solobon, pabayaan ra sasambaloi nano am ngaangai' rapu' nano sabap nanauyu' io ra Israil am minanggal ra nabantuan Kuno.”

JOSUA 7:25

Indagu boo i Josua, “Ilai' noyo kapaganan ondo' pinaratong muno ramon! Raino Tuhan pana mamparatong ra kapaganan rirun!” Ngaangai' ulun ru Israil pana nomobol ri Akgan saboi minatoi. Nomobol ilo niayuk am nonolob ra sasambaloi nano am ngaangai' rapu' nano.

1 SAMUIL 2:17

Koon raginio noyo karuruo anak ri Ili no makatula ra maayo ra pagilangan ru Tuhan, sabap ra magasab ilo ra taak simbalui no ra tayar ru Tuhan.

1 SAMUIL 2:34

Paat ra karuruo anak muno, i Gopni am i Pinigas, matoi ra nogondo' orou, bagu no malimanan mu ra ngaangai' ondo' raguon Kutu totopot masauk.