IMAMAT 20:13 - Tanou Moonsoi Timugon

¹³ Amon ru sangulun ungkuyon marulug ra ungkuyon ra bokon, nambaal ilo ra baal makauyuyu'. Musiti' ilo ruo no ukumin ra matoi; matoi ilo sabap ra kasalaan nilo galama'.

IMAMAT 20:13 ပူးပေါင်းရင်းမြစ်များ

KASAUKAN 19:5

Piawo' nilo i Lot am pangkuot, “Ati kia ulun ondo' minatong pombolong ra baloi muti? Pataako' ilo ramon maa' raginio makarulug akai risilo!”

IMAMAT 18:22

Ungkuyon kalo parulugon ra ungkuyon ra bokon. Masisang i Aki Kapuuno' ra baal raginio.

1 KORINTUS 6:9

Maaru' natutunan min ra ulun malaat kalo masauk ra ulun ri Aki Kapuuno'. Pai' kano iruung; ulun ondo' mansawa', sumamba ra sinungkalalaing, lumapau am ungkuyon homoseksual,

SAGULION 23:17

“Ulun ru Israil, iou pana ungkuyon kabalu' pana ruandu', kalo iowon masauk ra mantatalan ra inan giu' ra kuil-kuil ru sinungkalalaing.

SAGULION 23:18

Ruit ondo' moowot ra ralan ragitio kalo iowon ibiton ra ralalom Baloi ru Tuhan i Aki Kapuuno' min koson manugut ra nazar. Mantatalan ra inan giu' ra kuil ru sinungkalalaing kasisangin ru Tuhan.

1 TIMOTIUS 1:10

Am niayuk ulun mansawa' am lumapau, ulun homoseksual, ilo ondo' mantakou ra ulun, ulun ra maabau-abau, sasi' ra kalo motopot am poyo osoi ayuk ondo' manggal ra pangilaan motopot,

JUDAS 1:7

Karaa' min niayuk mamagun ru bandar Sodom, Gomora am bandar ra naginggaar, ilo pana mogondo' ra malaikat ra raitii' ni. Nambaal ilo ra pansasawaan am baal makauyuyu'. Inukum ilo ra apui mantilayun koson ra rondo' pangkaraan ru ngaangai' ulun.

TINGGANAI RU BANSA' 19:22

Tatanga' ilo maansukan, pulusat ru kukula' ngaulun ondo' jajajou paliso intor ra bandar no nagawang ra baloi no, am tumalimpuun maningkag ra kulobon. Indagu ilo ra ulun matutuo no, “Pataako' ungkuyon ondo' giu' ra baloi muno. Masaga' akai rumulug riso!”