IMAMAT 19:18 - Tanou Moonsoi Timugon

¹⁸ Pai' balos malikokot ra osoi pana, kapoam mararayus masisang ra ulun. Tagami' noyo ulun ra bokon koson okou mitotogom galama'. Aku noyo Tuhan.

IMAMAT 19:18 ပူးပေါင်းရင်းမြစ်များ

KASAUKAN 4:23

Indagu i Lamik ra karuruo andu' no, “Ada am Jila, iningo' ragu kutu! Namatoi aku ra sangulun tuu'-bagu sabap nangimbolo' io raki'.

2 SAMUIL 13:22

Mansuli' kaga' i Absalom ri Amnon am marara' boo mindagu riso, sabap ra rinulug noyo ri Amnon i Tamar, boborok nano.

2 SAMUIL 13:28

Nanusub i Absalom ra ulipon-ulipon nano, “Ilai' min toojo, amon ru nagauk noyo i Amnon sabap ra manginum ra wain, mangani' aku ra pulanu, am potoyo' io. Pai' kalaa'. Aku mansaan ra baal raginio. Baalo' noyo ra baani am pai' pagantangan!”

MAZMUR 103:9

Kalo masalok Io sumangit, am kalo masalok Io mansuli'.

KAINGKUALAN 20:16

“Pai' panimbaal ra ragu ra ulun bokon.

AMSAL 20:22

Kalaatan pai' balasi' ra kalaatan; pangintopot no ra Tuhan am mangindangan Io ramuyun.

IMAMAT 19:34

Koonsoi kano risilo koson akau moonsoi ra ulun mino galama', am tagami' ilo koson akau mitotogom galama'. Karaa' ra nakaili' kau nagayan koson ra ulun bansa' ru bokon giu' ra pagun ru Misir. Aku noyo Tuhan i Aki Kapuuno' min.

MATIUS 19:16

Paat ra sangarawan mokoondo' sangulun ungkuyon minuma' ri Jisus, am pangkuot, “Mangingila', baal moonsoi ra atan kia maaru' baalon koson mokoowot ra kaayagan mantilayun?”

MATIUS 19:19

Urumato' matuo muno; tagami' noyo ngaangai' ulun koson ra kaayagan muno galama'.”

JUANIS 13:34

Gitio noyo panusuban bagu ondo' raguon Kutu ramuyun; Kotogom kano ra rondo' am bokon. Koson ra Aku motogom ramuyun, akau niayuk musiti' motogom ra rondo' am bokon.

RINALATAN 16:28

Kaa' golok boo i Paulus ra mosongou, kono, “Pai' pantuwo! Akai ngaangai' lakat ayuk poyo ragiti!”

ROMA 12:17

Pai' pambalos ra ulun ondo' lumaat ramuyun. Kinam kano pambaal ra moonsoi, ioginio ondo' iowon ra matanda' ru ngaangai' ulun.

ROMA 12:19

Pabukat ondo' tagamin ku: pai' pambalos ra kalaatan ru ulun, kaa' polosoo' noyo i Aki Kapuuno' mangukum risilo. Sabap ra tinulisan noyo ra Buuk Kitab, “ ‘Aku noyo mambalos am Aku noyo mangukum,’ kon ru Tuhan.”

ROMA 13:4

Sabap ra parinta no ulipon ri Aki Kapuuno' koson mangindangan ramuyun. Kaa' amon ru mambaal kau ra malaat, kalaa' kano, sabap ra parinta no makakuasa' mangukum. Inaru' io no ri Aki Kapuuno' koson mangukum ra osoi ayuk ondo' mambaal ra kalaatan.

ROMA 13:9

Sabap ra kon ru Ukum no, “Pai' lapau, pai' pampatoi, pai' pantakou am pai' pagingkaut” – ngaangai' raginio am ukum ra bokon niayuk pinogondo' ayuk ra rondo' susuban ti, ioginio, “Tagami' noyo ulun ra bokon koson ra okou galama' mitogom.”

GALATIA 5:14

Ngaangai' suang ru Ukum ri Musa no sinimpung kariwaa' ra rondo' ayuk panusuban, iogitio: “Kotogom no ra ngaangai' ulun koson okou monogom ra inan muno galama'.”

GALATIA 5:20

sumamba ra sinungkalalaing am kapandayan ra sihir. Mangkinibit ra ulun mantutula', mansasangor, magigingot, masasangit am masaga' makiompor ra ulun, kalo mogondo' guang am mansusuai ayuk.

IPISUS 4:31

Langgai' noyo paliso ra mangusolon, guang ra malaat am masasangit. Pai' kau pakimansangor kapoam magasab ra ulun. Inggalur kano ra guang ra masisang.

SAGULION 32:25

Pangayawan magibit ra patayan giu' ra ralan mangaayo, kalaanan makalumpa' ra ulun giu' ra baloi-baloi. Ulun mamulok, ungkuyon am ruandu' matoi, lalagang am ulun matutuo niayuk kalo pasuayon.

SAGULION 32:35

Mansuli' Tuhan am mangukum risilo; masaboi paat no ra ilo maratu' am mapuso, orou katutukan nilo mataki' makasaboi.

KOLOSI 3:8

Kaa' raino inggaluri' min noyo paliso ragitio: masasangit, mataki' malasu' guang, guang masisang, ragu magasab am poyo ragu ondo' makauyuyu' iningon.

IBRANI 10:30

Sabap ra napandayan takau noyo osoi minindagu, “Aku no mambalos risilo am mangukum risilo.” Mindagu Io niayuk, “Mangakim Tuhan no ra ulun Nano.”

JAKUBUS 2:8

Gitio noyo moonsoi, amon ru totopot suguton min Ukum ru pamarintaan ri Aki Kapuuno', ondo' tinulisan ra Buuk Kitab; “Tagami' noyo rondo' am bokon mogondo' ra akau mitotogom galama'.”

1 PITRUS 2:1

Ginio nai patiri' min noyo ngaangai' kalaatan ru guang min; pai' kano pamparuung, pai' pagabau, pai' kaingot am pai' pagasab ra ulun bokon.

1 JUANIS 4:21

Gitio noyo panusuban ondo' pinataak ri Jisus Kristus ritakau: Osoi ayuk motogom ri Aki Kapuuno' musiti' motogom ra pabukat nano.