IMAMAT 19:11 - Tanou Moonsoi Timugon

¹¹ “Pai' pantakou ra atan pana; pai' pamparuung ra osoi pana; pai' pagabau.

IMAMAT 19:11 ပူးပေါင်းရင်းမြစ်များ

2 SAMUIL 17:20

Ulun sinusub ri Absalom minatong ra baloi no am pangkuot ra ruandu' no, “Ati kia i Agimaas am i Jonatan?” Taam io, “Bagu ilo ayuk liminaup ra sungoi.” Ulun sinusub no naguyum ra karuruo ngaulun buayoi no, kaa' kalo natuum nilo. Kopongo raginio uli' ulun sinusub no ra Jirusalim.

1 RAJA'-RAJA' 13:18

Indagu boo nabi matutuo intor ra Bitil no riso, “Aku pana sangulun nabi koson rirun. Sumugut ra susuban ru Tuhan, rondo' malaikat nanusub raki' magibit rirun muli' am mampaakan rirun giu' ra baloi kuno.” Sotopot no nabi matutuo no nagabau.

MAZMUR 101:7

Ulun mamparuung kalo paayanon ku ra istana kuno; kolondo' ulun magabau ra saang kuno.

MAZMUR 116:11

Kabalu' pana magalabo mindagu aku, “Kolondo' sangulun pana maintopot.”

KAINGKUALAN 20:15

“Pai' pantakou.

KAINGKUALAN 20:16

“Pai' panimbaal ra ragu ra ulun bokon.

KAINGKUALAN 20:17

“Pai' kalaai ra ondo' tagamin ru bokon: baloi nano, andu' nano, ulipon nano, bibiag tinambiag nano, kaladai nano kapoam atan pana soroi riso no.”

KAINGKUALAN 22:1

“Amon ru mantakou sasangulun ra sapi' kapoam domba, am simbaluyon kapoam talanon, musiti' aligin no sanginan sapi' ra limo ngainan sapi', am sanginan domba aligin no ra apat ngainan domba.

KAINGKUALAN 22:7

“Amon ru mangiou sasangulun mambuli ra pakibuliin koson ra ruit kapoam kuliamos mologo, am tinakou ginilo intor ra baloi nano, musiti' mantatakou no mambayar induo ruli', amon ru marampatan io.

KAINGKUALAN 23:1

“Pai' potonowo' tanou ra magabau, am pai' indangan ra ulun ondo' makasala am mangani' ra inono' kalo motopot.

AMSAL 24:28

Pai' sauk mantalinono' ra sasangulun amon kolondo' panguyatan ra motopot, kapoam manimbaal riso.

JIRIMIA 6:13

Ngaangai' ulun ondo' maayo am niayuk ondo' boborok, magingkaut am kalo mabanis guang. Atan poyo ra nabi am imam pana mamparuung ra ulun.

IMAMAT 19:10

Pai' timungo' kawa' ru anggur ondo' matatang ra mopongo akau mangupu' ra kasaa'; pai' anamo' kawa' ru anggur ondo' maratu'. Tatango' ginilo ngaangai' ra ulun musikin am ulun bansa' ru bokon. Aku noyo Tuhan i Aki Kapuuno' min.

ROMA 3:4

Maaru' kalo! Ondo' raguon ri Aki Kapuuno' motopot, kabalu' pana ngaangai' ulun maabau-abau. Mokoondo' tinulisan ra Buuk Kitab intor ri Aki Kapuuno', “Paat ra Okou mindagu, ngaangai' makapandai ondo' raguon Muno motopot, am paat ra Okou uwin, maala ngaangai' ondo' manguu' Rirun.”

IPISUS 4:25

Pai' kano boo pagabau! Musiti' kau mindagu ra motopot ra rondo' am bokon, sabap ra itakau ngaangai' ti makatayar noyo ra inan ri Kristus.

IPISUS 4:28

Osoi ayuk mantatakou, moonsoi langgain no am mangandoi koson maginakan io galama' am niayuk makapangindangan boo ra ulun musikin.

SAGULION 5:19

‘Pai' pantakou.

KOLOSI 3:9

Ginio boo ra pai' kau pagabau ra rondo' am bokon sabap ra kaayagan am paliso nakalair min i iniruanan min noyo.

1 TIMOTIUS 1:10

Am niayuk ulun mansawa' am lumapau, ulun homoseksual, ilo ondo' mantakou ra ulun, ulun ra maabau-abau, sasi' ra kalo motopot am poyo osoi ayuk ondo' manggal ra pangilaan motopot,

PINAINTALANG 21:8

Kaa' ulun matalou, ulun kalo boo mangintopot, ulun homoseks am lesbian ra makauyuyu' am majamol, mamamatoi, mansasawa', ulun makakapandayan malaat, sumamba ra sinungkalalaing am ngaangai' magagabau – ampos nilono giu' ra tasik ru apui ondo' naratok ra balirang mapaang, ioginio kapatayan ra kainduo.”