16 Solobon ru imam santayaran ra tapung am umau jaitun, am niayuk ngaangai' kaminyan no, koson tatandu' ra ngaangai' no pinataak noyo koson taak ra akanon ra Tuhan.
Ulun no musiti' mambagu' ra kalabuat am paa ru sapi' no, am ngaangai' taak simbalui no musiti' solobon ru imam ondo' mangandoi no ra rasawat ru altar. Owou ru taak ra akanon no mapabansuk ra guang ru Tuhan.
Mangalap imam no ra santayaran ra ruti' no, am solobon no ra rasawat ru altar koson tatandu' ra pinataak noyo ngaangai' no ra Tuhan. Owou ru taak ra akanon no mapabansuk ra guang ru Tuhan.
Paat ri Jisus soroi ra tana' ti, nakiasi' Io toojo ri Aki Kapuuno' nabaya' ra bolos mapuor liliwa' nantangi'. Nakiasi' Io ri Aki Kapuuno' ondo' makapamayag Riso intor ra kapatayan, am rinongog Io ri Aki Kapuuno' sabap ra pinainggana' No guang Nano Riso.