IMAMAT 20:6 - Tanou Moonsoi Timugon

⁶ “Osoi ayuk mongoi pakibilin intor ra ulun ondo' mapandai makimansunur ra ambiluo ru ulun namagatoi, ukumin Ku am kalo boo mangkara' Aku ra ulun Kuno.

IMAMAT 20:6 ပူးပေါင်းရင်းမြစ်များ

IMAMAT 19:31

“Pai' ongoi pakibilin intor ra ulun ondo' mapandai makimansunur ra ambiluo ru ulun namagatoi. Amon ru mambaal kau raginio, majamol kau. Aku noyo Tuhan i Aki Kapuuno' min.

JISAYA 8:19

Kaa' ulun manusub ramuyun makitulu' intor ra ulun mangilong am babalian ondo' konos-konos am kuniam-kuniam. Mindagu ulun, “Sala' ka kia musiti' takau makitulu' intor ra ulun namagatoi koson kaatangan ru ulun lakat poyo maayag?”

IMAMAT 20:27

Moonong ungkuyon kapoam ruandu' ondo' mapandai makimansunur ra ambiluo ru ulun namagatoi, musiti' bobolon saboi matoi. Ulun ondo' mambaal ragitio matoi sabap ra kasalaan galama'.”

MAZMUR 73:27

Ulun ondo' manatang Rirun maaru' io no mapuso, pusoon Mu ilo ondo' kalo gumagaya' Rirun.

GOSIA 4:12

Nakitulu' ilo intor ra rondo' tataun. Rondo' jujuga' nambala' risilo ra atan ondo' gumogot ilo makapandai. Nangiruan ilo Raki'. Koson ra sangulun ruandu' ondo' nasauk ra ruandu' mantalan ra inan, timinaak ilo ra inan ra tuhan-tuhan ra bokon.

YEHEZKIEL 6:9

Giu' no maayag ilo ralalom ru pamatiran. Makakara' ilo boo Raki' am makaliman ra Aku nangukum am nanuyu' risilo sabap ra kalo gumagaya' ilo Raki'. Nangiruan ilo Raki' am nampili' ra sinungkalalaing, am sala' ka Aku. Majamalan ilo ra inan nilo galama' sabap ra binaal ondo' malaat am makauyuyu' ondo' binaal nilo.

UNTABAN 15:39

Rumbai-rumbai no, masauk ra pangkaraan, maa' raginio moonong min makito ginio, makara' min ngaangai' susuban Kuno am gumagaya' raginio. Ginio ra kalo mangiruan kau Raki' koson gumagaya' ra kasaga' am gogot ru guang min galama'.

IMAMAT 19:26

“Pai' akano' kual ondo' lakat poyo makararaa'. Pai' pambaal ra atan pana ilimu' sihir.

RINALATAN 16:16

Igondo' ragili, paat ra akai minongoi ra intok pakiasian, pakatuum akai sangulun ulipon ruandu'. Mokoondo' io ra ambiluo ondo' mapandai magilong ra nasip ru sasangulun. Kandoi no raginio niayuk panginduitan maayo ra nangandayan nali.

KAINGKUALAN 22:18

“Potoyo' moonong ruandu' ondo' mapandai kaga' ra sihir.

IMAMAT 17:10

Amon ru ulun ru Israil kapoam ulun bansa' ru bokon ondo' minayan risilo mangakan ra raraa', ulun no anggalon ru Tuhan, am kalo boo karaan io ra ulun Nano.

IMAMAT 20:5

am Aku galama' boo mangukum riso am ngaangai' sasambaloi nano, am niayuk ngaangai' ulun ondo' mababaya' riso mangiruan Raki' am sumamba ra Dewa Molok. Kalo boo mangkara' Aku risilo ra ulun Kuno.

JIRIMIA 44:11

Ginio ra Aku, Tuhan Ondo' Maayo Kaga' Kuasa', i Aki Kapuuno' ru Israil, manggal ramuyun am mamuso ra ngaangai' ru Jiuda.

KAINGKUALAN 22:17

Kaa' amon ru kalo mangiou ama' ru ralaa no ra ungkuyon no maguot ra anak nano, musiti' ungkuyon no mambayar ra ruit suang ru mulo ru sangulun ralaa ra ama' no.