IMAMAT 20:27 - Tanou Moonsoi Timugon

²⁷ Moonong ungkuyon kapoam ruandu' ondo' mapandai makimansunur ra ambiluo ru ulun namagatoi, musiti' bobolon saboi matoi. Ulun ondo' mambaal ragitio matoi sabap ra kasalaan galama'.”

IMAMAT 20:27 ပူးပေါင်းရင်းမြစ်များ

2 TUNUNG RU BANSA' ISRAIL 33:6

Pinataak no anak-anak ungkuyon nano giu' ra Limayak Ginom koson ra taak simbalui ondo' solobon. Nangimaya' io ra kapandayan mangilong am sihir, nampiau io ra ulun-ulun mangilong am babalian. Raja' Manasi makatula' toojo ra Tuhan am napasingkual ra sangit Nano.

KAINGKUALAN 22:18

“Potoyo' moonong ruandu' ondo' mapandai kaga' ra sihir.

IMAMAT 19:31

“Pai' ongoi pakibilin intor ra ulun ondo' mapandai makimansunur ra ambiluo ru ulun namagatoi. Amon ru mambaal kau raginio, majamol kau. Aku noyo Tuhan i Aki Kapuuno' min.

IMAMAT 20:2

mambala' ra ulun ru Israil, “Osoi ayuk ra popolos mino, kapoam ulun bansa' ru bokon ra popolos mino, ondo' mapataak ra anak nano koson ra taak simbalui ra Dewa Molok, musiti' bobolon saboi matoi ru ngaangai' mamagun.

IMAMAT 20:6

“Osoi ayuk mongoi pakibilin intor ra ulun ondo' mapandai makimansunur ra ambiluo ru ulun namagatoi, ukumin Ku am kalo boo mangkara' Aku ra ulun Kuno.

IMAMAT 24:14

“Ibito' noyo ulun no giu' ra liwar ru pangkiman. Polosoon noyo moonong ulun ondo' nakaining riso nagulas ri Aki Kapuuno', mapabanta' ra kalindu' ra tampak ru ulu ru ulun no ra mangani' ra kaintutunan ra makasala io. Mopongo raginio musiti' ngaangai' ulun ru Israil momobol riso saboi matoi.

UNTABAN 15:35

Indagu boo Tuhan ri Musa, “Ulun no musiti' ukumin ra matoi. Musiti' io ibiton ra liwar ru pangkiman am giu' no ngaangai' ulun musiti' momobol riso saboi matoi.”

RINALATAN 16:16

Igondo' ragili, paat ra akai minongoi ra intok pakiasian, pakatuum akai sangulun ulipon ruandu'. Mokoondo' io ra ambiluo ondo' mapandai magilong ra nasip ru sasangulun. Kandoi no raginio niayuk panginduitan maayo ra nangandayan nali.

SAGULION 21:21

Kopongo raginio bala ru ungkuyon giu' ra bandar no musiti' momobol ra anak no saboi matoi. Koson raginio, namuso kau ra kalaatan no. Moonong ulun giu' ra Israil mokorongog ra sauk raginio am malaa'.”

1 SAMUIL 28:3

Minatoi noyo i Samuil am tinangian io ru ngaangai' ru ulun ru Israil, am linobong giu' ra Rama, bandar nano. Kukula' buoi ra nakasail no pinagiru' ru Raja' Saul ngaangai' mangngilong am mampiau ra ambiluo ru ulun minatoi intor ra Israil.