IMAMAT 19:19 - Tanou Moonsoi Timugon

¹⁹ “Gagaya' no ra susuban Kuno. Pai' pampaano' ruo salinut bibiag ondo' kalo nogondo'. Pai' panias ra ruo salinut ru sampug giu' ra rondo' umo. Pai' pambayang ra bayang ondo' binaal intor ra ruo salinut ru banang.

IMAMAT 19:19 ပူးပေါင်းရင်းမြစ်များ

KASAUKAN 36:24

Anak ungkuyon ri Jibion ruo ngaulun iono i Aya am i Ana. (I Ana noyo nakatuum ra taur ru timug mangalasu' giu' ra tana' kaagisan paat io magalung ra kaladai ru ama' nano.)

2 SAMUIL 13:29

Ulipon-ulipon ri Absalom nambaal ra susuban no am namatoi ri Amnon. Anak ungkuyon ru Raja' Daut ra bokon no nangura' ra baghal ru sigagama' am pagigiru'.

2 SAMUIL 18:9

Paat ri Absalom nangura' ra baghal nano, pulali' io nakatuum ra ulun ru Raja' Daut. Baghal nano nansail ra ragana' ru puun oak ondo' makalu, saboi nakasangut ulu ri Absalom ra raan ru tataun no. Narayus baghal nano nagiru' am i Absalom natatang am nakatair ra giu' no.

1 RAJA'-RAJA' 1:33

kon ru Raja' Daut risilo, “Ibito' i Salomo, anak ungkuyon kuno, mongoi ra taur ru timug giu' ra Gigon. Polosoon io mangura' ra baghal kuno am ibito' min pagawai-pagawai ru istana mababaya' ramuyun.

IMAMAT 18:4

Gagayaa' noyo ukum Kuno am baalo' noyo atan panusuban Kuno. Aku noyo Tuhan i Aki Kapuuno' min.

IMAMAT 19:37

Gagaya' no ra ukum am susuban Kuno; Aku noyo Tuhan.”

IMAMAT 20:8

Gagaya' no ra ukum Kuno, sabap ra Aku noyo Tuhan ondo' nampatulai ramuyun Raki'.”

IMAMAT 22:31

Indagu Tuhan, “Gagayaa' noyo ngaangai' susuban Kuno; Aku noyo Tuhan.

IMAMAT 25:18

Gagayaa' ngaangai' ukum am susuban ru Tuhan maa' raginio maayag kau ra namio-mio giu' ra pagun no.

LUKAS 5:36

Tunungo' boo ri Jisus risilo abig ragitio: “Kolondo' sangulun pana mampaangkup ra sabinsang konoon intor ra bayang baguon ra bayang lairon. Amon ru baalon no ginio, maaru' makumbo bayang baguon no am niayuk kalo matimpok amon ru bibinsang baguon paangkupon ra bayang lairon.

ROMA 11:6

Pampilian ri Aki Kapuuno' maya' ra kataawan Nano am sala' ka maya' ra atan ondo' binaal ru ulun. Sabap ra amon ru pampilian ri Aki Kapuuno' maya' niayuk ra binaal ru ulun, arati' no ginio sala' ka totopot kataawan.

SAGULION 4:1

Indagu boo i Musa ra ulun raginio, “Gagayaa' noyo ngaangai' ukum ondo' inila' kuno ramuyun, maa' raginio maayag kau am makaayan ra tana' ondo' taakin ru Tuhan i Aki Kapuuno' ru kinamatuaan min ramuyun.

SAGULION 4:5

“Nangila' aku noyo ramuyun ra ngaangai' ukum no, koson ra nanusuban ru Tuhan i Aki Kapuuno' kuno. Gagayaa' noyo ngaangai' ukum raginio giu' ra tana' ondo' gaawon am ayanin min.