IMAMAT 21:6 - Tanou Moonsoi Timugon

⁶ Musiti' sangulun imam matulai am kalo iowon magasab ra inggalan Kuno. Mapataak io Raki' ra taak akanon, sabap raginio musiti' io no matulai.

IMAMAT 21:6 ပူးပေါင်းရင်းမြစ်များ

IJRA 8:28

Indagu aku risilo, “Akau ti timpokon ayuk ra tayar ru Tuhan, i Aki Kapuuno' ru kinamatuaan takau. Koon raginio niayuk ngaangai' kuliamos intor ra pirok am mas ondo' pinataak koson ra taak lilion ayuk ra Tuhan ayuk.

KAINGKUALAN 19:22

Imam-imam pana ondo' matong inggaar Raki' musiti' impasawin inan nilo. Amon ru kalo ukumin Ku ilo.”

KAINGKUALAN 28:36

“Baalo' noyo rondo' bubunga' intor ra mas kopoyo am tulisi' ra ragu, ‘Patimpokon ra Tuhan’ ra bubunga' no.

KAINGKUALAN 29:44

Mapakapasau Aku ra Kim am altar no, am patimpokon Ku i Arun am anak-anak nano koson mangandoi Raki' ayuk koson ra imam.

JISAYA 52:11

Ugar no! Iruani' noyo bandar Babil, akau ondo' nagibit ra kuliamos ru baloi ri Aki Kapuuno'! Pai' kau kambong ra kuliamos ondo' majamol no, tulayo' min inan mino ra kalo poyo mintor kau.

YEHEZKIEL 44:7

Jinamalan nilo Baloi Kuno ra nangiou ra ulun bansa' ru bokon ondo' kalo sinunatan am kalo giminagaya' Raki', siminubol ra Baloi Kuno, paat ulun mampataak ra lomok am raraa' ru taak simbalui Raki'. Ra ngaangai' ru binaal ondo' makauyuyu' no, minanggal ilo ra nabantuan Kuno risilo.

IMAMAT 10:3

Indagu boo i Musa ri Arun, “Gitio noyo ondo' koon ru Tuhan paat Io mindagu, ‘Ngaangai' ulun ondo' mangandoi ayuk Raki' musiti' mangurumat ra katulayan Kuno. Pakitonon Ku katulayan Kuno ra moonong ulun Kuno.’ ” Kaa' mongkoror ayuk i Arun.

IMAMAT 18:21

Pai' pataako' sangulun intor ra anak muno alapon ra taak koson pataakon ra Dewa Molok, sabap ra baal raginio magasab ra inggalan ri Aki Kapuuno' muno, iono Tuhan.

IMAMAT 19:12

“Pai' pabantu' ralalom inggalan Kuno amon ru makaguang kau kalo manugut ra bantu' no. Baal raginio magasab ra inggalan Kuno. Aku noyo Tuhan i Aki Kapuuno' min.

IMAMAT 20:3

Osoi ayuk mapataak ra sangulun intor ra anak nano ra Dewa Molok, mapajamol ra Kim Kuno am magasab ra inggalan Kuno ondo' matulai. Mangukum Aku riso am kalo boo karaan io ra ulun Kuno.

IMAMAT 21:17

mapasaboi ra baal ragitio ri Arun, “Osoi ayuk intor ra papag muno ondo' kalo matanda' batang ru inan, kalo makapapataak ulun no Raki' ra taak akanon. Aturan ragitio masauk ra sabuoi-buoi no.

IMAMAT 21:21

Moonong papag ru imam Arun ondo' mokoondo' kalo matanda' ra batang ru inan nano, kalo makapapataak Raki' ra taak akanon.

IMAMAT 21:23

Kaa' sabap ra kalo matanda' batang ru inan nano, kalo makainggaar io ra tabir ondo' mapatuliar ra Lamin Matulai kapoam matong ra altar. Kalo majamalan no kuliamos ondo' patimpokon noyo Raki', sabap ra Aku noyo Tuhan am Aku noyo nampalili' ra kuliamos no Raki' ayuk.”

IMAMAT 21:8

Musiti' ulun ru Israil mangakun ra imam koson ulun pinatimpok Raki' sabap ra mapataak imam Raki' ra taak akanon. Aku noyo Tuhan; Aku ti matulai am mapatulai Aku ra ulun Kuno.

IMAMAT 3:11

Imam ondo' mangandoi monolob ra ngaangai' no ra rasawat ru altar koson taak ra akanon ra Tuhan.

UNTABAN 16:5

Indagu boo i Musa ri Kora am mamaya' nano, “Susuab no ra susuab ti, manulu' Tuhan ra osoi longgom Nano, iono ulun ondo' patimpokon Riso; ulun ondo' pinili' Nano iowon No minggaar Riso giu' ra altar.

UNTABAN 28:2

mapasaboi ra susuban ti ra ulun ru Israil. Paat ra ondo' inaru', musiti' ilo mapataak ra taak akanon ondo' owou no mapabansuk ra guang ru Tuhan.

1 PITRUS 2:9

Kaa' akau ti noyo bansa' ondo' pinili' ri Aki Kapuuno', imam ru Raja', bansa' inaru' mangandoi Riso, ulun Nano. Pinili' kau ri Aki Kapuuno' am piniau kau intor ra kalandaman sumubol ra sinda Nano ondo' makaimuag, koson mampatanou kau ra baalon Nano ondo' makaimuag.