IMAMAT 21:23 - Tanou Moonsoi Timugon

²³ Kaa' sabap ra kalo matanda' batang ru inan nano, kalo makainggaar io ra tabir ondo' mapatuliar ra Lamin Matulai kapoam matong ra altar. Kalo majamalan no kuliamos ondo' patimpokon noyo Raki', sabap ra Aku noyo Tuhan am Aku noyo nampalili' ra kuliamos no Raki' ayuk.”

IMAMAT 21:23 ပူးပေါင်းရင်းမြစ်များ

NIGIMIA 13:29

Iou Aki Kapuuno', karaa' noyo ati kulaan ngaangai' ulun no nampajamol ra kandoi ru imam am nabantuan ondo' binaal Muno ra imam-imam am ulun ru Liwi.

IMAMAT 15:31

Ginio noyo nanusub Tuhan ri Musa mapakara' ra ulun ru Israil maa' raginio mangkaili ra paat ilo majamol, maa' raginio kalo mapajamol ilo ra Kim ru Tuhan giu' ra tatanga' nilo. Amon ru jamalin nilo Kim ru Tuhan no, matoi ilo.

IMAMAT 19:2

mambala' ra ulun ru Israil, “Musiti' kau matulai sabap ra matulai Aku Tuhan i Aki Kapuuno' min.

IMAMAT 20:7

Ilai' min maa' raginio magulayun kau matulai, sabap ra Aku noyo Tuhan i Aki Kapuuno' min.

IMAMAT 21:22

Kaa' ulun raginilo makaakan ra akanon ondo' nakataak noyo Raki', ondo' kia' taak akanon ondo' mapasau, am niayuk taak akanon ondo' mapasau kaga'.

IMAMAT 21:24

Ginilo noyo aturan ondo' pinasaboi ri Musa ri Arun, anak-anak ri Arun no am ngaangai' ulun ru Israil.

IMAMAT 21:6

Musiti' sangulun imam matulai am kalo iowon magasab ra inggalan Kuno. Mapataak io Raki' ra taak akanon, sabap raginio musiti' io no matulai.

IMAMAT 22:16

ra mangani' raginio ra ulun ondo' kalo maaya' mangakan no. Baal ragitio maparatong ra kasalaan am ukuman ra ulun ondo' mangakan raginio. Aku noyo Tuhan am Aku noyo napapasau ra taak simbalui no.”

MATIUS 23:17

Akau ulun kolondo' pangaratian am bolou! Atan kia ondo' maatang toojo? Mas no kia kapoam Baloi Tuhan ondo' mampatulai ra mas no?