IMAMAT 20:14 - Tanou Moonsoi Timugon

¹⁴ Amon ru sangulun ungkuyon maguot ra sangulun ruandu' am ina' ru ruandu' no niayuk, musiti' ilo tatalu no solobon saboi matoi, sabap ra binaal nilono makauyuyu'. Binaal koson raginio kalo iowon ra popolos mino.

IMAMAT 20:14 ပူးပေါင်းရင်းမြစ်များ

IMAMAT 18:17

Pai' parulug ra anak ruandu' kapoam akupu ruandu' ru sangulun ruandu' ondo' nakarulug noyo rirun. Maaru' lair mabukat ilo rirun, am baal raginio baal ondo' makauyuyu'.

IMAMAT 21:9

Amon ru anak ruandu' ru sangulun imam masauk ra ruandu' mantalan ra inan, magasab io ra ama' nano; musiti' ruandu' no solobon saboi matoi.

AMOS 2:7

Kikinjangin nilo ulun malawo ondo' kalo maikang am manginggi' ra ulun musikin. Ama' am anak ungkuyon nano narulug ra ulipon ra ruandu' ondo' nogondo', saboi nampajamar ra inggalan Kuno ondo' matulai.

SAGULION 27:23

“ ‘Kaulas noyo ulun ondo' marulug ra iwan ruandu' nano.’ “Ngaangai' ulun tumaam ra, ‘Amin!’

JOSUA 7:15

Ulun ondo' mapandayan nambuli ra kuliamos ra inggalarin no solobon, pabayaan ra sasambaloi nano am ngaangai' rapu' nano sabap nanauyu' io ra Israil am minanggal ra nabantuan Kuno.”

JOSUA 7:25

Indagu boo i Josua, “Ilai' noyo kapaganan ondo' pinaratong muno ramon! Raino Tuhan pana mamparatong ra kapaganan rirun!” Ngaangai' ulun ru Israil pana nomobol ri Akgan saboi minatoi. Nomobol ilo niayuk am nonolob ra sasambaloi nano am ngaangai' rapu' nano.