IMAMAT 19:5 - Tanou Moonsoi Timugon

⁵ “Paat ra akau manimbalui ra bibiag tayar ru taak simbalui koson makibarakat ra Tuhan, gagayaa' noyo aturan ondo' tinaakan Kuno ramuyun, maa' raginio mangapu Aku ra taak mino.

IMAMAT 19:5 ပူးပေါင်းရင်းမြစ်များ

2 TUNUNG RU BANSA' ISRAIL 31:2

Raja' Gijkia nambaal saguli' ra pulalai ru imam-imam am ulun-ulun ru Liwi. Moonong pulalai inanian ra kandoi ra inaru', nakaaya' kandoi monolob ra taak simbalui koson mapabansuk ra guang ru Tuhan am mampataak ra taak simbalui koson makibarakat ra Tuhan, maya' ralalom ru upacara sambayang giu' ra Baloi ru Tuhan, am mongompor am niayuk maringkuanang giu' ra kukula' intok ra ralalom Baloi ru Tuhan.

KAINGKUALAN 24:5

Panusub boo i Musa ra kukula' ngaulun mamulok koson mapataak ra taak simbalui koson mapabansuk ra guang ru Tuhan am niayuk mapataak ra kukula' ngainan sapi' koson ra taak simbalui koson makibarakat ra Tuhan.

YEHEZKIEL 46:12

Amon ru ulun manguasa' moogot mangani' ra taak toojo ayuk ra Tuhan, ondo' taak simbalui koson mapabansuk ra guang ru Tuhan, kapoam taak simbalui koson makibarakat ra Tuhan, kulobon garabang sirangon ondo' mongoi ra liliut ralalom musiti' ukabon riso. Musiti' io mampataak ra taak simbalui no nogondo' koson ra binaal no paat ra orou Sabat, am kulobon garabang musiti' angabin saguli' malupus io mingkual.”

YEHEZKIEL 46:2

Ulun manguasa' sumubol intor ra liliut ra liwar mongoi ra intok maayo am migor ra sapapa' ru lugu' kulobon garabang no. Liliwa' raginio imam-imam no mampataak ra taak simbalui koson mapabansuk ra Tuhan am taak simbalui koson makibarakat ra Tuhan; iono taak-taak simbalui ondo' pataakin ru ulun manguasa'. Ulun manguasa' no musiti' migulatur am sumamba ra Tuhan giu' ra guang ru kulobon garabang no, am mingkual saguli'. Kulobon garabang no kalo angabin saboi ra rondom.

IMAMAT 1:3

Amon ru mapataak io ra sanginan intor ra sapi' nano koson taak simbalui koson mapabansuk ra guang ru Tuhan, musiti' io mapataak ra sapi' gawayan ondo' kalo najamaran. Sapi' no musiti' ibiton no ra kulobon ru Kim ru Tuhan maa' raginio maansayan Tuhan ra ulun no.

IMAMAT 19:4

“Pai' samba ra sinungkalalaing. Pai' pambaal ra sinungkalalaing intor ra logam am pai' samba raginio. Aku noyo Tuhan i Aki Kapuuno' min.

IMAMAT 19:6

Musiti' kual no akanon paat ra orou ru bibiag no simbaluyon kapoam paat ra orou suabon no. Kual ondo' soroi ra paat ra orou katalu no musiti' solobon,

IMAMAT 22:19

Musiti' bibiag no ungkuyon ondo' kalo najamaran, maa' raginio apuon.

IMAMAT 22:21

Paat ra sasangulun no mapataak ra taak simbalui koson makibarakat ra Tuhan, ondo' kia tayar manugut ra nazar kapoam koson taak simbalui ondo' pataakon ra kalo kibayarin, bibiag no ondo' kalo najamaran, maa' raginio apuon.

IMAMAT 22:23

Akau makapapataak ra bibiag ondo' kalo matanda' baal no koson ra taak simbalui ondo' pataakon ra kalo kibayarin, kaa' taak simbalui ti kalo apuon koson ra taak simbalui manugut ra nazar.

IMAMAT 22:29

Paat ra akau mapataak ra taak simbalui koson paringkuanangan ra Tuhan, bayaa' noyo aturan no maa' raginio apuon taak simbalui mino.

IMAMAT 7:16

Paat ra sasangulun mapataak ra taak simbalui koson makibarakat ra Tuhan, ra kuayan manugut ra nazar nano kapoam koson ra taak ondo' pataakon no ayuk toojo, kalo pana akanon ngaangai' taak simbalui raginio paat ra orou papataakan ra taak simbalui no. Suwo no maakan ra suabon no.

IMAMAT 7:18

Amon ru sanganu pana intor ra suwo ru kual no akano' paat ra orou katalu, kalo apuon ri Aki Kapuuno' taak simbalui no. Kalo masauk taak simbalui no ra barakat ra ulun raginio, kaa' masauk ra kalo matulai. Osoi ayuk ondo' mangakan ra suwo ru kual no makasala am musiti' mansaan ra kinibit no.