IMAMAT 19:3 - Tanou Moonsoi Timugon

³ Musiti' moonong ulun mangurumat ra ama' am ina' nano, am niayuk mangiantak ra orou Sabat koson ra nanusuban Kuno. Aku noyo Tuhan i Aki Kapuuno' min.

IMAMAT 19:3 ပူးပေါင်းရင်းမြစ်များ

KASAUKAN 48:12

Alapo' ri Jusup anak-anak nano intor ra sapau ri Jakub am igulatur io galama' ra saang ru ama' nano.

NIGIMIA 9:14

Nangila' Kou risilo mangiantak ra orou Sabat ondo' mapasau no, am ondo' pinabala' galing ra ulipon Muno i Musa, nangani' Kou risilo ra ukum Muno.

KAINGKUALAN 16:29

Karaa' noyo ra Aku, Tuhan nangani' ramuyun ra orou tangusan. Ginio sabap ra paat ra orou ra koonom mangani' Aku ramuyun ra akanon ondo' sama' koson karuaan. Paat ra orou ra katulu' musiti' moonong ulun mayan ra intok ru sigagama', am kalo iruanin baloi nano.”

KAINGKUALAN 20:12

“Urumato' noyo ama' am ina' muno, maa' raginio maawar painawo muno ra tana' ti ondo' pataakon Kuno rirun.

KAINGKUALAN 20:8

“Iantako' noyo orou Sabat am urumato' orou raginio koson orou ondo' matulai.

KAINGKUALAN 21:15

“Osoi mapalamba' ra ama' nano kapoam ina' nano musiti' ukumin ra matoi.

KAINGKUALAN 21:17

“Osoi magulas ra ama' nano kapoam ina' nano musiti' ukumin ra matoi.

AMSAL 1:8

Karaa' noyo atan rinagu ru matuo muno rirun, anak kuno,

AMSAL 23:22

Rongogo' noyo pinson ri ama' muno, sabap ra amon ru kalio io, akau kolondo'. Bulintok ra ina' muno matutuo, patalango' noyo guang maringkuanang muno riso.

AMSAL 30:11

Mokoondo' ulun magulas ra ama' am kalo maringkuanang ra ina' nano.

AMSAL 30:17

Sangulun ondo' magasab ra ama' nano, kapoam ina' nano ondo' matutuo noyo, maaya' patirin ra liwar maa' raginio mato nano tindukon ru bangkaak am baangkai nano akanon ru likap.

JISAYA 58:13

Mindagu Tuhan, “Urumato' noyo orou Sabat koson ra orou ru Tuhan. Pai' pambaal ra kandoi koson kaatangan muno galama' ra orou raginio. Iantako' noyo orou raginio koson ra orou kaansukan; urumato' noyo orou ru Tuhan ra kalo saugar-ugar; pai' niayuk pangandoi kapoam mindagu ra kolondo' onong.

YEHEZKIEL 20:12

Susubon Ku ilo mangurumat ra orou Sabat koson tatandu' ru nabantuan Kuno risilo, koson mampakara' risilo ra Aku, Tuhan nampatulai risilo ra tayar Kuno.

IMAMAT 11:44

Aku noyo Tuhan i Aki Kapuuno' min; pagilalain min maa' raginio magulayun kau matulai, sabap ra Aku ti matulai.

IMAMAT 19:25

Paat ra bilor kalimo, am maakan min boo kawa' ru puun no. Amon ru mambaal kau koon raginio, puun ru kinawa' mino mangkawa' ra masuang poyo. Aku noyo Tuhan i Aki Kapuuno' min.

IMAMAT 19:30

Iantakon orou Sabat am urumaton intok sumamba Raki'. Aku noyo Tuhan.

IMAMAT 19:31

“Pai' ongoi pakibilin intor ra ulun ondo' mapandai makimansunur ra ambiluo ru ulun namagatoi. Amon ru mambaal kau raginio, majamol kau. Aku noyo Tuhan i Aki Kapuuno' min.

IMAMAT 19:34

Koonsoi kano risilo koson akau moonsoi ra ulun mino galama', am tagami' ilo koson akau mitotogom galama'. Karaa' ra nakaili' kau nagayan koson ra ulun bansa' ru bokon giu' ra pagun ru Misir. Aku noyo Tuhan i Aki Kapuuno' min.

IMAMAT 23:3

Mokoondo' onom ngoorou akau mangandoi, kaa' karaa' noyo ra paat orou katulu', iono orou Sabat, iono orou tangusan. Pai' pangandoi orou raginio, kaa' pantimung no ra sumambayang. Orou Sabat no orou timpokon ra Tuhan, ra ati ayuk inayanan mino.

IMAMAT 26:2

Iantakon orou Sabat am urumato' intok sambaan Raki' no. Aku noyo Tuhan.

MALIAKI 1:6

Mindagu Tuhan Ondo' Maayo Kaga' Kuasa' ra imam-imam, “Sangulun anak mangurumat ra ama' nano am sangulun ulipon mangurumat ra tuan nano. Aku ama' min, kaa' kua kalo mangurumat kau Raki'? Aku tuan min, kaa' kua kalo malaa' kau Raki'? Magasab kau Raki', kaa' mangkuot kau, ‘Atan koson akai nagasab Rirun?’

SAGULION 27:16

“ ‘Kaulas noyo ulun ondo' magasab ra ina' kapoam ama' nilo.’ “Ngaangai' ulun tumaam ra, ‘Amin!’

SAGULION 5:16

‘Urumato' noyo ama' am ina' mino, koson nanusuban Kuno Tuhan i Aki Kapuuno' min ramuyun, maa' raginio makakaansayan am maawar painawo giu' ra tana' ondo' taakin Kuno ramuyun.

IBRANI 12:9

Itakau sigagama' makaama' ra tana' ti ondo' mampalapos am mangila' ritakau am mangurumat takau risilo. Amon ru ginio noyo, sotopot no musiti' takau mangurumat ri Aki Kapuuno' giu' ra suruga', maa' raginio maayag takau ra mantilayun.