IMAMAT 19:27 - Tanou Moonsoi Timugon

²⁷ Pai' lomporo' abuk ra pusisingo muno kapoam lomporon jangut muno.

IMAMAT 19:27 ပူးပေါင်းရင်းမြစ်များ

1 TUNUNG RU BANSA' ISRAIL 19:4

Rinakop ru Raja' Ganun ulun sinusub ru Raja' Daut, am sinukur jangut nilo, pinutul bayang nilo saboi ra puun ru paa, nalupus raginio sinusub ilo minugar.

JISAYA 15:2

Mamagun ru Dibon magaloi ra bulur koson mantangi' giu' ra intok sumamba ra dewa. Mamagun ru Moab sasingut-singut manulaboi ra bandar Nibo am Midiba. Kinungkulan nilo abuk am jangut koson tatandu' ra mangulir.

JIRIMIA 16:6

Ulun langkaya' am ulun musikin ra pagun ti matoi, kaa' kolondo' osoi pana manulaboi kapoam mompolobong risilo. Kolondo' sangulun pana mamilat ra inan kapoam mambulut ra ulu koson tatandu' mangulir risilo.

JIRIMIA 41:5

balu' ngoopor ngaulun nakasaboi intor ra Sikgim, Silo am Samaria. Kinaur nilo jangut, rinilak bayang am pinilat-pilat inan. Tatanga' ilo nagibit ra gandum am kaminyan koson pataakon giu' ra Baloi ru Tuhan.

JIRIMIA 48:37

Ilo ngaangai' nangaur ra abuk am jangut, namilat ra kalindu', am nambayang ra karung koson tatandu' mangiluk guang.

JIRIMIA 9:25

Indagu Tuhan, “Masaboi paat no ra mangukum Aku ra ulun ru Misir, Jiuda, Idom, Amon, Moab, am mamagun ru tana' kaagisan ondo' nompolontob ra abuk nilo. Ngaangai' ru ulun no sinunatan noyo, kaa' kalo giminagaya' ra nabantuan ondo' tinatanduan ra sunat no. Kolondo' sangulun pana risilo am kolondo' sangulun pana ra ulun ru Israil ondo' giminagaya' ra nabantuan Kuno.”

YEHEZKIEL 44:20

“Kalo iowon imam-imam no mambulut ra ulu saboi kolondo' abuk kapoam polosoon abuk gumawar. Abuk nilo musiti' lomporon sumugut ra aturan ondo' inaru'.

YEHEZKIEL 7:18

Mambayang ilo ra konoon karung am ngaangai' inan nilo monontol. Abuk nilo lamparin, am ilo ngaangai' tauyuon.

IMAMAT 19:28

Pai' baliso' kungkung muno, kapoam pilato' inan muno koson ra tatandu' mangulir ra ulun matoi. Aku noyo Tuhan.

IMAMAT 21:5

“Kalo iowon sangulun imam mangaur ra ati pana tayar ra ulu nano, kapoam mopolompor ra jangut nano, kapoam mamilat ra inan nano koson mapakito ra mangulir io.

SAGULION 14:1

“Akau noyo ulun ru Tuhan i Aki Kapuuno' min. Ginio ra paat akau mangulir ra ulun ondo' minatoi noyo, pai' pilato' inan kapoam sukuro' abuk ra tampilon ra saang ru ulu min, koson ondo' baalon ru bansa' ra bokon.