IMAMAT 20:8 - Tanou Moonsoi Timugon

⁸ Gagaya' no ra ukum Kuno, sabap ra Aku noyo Tuhan ondo' nampatulai ramuyun Raki'.”

IMAMAT 20:8 ပူးပေါင်းရင်းမြစ်များ

KAINGKUALAN 31:13

koson mambala' ra ulun ru Israil, “Iantakon orou Sabat, orou ondo' inaru' Kuno koson orou tangusan, sabap ra orou raginio iono rondo' tatandu' ru Aku am akau ra sabuoi-buoi no, koson manulu' ra Aku, Tuhan napasauk ramuyun ra ulun Kuno galama'.

YEHEZKIEL 20:12

Susubon Ku ilo mangurumat ra orou Sabat koson tatandu' ru nabantuan Kuno risilo, koson mampakara' risilo ra Aku, Tuhan nampatulai risilo ra tayar Kuno.

YEHEZKIEL 37:28

Paat ra paayanon Ku Baloi Kuno giu' ra tatanga' nilo ra sabubuoi no, makapandai ilo boo ra Aku, Tuhan nampili' ra Israil koson ra ulun Kuno galama'.”

IMAMAT 19:19

“Gagaya' no ra susuban Kuno. Pai' pampaano' ruo salinut bibiag ondo' kalo nogondo'. Pai' panias ra ruo salinut ru sampug giu' ra rondo' umo. Pai' pambayang ra bayang ondo' binaal intor ra ruo salinut ru banang.

IMAMAT 19:37

Gagaya' no ra ukum am susuban Kuno; Aku noyo Tuhan.”

IMAMAT 20:26

Musiti' kau matulai am masauk ra longgom Kuno ayuk, sabap ra Aku noyo Tuhan am matulai Aku. Napatuliar Aku noyo ramuyun intor ra bansa'-bansa' ra bokon, maa' raginio masauk kau ra longgom Kuno ayuk.

IMAMAT 21:8

Musiti' ulun ru Israil mangakun ra imam koson ulun pinatimpok Raki' sabap ra mapataak imam Raki' ra taak akanon. Aku noyo Tuhan; Aku ti matulai am mapatulai Aku ra ulun Kuno.

IMAMAT 22:32

Pai' pagasab ra inggalan Kuno ondo' matulai. Musiti' ngaangai' ulun ru Israil sumamba Raki' koson Ondo' Matulai Kaga'. Aku noyo Tuhan am Aku mapapasau ramuyun.

MATIUS 12:50

Osoi ayuk mampagagaya' ra kasagaan ri Ama' Kuno giu' ra suruga', ulun ragitio noyo pabukat Kuno ra ungkuyon, pabukat Kuno ra ruandu' am ina' Kuno.”

MATIUS 23:17

Akau ulun kolondo' pangaratian am bolou! Atan kia ondo' maatang toojo? Mas no kia kapoam Baloi Tuhan ondo' mampatulai ra mas no?

MATIUS 5:19

Ginio ra osoi ayuk pana manggal ra Ukum ri Musa kabalu' pana koborok ayuk am koson niayuk raginio mangila' io ra ulun ra bokon, ulun raginio karaan kalo maatang ra gino ngai' ru ulun ri Aki Kapuuno'. Kaa' osoi ayuk pana gumagaya' ra Ukum ri Musa am mangila' ra ulun ra bokon koson raginio, ulun raginio karaan maatang ra gino ngai' ru ulun ri Aki Kapuuno'.

MATIUS 7:24

“Moonong ulun ondo' mangkirongog am gumagaya' ra raguon Kuno, io ti koson ra ulun mapintar ondo' mambaal ra baloi nano ra rasawat ru batu.

JUANIS 13:17

Amon ru makapandai kau raginio, mulu' poyo bansuk min amon ru suguton min.

1 KORINTUS 1:30

Kaa' i Aki Kapuuno' noyo ondo' nampasimpung ramuyun ri Jisus Kristus. Am ralalom ri Kristus, i Aki Kapuuno' nangani' ritakau ra kapintaran Nano. Ralalom inggalan Nano niayuk, pinobonsoi am pinalabus takano ri Aki Kapuuno' masauk ra ulun Nano ondo' mangandoi ayuk Riso.

1 TISALONIKA 5:23

Gama' ru i Aki Kapuuno' ondo' mangani' ritakau ra pabansayan, mampatimpok ra kaayagan mino Riso galama'. Gama' ru magalung Io ramuyun ngai' – ioginio ambiluo, saliguor am poyo inan mino – saboi kolondo' sala min paat ra ratangan ru Tuhan takau, i Jisus Kristus.

2 TISALONIKA 2:13

Pabukat ku ngai' ondo' tagamin ru Tuhan, musiti' akai masalok maringkuanang ri Aki Kapuuno' sabap ra akau, sabap ra pinili' kano ri Aki Kapuuno' ra kasaa' ra bayagon kau. Ralalom ru Ambiluo Nano am pangintapatan min ra katapatan intor ri Aki Kapuuno', sinauk kau ri Aki Kapuuno' ra ulun Nano ondo' mapasau.

JAKUBUS 1:22

Kaa' suguto' min toojo atan ondo' pinabala' noyo ramuyun ri Aki Kapuuno', am sala' ka rongogon ayuk. Sabap ra amon ru koson raginio, akau ayuk galama' miruruung.

PINAINTALANG 22:14

Pakaansuk noyo ilo ondo' mampupu' ra sukub nilono suku' mapasau, bagu no makaakan ilo ra kawa' intor ra puun ru mampakaayag am maya' ra umpasan sumubol ra bandar no.