IMAMAT 19:28 - Tanou Moonsoi Timugon

²⁸ Pai' baliso' kungkung muno, kapoam pilato' inan muno koson ra tatandu' mangulir ra ulun matoi. Aku noyo Tuhan.

IMAMAT 19:28 ပူးပေါင်းရင်းမြစ်များ

1 RAJA'-RAJA' 18:28

Ginio ra nabi-nabi ru Baal no nakiasi' ra mosongou poyo. Namilat ilo niayuk ra inan ra ilang am tutura' sumugut ra kaulayan nilo, saboi raraa' miningkual.

JIRIMIA 16:6

Ulun langkaya' am ulun musikin ra pagun ti matoi, kaa' kolondo' osoi pana manulaboi kapoam mompolobong risilo. Kolondo' sangulun pana mamilat ra inan kapoam mambulut ra ulu koson tatandu' mangulir risilo.

JIRIMIA 48:37

Ilo ngaangai' nangaur ra abuk am jangut, namilat ra kalindu', am nambayang ra karung koson tatandu' mangiluk guang.

IMAMAT 19:27

Pai' lomporo' abuk ra pusisingo muno kapoam lomporon jangut muno.

IMAMAT 19:29

“Pai' tauyuo' anak ruandu' muno ra mapasauk risilo ra ruandu' mantalan ra inan giu' ra kuil. Amon ru mambaal kau raginio, majamol pagun mino am lumanja' baal makauyuyu' ra giu' no.

IMAMAT 21:1

Nanusub Tuhan ri Musa mapasaboi ra susuban ti ra imam-imam papag ri Arun, “Sangulun imam kalo mijamol ra inan ra maya' ra upacara pampalabangan ra pabukat nano,

IMAMAT 21:11

Pinatimpok io noyo Raki', ginio ra kalo mijamol io ra inan. Kalo pairuanin riso Kim Kuno am mumpos ra baloi ru mokoondo' ra baangkai, kabalu' pana baangkai no ama' kapoam ina' nano galama'. Mapajamol binaal nano ra Kim Kuno.

IMAMAT 21:5

“Kalo iowon sangulun imam mangaur ra ati pana tayar ra ulu nano, kapoam mopolompor ra jangut nano, kapoam mamilat ra inan nano koson mapakito ra mangulir io.

MARKUS 5:5

Orou-rondom mangkayat io ra kalabangan no am golok-golok ra kabuluran liliwa' io mamilat ra inan nano ra pilang ru batu.

JUANIS 20:25

Ginio ra pambala' ilo ri Tomas, “Nakakito akai no ra Tuhan.” Kaa' taam i Tomas, “Kalo mangintopot aku amon ru kalo makito ku babaya' ru paku' ra kalindu' Nali am niayuk amon ru kalo makama' ku pilat ru kalindu' am tiagang Nali.”

SAGULION 14:1

“Akau noyo ulun ru Tuhan i Aki Kapuuno' min. Ginio ra paat akau mangulir ra ulun ondo' minatoi noyo, pai' pilato' inan kapoam sukuro' abuk ra tampilon ra saang ru ulu min, koson ondo' baalon ru bansa' ra bokon.

PINAINTALANG 14:11

Mantilayun buun ru lisun ru apui ondo' mangimbolo' ra ulun-ulun no. Ilo ondo' sumamba ra bibiag masigo no am sinungkalalaing nano, am ondo' tinatatanduan ra inggalan ru bibiag masigo no, imboloon ilo orou-rondom ra kalo lalanggain!”

PINAINTALANG 14:9

Kopongo malaikat karuo no sunu' malaikat katalu ondo' minindagu ra bolos mosongou, “Osoi ayuk sumamba ra bibiag masigo no mabaya' ra sinungkalalaing nano am tinatanduan ra rabas kapoam kalindu' nano; ilo no ukumin toojo ri Aki Kapuuno' – mogondo' ra ulun jajalin gauko' ra wain mabisa'.

PINAINTALANG 15:2

Kopongo raginio, kakito ku poyo rondo' baal koson ra raat asilan naratok ra apui. Nakito ku niayuk ilo ondo' nangala ra bibiag masigo, sinungkalalaing nano am ra ulun ondo' inggalan nano tinatanduan ra numbur. Minigor ilo ra kiing ru raat asilan liliwa' nampaguut ra jitor ondo' pinataak ri Aki Kapuuno' risilo.

PINAINTALANG 16:2

Ugar malaikat kasaa' no am pasasaro' no suang ru sangkir nano ra tana' ti. Salula' boo talipos ondo' makalalaa' am maruol kaga' ra inan ru ngaangai' ulun ondo' tinatanduan ra saap ru bibiag masigo no am ilo ondo' siminamba ra sinungkalalaing nano.

PINAINTALANG 19:20

Bibiag masigo no pana narakop nabaya' ra migiangku ra nabi no ondo' nakapambaal ra kaimuagan ra saang ru maayag masigo no. (Intor ra kaimuagan raginio namparuung io ra ulun ondo' tinatanduan ra saap ru bibiag masigo no am ilo ondo' siminamba ra sinungkalalaing no poyo.) Bibiag masigo no am migiangku ra nabi no pinatiran ra tasik ru apui ondo' naratok ra balirang mapaang.

PINAINTALANG 20:4

Kakito ku boo kurisi'-kurisi' turungan ru raja', am ulun-ulun ondo' nanturung inanian ra kuasa' mangukum. Nakito ku niayuk ambiluo ru ulun-ulun ondo' iningguluan sabap ra nangani' ilo ra kaintutunan intor i Jisus am nampatanou ra pambalaan ri Aki Kapuuno'. Ulun-ulun no kalo siminamba ra bibiag masigo kapoam sinungkalalaing no am kalo igondo' tinatanduan ra saap ru bibiag masigo no ra rabas am kalindu' nilono. Ilo naayag saguli' am namarinta ilo koson ra raja' mababaya' ri Kristus buoi saribu ngambilor.