IMAMAT 20:3 - Tanou Moonsoi Timugon

³ Osoi ayuk mapataak ra sangulun intor ra anak nano ra Dewa Molok, mapajamol ra Kim Kuno am magasab ra inggalan Kuno ondo' matulai. Mangukum Aku riso am kalo boo karaan io ra ulun Kuno.

IMAMAT 20:3 ပူးပေါင်းရင်းမြစ်များ

KAINGKUALAN 30:33

Osoi mambaal ra umau koson ra umau upacara, kapoam ondo' mamakai ra umau no ra ulun sala' ka imam, kalo boo karaan ra ulun Kuno.”

YEHEZKIEL 20:39

Indagu Tuhan Raja', “Raino alii ra ulun kau ngai' ru Israil, pambaal kano maya' ra kasagaan min! Samba kano ra sinungkalalaing min! Kaa' aniin Takamin ra pampakaraan ra kalupus raginio musiti' kau gumagaya' Raki', am kalo boo mampajamol ra inggalan Kuno ondo' matulai ra magibit ra taak ra sinungkalalaing min.

YEHEZKIEL 5:11

“Aku noyo i Aki Kapuuno' ondo' maayag, Tuhan Raja', am gitio no ragu Kutu: Sabap ra jinamalan mu Baloi Kuno ra baal malaat am makauyuyu', umokon Tokou ra kalo makaasi'.

IMAMAT 15:31

Ginio noyo nanusub Tuhan ri Musa mapakara' ra ulun ru Israil maa' raginio mangkaili ra paat ilo majamol, maa' raginio kalo mapajamol ilo ra Kim ru Tuhan giu' ra tatanga' nilo. Amon ru jamalin nilo Kim ru Tuhan no, matoi ilo.

IMAMAT 17:10

Amon ru ulun ru Israil kapoam ulun bansa' ru bokon ondo' minayan risilo mangakan ra raraa', ulun no anggalon ru Tuhan, am kalo boo karaan io ra ulun Nano.

IMAMAT 18:21

Pai' pataako' sangulun intor ra anak muno alapon ra taak koson pataakon ra Dewa Molok, sabap ra baal raginio magasab ra inggalan ri Aki Kapuuno' muno, iono Tuhan.

IMAMAT 19:12

“Pai' pabantu' ralalom inggalan Kuno amon ru makaguang kau kalo manugut ra bantu' no. Baal raginio magasab ra inggalan Kuno. Aku noyo Tuhan i Aki Kapuuno' min.

IMAMAT 20:4

Kaa' amon ru siliin ru mamagun mato ra baalon ru ulun no, am kalo mangukum ra ulun no ra matoi,

IMAMAT 21:6

Musiti' sangulun imam matulai am kalo iowon magasab ra inggalan Kuno. Mapataak io Raki' ra taak akanon, sabap raginio musiti' io no matulai.

IMAMAT 7:20

Amon ru mangakan sasangulun ra kual no paat ra io majamol, kalo boo karaan io ra ulun ri Aki Kapuuno'.

IMAMAT 7:21

Paat ra mangambong sasangulun no ra ondo' majamol, am mangakan boo ulun no ra kual ru bibiag ondo' pinataak noyo, kalo boo karaan ulun no ra ulun ri Aki Kapuuno'.

UNTABAN 19:13

Osoi ondo' nangambong ra baangkai am kalo nangimpasau ra inan magulayun majamol, sabap ra timug tayar ru upacara pamasawan kalo poyo pinawas riso. Napajamol ulun no ra Kim ru Tuhan, sabap ra raginio kalo boo karaan io ra ulun ri Aki Kapuuno'.

UNTABAN 19:20

Osoi ondo' masauk ra majamol kaa' kalo mambaal ra upacara pamasawan ra inan, magulayun majamol sabap ra timug ru upacara pamasawan kalo poyo pinawas riso. Napajamol ulun no ra Kim ru Tuhan am kalo boo karaan ra ulun ri Aki Kapuuno'.

2 KORINTUS 6:16

Mokoondo' kia sinungkalalaing sambaan ra Baloi Tuhan? Maaru' kolondo'! Itakau ti noyo Baloi Tuhan, ioginio i Aki Kapuuno' ondo' maayag. Sabap ra i Aki Kapuuno' galama' minindagu, “Rumondon Aku risilo am luminjau Aku ra tatanga' nilo. Masauk Aku ra Tuhan nilo, am masauk ilo noyo ra ulun Kuno.

1 PITRUS 3:12

Sabap ra Tuhan masalok magalung ra ulun ondo' sumugut ra kasagaan Nano am masalok mangkirongog ra pakiasian nilai no; kaa' gumula' Io ra ulun ondo' mambaal ra kalaatan.”