IMAMAT 2:4 - Tanou Moonsoi Timugon

⁴ Amon ru taak no ruti' ondo' inansak ralalom ru oven, kalo latakin ruti' no ra ragi. Kakapalon pana ruti' no, baalon intor ra tapung moonsoi kaga' ondo' latakin ra umau jaitun, am kalilison pana ruti' no, ondo' luitin ra umau jaitun.

IMAMAT 2:4 ပူးပေါင်းရင်းမြစ်များ

MAZMUR 22:14

Gaalon nilo kabang koson ra singa', mansangal am manungaap raki'.

KAINGKUALAN 12:8

Tampilon ra rondom no, kual ru bibiag no musiti' patunuon am akanon ra sayur mapait am niayuk ruti' kalo latakin ra ragi.

KAINGKUALAN 16:31

Ininggalanan ru ulun ru Israil akanon no ra manna. Babaal no koson ra unor mongoborok batik mapulak am liman no koson ra biskut ondo' binaal ra ruu' maningot.

KAINGKUALAN 29:2

Alap ra tapung ondo' moonsoi kaga', kaa' kolondo' ragi, pambaal noyo ra ruti'. Santayaran ra ruti' no baalon latakin ra umau jaitun, am santayaran poyo kolondo' ra umau jaitun, am santayaran poyo baalon ra ruti' malilis ondo' kupilin ra umau.

JISAYA 42:1

Indagu Tuhan, “Gitio noyo ulipon Kutu, ondo' pinaikang Kuli; sangulun noyo pinili' Kuli, am mapabansuk ra guang Kutu. Kuasa' Kuno pinataak Ku noyo riso, magibit Io ra katimpakan ra moonong bansa'.

JISAYA 61:1

Kuasa' ru Tuhan Ondo' Masawat Kaga' soroi raki'; Io nampili' raki' am nanusub raki' koson mapatanou ra tanou moonsoi ra ulun musikin, koson mapatapuli' ra ulun natutuk guang, koson mapatanou ra ulun rinakop ra ilo palabuson mataki', am ra ulun-ulun ralalom ru pangaputan ra paingkualon ilo.

YEHEZKIEL 46:20

am indagu raki', “Gitio noyo intok tayar ru imam-imam no mantanok ra kual intor ra taak simbalui koson mamuso ra tula am taak simbalui koson mambayar ra kalubatan. Panggangon niayuk ru imam taak simbalui ra unor-unor ra rapuan-rapuan ragitio. Koson raginio noyo taak-taak simbalui ondo' mapasau no kalo ibiton ra liliut ra liwar saboi makajamar ra mamagun.”

IMAMAT 1:11

Bibiag no musiti' simbaluyon tampilon ralayo ru altar, am raraa' ru bibiag no musiti' pawason ru imam-imam ra kaapat-apat sapapa' ru altar.

IMAMAT 10:12

Indagu boo i Musa ri Arun am karuo-ruo anak nano ondo' lakat poyo maayag, i Iliajar am i Itamar, “Alapo' suwo ru taak simbalui koson paringkuanangan intor ra akanon ondo' pinataak ra Tuhan, am pambaal ra ruti' ondo' kalo latakin ra ragi intor ra tapung no. Akanon boo ruti' no ra sapapa' ru altar sabap ra taak simbalui ragitio matulai kaga'.

IMAMAT 7:12

Amon ru mapataak sasangulun no koson ra taak paringkuanangan ri Aki Kapuuno', musiti' io mapataak ra ruti' ondo' kalo linatakan ra ragi pabayaan ra bibiag ondo' pataakon no. Ruti' no kakapalon ayuk pana, ondo' baalon intor ra tapung latakin ra umau jaitun, kapoam ruti' malilis ondo' luitin ra umau jaitun, kapoam kuui ondo' baalon intor ra tapung ondo' latakin ra umau jaitun.

UNTABAN 6:15

Musiti' io niayuk mapataak ra sambakul ruti' kalo linatakan ra ragi: Ruti' makapal ondo' linatakan ra umau jaitun, am ruti' malilis ondo' linuitan ra umau jaitun. Musiti' io niayuk mapataak ra taak simbalui koson paringkuanangan am taak simbalui wain, koson ra ondo' inaru' noyo.

MATIUS 26:38

Indagu boo i Jisus ra maamaya'-maamaya' Nano, “Mangiluk kaga' guang Kutu, koson matoi pamalimanan Kuno. Paginaa kano ragiti am pai' kau pombolong.”

JUANIS 12:27

“Maimamang Aku raino. Atan nua' raguon Kutu? Raguon Ku kia, ‘Ama', pai' Aku paintumaa' ragitio’? Kalo, gitio ra aku minatong, koson makaili' aku ra kaimbalaan ti.

JUANIS 3:34

Io ondo' sinusub ri Aki Kapuuno' mampasaboi ra ragu Nano, sabap ra kalo palasin i Aki Kapuuno' mangani' Riso ra Ambiluo Nano.

IBRANI 7:26

I Jisus ti noyo Tingganai Maayo Imam ondo' makapangindangan ritakau. Sala' ka Io koson ra ulun makatula, matulai Io, kolondo' sala kapoam tula, am kinayang Io giu' ra suruga'.

1 PITRUS 2:1

Ginio nai patiri' min noyo ngaangai' kalaatan ru guang min; pai' kano pamparuung, pai' pagabau, pai' kaingot am pai' pagasab ra ulun bokon.

1 PITRUS 2:22

Kalo noyo igondo' Io makatula am kolondo' sangulun pana nakaili' nokorongog ra magabau Io.