IMAMAT 19:25 - Tanou Moonsoi Timugon

²⁵ Paat ra bilor kalimo, am maakan min boo kawa' ru puun no. Amon ru mambaal kau koon raginio, puun ru kinawa' mino mangkawa' ra masuang poyo. Aku noyo Tuhan i Aki Kapuuno' min.

IMAMAT 19:25 ပူးပေါင်းရင်းမြစ်များ

IMAMAT 19:24

Paat ra bilor kaapat, musiti' ngaangai' kawa' no patimpokon koson ra taak mambala' ra paringkuanangan min Raki', Tuhan.

IMAMAT 19:26

“Pai' akano' kual ondo' lakat poyo makararaa'. Pai' pambaal ra atan pana ilimu' sihir.

IMAMAT 19:3

Musiti' moonong ulun mangurumat ra ama' am ina' nano, am niayuk mangiantak ra orou Sabat koson ra nanusuban Kuno. Aku noyo Tuhan i Aki Kapuuno' min.

IMAMAT 19:4

“Pai' samba ra sinungkalalaing. Pai' pambaal ra sinungkalalaing intor ra logam am pai' samba raginio. Aku noyo Tuhan i Aki Kapuuno' min.

IMAMAT 19:10

Pai' timungo' kawa' ru anggur ondo' matatang ra mopongo akau mangupu' ra kasaa'; pai' anamo' kawa' ru anggur ondo' maratu'. Tatango' ginilo ngaangai' ra ulun musikin am ulun bansa' ru bokon. Aku noyo Tuhan i Aki Kapuuno' min.

IMAMAT 23:14

Pai' min akano' barli baguon no, ondo' makata', ondo' sininggala', kapoam sinauk ra ruti', ra kalo poyo mapataak kau ri Aki Kapuuno' ra barli baguon no. Aturan ti musiti' gagayaan ru ngaangai' papag mino ra sabuoi-buoi no.