IMAMAT 19:15 - Tanou Moonsoi Timugon

¹⁵ “Pai' jajajou paat ra akau mambisara' ra baalon ru ulun. Pai' pansalaa', ondo' kia ra ulun musikin kapoam langkaya'.

IMAMAT 19:15 ပူးပေါင်းရင်းမြစ်များ

AYUP 13:8

Kuminam kau kia manaung ri Aki Kapuuno'? Masaga' kau kia manaung ra baal Nano?

AYUP 32:21

Kalo manaung aku ra osoi pana; kalo mongompor aku ra osoi pana.

AYUP 34:19

Namangun i Aki Kapuuno' ra moonong ulun; kalo saungon No raja', kapoam kaansayin ondo' langkaya' intor ra musikin.

MAZMUR 82:2

“Pai' pangakim ra ulun ra kalo matimpok, am pai' saung ra ulun malaat.

KAINGKUALAN 18:21

Kaa' suai raginio, musiti' kou mampili' ra kukula' ngaulun ungkuyon ondo' mangapintar. Lantiko' ilo ra tingganai ru mamagun ondo' maningganai ra saribu ngaulun, maatus ngaulun, limo ngoopor ngaulun am mopor ngaulun. Musiti' ilo no ulun ondo' malaa' ri Aki Kapuuno', malansanan am kalo masaga' mangapu ra ruit pangambi'.

AMSAL 18:5

Kalo moonsoi sumaung ra ulun malaat, am mangimbolo' ra ulun kolondo' sala.

AMSAL 24:23

Ulun mapintar pana mindagu koson ragitio: Sangulun akim kalo iowon mambaal ra pagimbason.

AMSAL 31:9

Sungkaa' ilo no am kasauk no ra akim ondo' matimpok. Sindungi' noyo pagapuan ru ulun musikin am ulun makakapaganan.”

IMAMAT 19:35

“Pai' pamparuung ra osoi pana ra mampakai ra tukuan, timbangan kapoam panuku' ra kalo motopot.

JUANIS 7:24

Langgai' min noyo mangakim ra ulun maya' ra atan ondo' makito ayuk, kaa' akimi' min noyo maya' ra atan ondo' motopot.”

RINALATAN 23:3

Taam ri Paulus riso, “Okou po lapison ri Aki Kapuuno', okou ti ulun maabau-abau, koson ra timbok sinaat ra mapulak! Manturung kou ra giu' no manalasai raki' maya' kunu' ra Ukum ri Musa, kaa' okou po niayuk galama' manggal ra Ukum ti ra okou nanusub ra ulun nampalapis raki'!”

SAGULION 1:17

Pai' pagimbaso' paat ra okou mamatas; pangakim noyo ra moonong ulun am mamakai ra ralan ra nogondo', kalo ilain osoi ulun no. Pai' kalaa' ra osoi pana, sabap kapatasan ondo' binaal mino kapatasan intor ri Aki Kapuuno'. Amon ru mokoondo' baal ondo' mapagon kaga' ramuyun, pataako' raki' baal raginio; aku mambaal ra kapatasan ra baal raginio.’

SAGULION 10:17

Tuhan i Aki Kapuuno' mino makakuasa' ra ngaangai' tuhan ra bokon am ngaangai' kakuasaan. Matulai am makakuasa' Io, am musiti' gagayaan Io. Kalo magimbas am kalo mangapu ra rasua.

SAGULION 16:19

Kalo iowon kau jajajou kapoam pagimbason paat mapaugar ra pangakiman. Kalo iowon kau mangapu ra rasua sabap rasua mokobolou ra ulun, am poyo ulun mapintar am mabanis guang pana, saboi mamatas ilo ra masala.

SAGULION 27:19

“ ‘Kaulas noyo ulun ondo' tumalingaau ra kaapuan ru ulun bansa' ru bokon, anak nailusan ra matuo am napuor.’ “Ngaangai' ulun tumaam ra, ‘Amin!’