IMAMAT 2:3 - Tanou Moonsoi Timugon

³ Suwo ru taak simbalui koson paringkuanangan ra Tuhan no iono longgom ru imam-imam. Taak ti matulai kaga' sabap ra inalap intor ra akanon ondo' pinataak noyo ra Tuhan.

IMAMAT 2:3 ပူးပေါင်းရင်းမြစ်များ

IJRA 2:63

Gabenor ru pagun Jiuda nanginggalar risilo mangakan ra akanon ondo' pinataak ri Aki Kapuuno', saboi mokoondo' sangulun imam ondo' nakaalap ra pakituluan ra namakai ra Urim am Tumim.

KAINGKUALAN 29:37

Baalon ginio moonong orou buoi katuluan. Ginio ra mapasau boo ngaangai' altar no, am atan ayuk ondo' makatiu' ra altar no musiti' pataakon ra Tuhan, am atan ayuk ondo' makakambong ra altar no mausung sabap ra kaikangan ru kapasawan ru ginio.”

YEHEZKIEL 44:29

Taak simbalui koson paringkuanangan ra Tuhan, taak simbalui koson mangampun ra tula, am taak simbalui koson mambayar ra kalubatan, masauk ra akanon ru imam. Musiti' ilo mangapu ra atan ayuk giu' ra Israil, ondo' pataakon Raki', koson ra tayar nilo.

YEHEZKIEL 46:20

am indagu raki', “Gitio noyo intok tayar ru imam-imam no mantanok ra kual intor ra taak simbalui koson mamuso ra tula am taak simbalui koson mambayar ra kalubatan. Panggangon niayuk ru imam taak simbalui ra unor-unor ra rapuan-rapuan ragitio. Koson raginio noyo taak-taak simbalui ondo' mapasau no kalo ibiton ra liliut ra liwar saboi makajamar ra mamagun.”

IMAMAT 10:15

Musiti' ulun ru Israil magibit ra paa am kubab ru bibiag no paat ra ilo mapataak ra lomok no koson ra taak akanon ra Tuhan. Tayar ragitio longgom muno am anak-anak muno ra sabuoi-buoi no, koson ra nanusuban ru Tuhan.”

IMAMAT 14:13

Musiti' simbaluyon ru imam anak domba no giu' ra intok mapasau, intok ru ulun manimbalui ra bibiag tayar ru taak simbalui koson mangampun ra tula am taak simbalui koson mapabansuk ra guang ru Tuhan. Musiti' baalon gitio ru imam sabap taak simbalui koson mambayar ra kalubatan am niayuk taak simbalui koson mangampun ra tula no matulai kaga', am masauk ra imam tatangan.

IMAMAT 2:10

Suwo ru taak simbalui no longgom ru imam-imam. Taak ti matulai kaga' sabap ra inalap intor ra akanon ondo' pinataak noyo ra Tuhan.

IMAMAT 21:22

Kaa' ulun raginilo makaakan ra akanon ondo' nakataak noyo Raki', ondo' kia' taak akanon ondo' mapasau, am niayuk taak akanon ondo' mapasau kaga'.

IMAMAT 5:13

Koson raginio noyo imam no mapataak ra taak simbalui koson mangampun ra tula ru ulun no, am ampunon boo ulun no ru Tuhan. Suwo ru tapung no imam noyo tatangan, koson ra taak simbalui koson paringkuanangan ra Tuhan.

IMAMAT 6:26

Imam ondo' mapataak ra bibiag no musiti' mangakan raginio giu' ra intok ondo' mapasau, iono giu' ra liliut ru Kim ru Tuhan.

IMAMAT 6:9

maa' raginio manaak ri Arun am anak-anak nano ra aturan ragitio intor ra taak simbalui koson mapabansuk ra guang ru Tuhan. Taak raginio musiti' patatangon ra rasawat ru altar buoi sorondom, am apui no musiti' marayus ayuk mapaang.

IMAMAT 7:7

Aturan ondo' nogondo' masauk ra taak simbalui koson mangampun ra tula am taak simbalui koson mambayar ra kalubatan: Kual ru bibiag no masauk ra longgom ru imam ondo' mapataak ra taak simbalui no.

IMAMAT 7:9

Moonong taak simbalui koson paringkuanangan ra Tuhan, ondo' kia taak simbalui inansak ralalom ru oven, kapoam inansak ralalom ru paliuk, kapoam inansak ralalom ru pamanggangan, masauk ra longgom ru imam ondo' mapataak ra taak simbalui no.

UNTABAN 18:9

Intor ra taak-taak ra mapasau kaga', ondo' kalo sinolob giu' ra rasawat ru altar, ondo' gitio noyo rirun no: taak simbalui koson paringkuanangan, taak simbalui koson mangampun ra tula am taak simbalui koson mambayar ra kalubatan. Ngaangai' taak simbalui ondo' pataakon Raki' tayar ru taak mapasau masauk ra longgom muno am anak-anak ungkuyon muno.

1 SAMUIL 2:28

Intor ra ngaangai' bansa' ru Israil, pinili' Ku sasambaloi nano nasauk ra imam Kuno koson mangandoi giu' ra altar, monolob ra kaminyan, am mambayang ra efod paat makitulu' intor Raki'. Nanaak Aku risilo ra pangiawan koson mangalap ra santayaran intor ra taak simbalui ondo' solobon ra rasawat ru altar.