IMAMAT 2:12 - Tanou Moonsoi Timugon

¹² Ampos ru tinanom ondo' kumoson galing mino ra moonong bilor musiti' pataakon ra Tuhan, kaa' taak no kalo solobon ra rasawat ru altar.

IMAMAT 2:12 ပူးပေါင်းရင်းမြစ်များ

KASAUKAN 23:17

Ginio noyo ati kulaan umo ri Ipron ondo' mamaar ra Makpila tampilon ra sirangon ru Mamri, i Abragam boo tatangan. Tana' no makaumo, luang batu am niayuk ngaangai' puun tataun polos ru makatataun ra pompor ru tana' ri Ipron no.

2 TUNUNG RU BANSA' ISRAIL 31:5

Pakatanou ayuk susuban no, nagibit ulun ru Israil ra taak gandum ondo' moonsoi kaga', wain, umau jaitun, ruu' ru maningot am ampos ra tinanom ra bokon. Nagibit ilo niayuk ra sampiopor intor ra atan ayuk longgom nilo.

KAINGKUALAN 22:29

“Paat ra ondo' inaru', papataak no Raki' ra santayaran intor ra gandum, wain am umau jaitun mino. “Pataako' Raki' anak ungkuyon katuaan mino,

KAINGKUALAN 23:19

“Moonong bilor, ibito' noyo ampos kasaa' ondo' moonsoi kaga' intor ra tinanom mino ra baloi ru Tuhan i Aki Kapuuno' mino. “Pai' ansako' anak ru domba kapoam anak ru kambing ra gatas ru indung nano.”

KAINGKUALAN 34:22

“Iantakon Pangiantakan Mangkumos paat ra akau tumalimpuun mangkumos ra ampos kasaa' ru gandum min. Antakon niayuk Pangiantakan Mangkalukub ra Raun bulintok raun matutu', paat ra akau mangupu ra kikinawa'.

IMAMAT 23:17

Musiti' moonong sasambaloi magibit ruo ngantaun ruti', koson ra taak lilion ra Tuhan. Musiti' moonong ruti' baalon intor ra ruo ngakilogram tapung moonsoi kaga' ondo' latakin ra ragi. Musiti' ruti' ti pataakon ra Tuhan tayar ru taak intor ra kinumos ra gandum ondo' kasaa'.

IMAMAT 7:13

Suai raginio, musiti' io niayuk mapataak ra ruti' ondo' baalon latakin ra ragi.

UNTABAN 15:20

Intor ra gandum ondo' kumos galing no, tunui' ruti' intor ra adunan kasaa' ru gandum no; rondo' ruti' musiti' pataakon tayar ru taak luntukon ra Tuhan. Ralan mapataak raginio nogondo' ra ralan mapataak ra taak luntukon intor ra gandum ondo' agik galing mino.

UNTABAN 18:12

Pataakon Ku rirun ngaangai' ampos kasaa' ondo' moonsoi kaga', ondo' pataakon ru ulun ru Israil Raki' ra moonong bilor: umau jaitun, wain am gandum.

1 KORINTUS 15:20

Kaa' motopot toojo ra i Kristus binayag noyo saguli' intor ra kapatayan. Ginio noyo puun ru kalansanan takau ra ulun ondo' minatoi noyo bayagon saguli'.

SAGULION 26:10

Ginio ra, raino ra Tuhan, mapataak aku ra tayar kasaa' intor ra ampos ru tinanom ondo' pinataak Nano raki'.’ “Mopongo raginio pabantaa' bakul no giu' ra saang ru Tuhan am sambayang noyo Riso ra giu' no.

PINAINTALANG 14:4

Ilo ti ungkuyon ondo' kalo igondo' siminamba ra tuhan ra bokon. Ilo ti ungkuyon mapasau toojo ondo' kalo igondo' lampit ra ruandu'. Mapasau ilo mogondo' ra ralaa. Ilo ti sumunu' ayuk ra Anak Domba no ra ati ayuk angayan Nano. Binayag ilo intor ra ngaangai' ulun koson ilo ti kasaa' pataakin ri Aki Kapuuno' am ra Anak Domba.