IMAMAT 20:22 - Tanou Moonsoi Timugon

²² Indagu Tuhan, “Gagaya' no ra ngaangai' ukum am susuban Kuno, maa' raginio kalo pagiruon kau intor ra pagun ru Kanaan, intok pagibitan Kuno ramuyun ra raino ti.

IMAMAT 20:22 ပူးပေါင်းရင်းမြစ်များ

MAZMUR 105:45

maa' raginio ulun Nano gumagaya' ra ukum Nano, am mambaal ra ngaangai' panusuban Nano. Omporo' noyo Tuhan!

MAZMUR 119:106

Intopoton ku bantu' ondo' nagibatan kuli, koson mampaguut ra inatang Muno ondo' matimpok.

MAZMUR 119:145

Ralalom intopot ru guang, mampiau aku Rirun; taamo' aku no, iou Tuhan; gagayaan ku panusuban Muno.

MAZMUR 119:160

Ngaangai' bala' Muno motopot, am nansalinut ukum Muno ra matimpok mantilayun ra sabuoi-buoi no.

MAZMUR 119:164

Rayusin ku maringkuanang Rirun, sabap ra ukum Muno ra matimpok.

MAZMUR 119:171

Masalok aku mongompor Rirun, sabap ra inila' Mu aku ra ukum Muno.

MAZMUR 119:175

Gama' maayag aku maa' raginio mokopongompor aku Rirun; gama' nangatangan Muno mangindangan raki'.

MAZMUR 119:20

Moondom kaga' guang kuno koson mampaguang ra panusuban Muno ra moonong bulintok.

MAZMUR 119:80

Gama' ru masugut ku ngai' panusuban Muno, am kalo tauyuon aku.

KAINGKUALAN 21:1

Indagu boo Tuhan ri Musa, “Pataako' aturan ragitio ra ulun ru Israil:

YEHEZKIEL 36:27

Pasasaron Ku Ambiluo Kuno ralalom ru guang mino maa' raginio sumugut kau ra ukum Kuno am gumagaya' ra ngaangai' susuban ondo' tinaakan Ku noyo ramuyun.

IMAMAT 19:37

Gagaya' no ra ukum am susuban Kuno; Aku noyo Tuhan.”

IMAMAT 26:33

Porotongon Ku pangayawan giu' ra pagun mino, am mantutuliar kau giu' ra pagun ru ulun bokon. Makai' kalunsai bandar mino am mokoloso pagun mino.

SAGULION 4:45

Nangani' i Musa risilo ra ukum raginio malupus ilo miningkual intor ra Misir, am soroi giu' ra tampilon sirangon ru Sungoi Jordan, giu' ra limayak ra sandaup ru bandar Bit-Pior. Libung ragitio nakasimpung ra wilayah ondo' ragili Raja' Sigon tatangan, raja' ru ulun ru Amori, ondo' nakaili' namarinta giu' ra bandar Gisybon. Kinala ri Musa am ulun ru Israil raja' no paat ilo miningkual intor ra Misir.

SAGULION 5:1

Nanimung i Musa ra ngaangai' ulun ru Israil am indagu risilo, “Akau ulun ru Israil, rongogo' noyo ngaangai' ukum ondo' taakin kutu ramuyun ra orou raiti'. Igila' noyo ra ngaangai' ukum ti am gagayaa' noyo ngaangai' no ra totopot.