IMAMAT 19:4 - Tanou Moonsoi Timugon

⁴ “Pai' samba ra sinungkalalaing. Pai' pambaal ra sinungkalalaing intor ra logam am pai' samba raginio. Aku noyo Tuhan i Aki Kapuuno' min.

IMAMAT 19:4 ပူးပေါင်းရင်းမြစ်များ

1 RAJA'-RAJA' 14:9

Tula muno maayo poyo intor ra ulun ondo' namarinta nakapagulu intor rirun. Nangimpai kou Raki'. Napatabual kou ra sangit Kuno paat ra okou nambaal ra sinungkalalaing sambaan am sinungkalalaing intor ra basi'.

1 TUNUNG RU BANSA' ISRAIL 16:26

Dewa-dewa ru bansa' ra bokon sinungkalalaing ayuk, kaa' Tuhan nambaal ra limbowon.

2 TUNUNG RU BANSA' ISRAIL 28:2

am minaya' ra ralan kaayagan ru raja'-raja' Israil. Nambaal Raja' Agas ra sinungkalalaing Baal intor ra logam.

MAZMUR 96:5

Ngaangai' dewa ru bansa' ra bokon sinungkalalaing ayuk, kaa' Tuhan noyo ondo' namangun ra limbowon.

KAINGKUALAN 20:23

Pai' taligama' pambaal ra sinungkalalaing intor ra pirok kapoam mas koson sambaan ra sapapa' Kuno.

KAINGKUALAN 32:4

Alapo' ri Arun anting-anting no, luwo' ngaangai' no am pasasaro' mas no ralalom acuan, am pambaal rondo' sinungkalalaing ru sapi' gawayan. Indagu ulun raginilo, “Israil, gitio noyo tuhan takau ondo' nagibit ritakau miningkual intor ra Misir!”

KAINGKUALAN 34:17

“Pai' pambaal ra tuhan-tuhan ra bokon intor ra basi', am pai' samba ra tuhan-tuhan ra bokon no.

IMAMAT 11:44

Aku noyo Tuhan i Aki Kapuuno' min; pagilalain min maa' raginio magulayun kau matulai, sabap ra Aku ti matulai.

IMAMAT 19:25

Paat ra bilor kalimo, am maakan min boo kawa' ru puun no. Amon ru mambaal kau koon raginio, puun ru kinawa' mino mangkawa' ra masuang poyo. Aku noyo Tuhan i Aki Kapuuno' min.

IMAMAT 19:5

“Paat ra akau manimbalui ra bibiag tayar ru taak simbalui koson makibarakat ra Tuhan, gagayaa' noyo aturan ondo' tinaakan Kuno ramuyun, maa' raginio mangapu Aku ra taak mino.

IMAMAT 26:1

Indagu Tuhan, “Pai' pambaal ra sinungkalalaing, am pai' patirongo' patung, lugu' batu sinungkalalaing kapoam batu inukir ra sambaan. Aku noyo i Tuhan i Aki Kapuuno' min.

AGAI 2:18

Paat ra orou raiti', orou karuo ngoopor am apat ra sila' kasiam, batu maatang ra Baloi Kuno nopongo pinabanta'. Ilai' noyo atan ondo' masauk intor raino.

1 KORINTUS 10:14

Ginio nai ra, pabukat kau ngaangai' ondo' tagamin ku, pai' min noyo sambaa' sinungkalalaing!

SAGULION 27:15

“ ‘Kaulas noyo ulun ondo' mambaal ra sinungkalalaing intor ra batu, tataun, kapoam basi', am sumamba raginio ra sinokon. Masisang Tuhan ra sumamba ra sinungkalalaing.’ “Ngaangai' ulun tumaam ra, ‘Amin!’

SAGULION 4:16

kalo makatula kau ra mambaal ra sinungkalalaing ra akau galama' ralalom ru atan pana baal no, iou pana ra baal ru ungkuyon kapoam ruandu',

SAGULION 7:25

Solobo' noyo sinungkalalaing nilo. Pai' gogoto' mas am pirok ondo' soroi ra sinungkalalaing nilo, am pai' alap ra kuliamos raginio tayar rirun galama'. Pai' kau pangalap raginio, malumpa' kau ra kapio, sabap masisang Tuhan ra sumamba ra sinungkalalaing.

1 JUANIS 5:21

Pabukat kau ngaangai', inggalur kano intor ra sinungkalalaing binaal-baal no!