IMAMAT 18:26 - Tanou Moonsoi Timugon

^26-27 Nambaal ilo ra ngaangai' baal jajajou am niayuk napajamol ra pagun no, kaa' akau inggalarin mambaal raginio. Akau ngaangai', ondo' ulun ru Israil kapoam ulun bansa' ru bokon, musiti' gumagaya' ra ukum am susuban ru Tuhan.

IMAMAT 18:26 ပူးပေါင်းရင်းမြစ်များ

1 RAJA'-RAJA' 14:24

Giu' ra intok-intok no nambaal ilo ra mantalan ra inan koson sumamba ra dewa. Mokoondo' poyo ungkuyon am ruandu' ondo' mangandoi ra intok-intok raginio koson ra mantalan ra inan. Mamagun ru Jiuda nambaal ra baal makauyuyu' ondo' binaal ru bansa'-bansa' ondo' pinagiru' ru Tuhan ragili, paat ra ulun ru Israil mayan ra pagun no.

IMAMAT 17:10

Amon ru ulun ru Israil kapoam ulun bansa' ru bokon ondo' minayan risilo mangakan ra raraa', ulun no anggalon ru Tuhan, am kalo boo karaan io ra ulun Nano.

IMAMAT 17:8

Paat sangulun Israil kapoam sangulun bansa' ru bokon ondo' minayan ra popolos ru ulun ru Israil mapataak ra taak simbalui koson mapabansuk ra guang ru Tuhan, kapoam taak simbalui ra bokon

IMAMAT 18:25

Binaal nilono napajamol ra pagun no. Ginio sabap ra nangukum Tuhan ra pagun no sabap ra baal majamol ondo' binaal ru mamagun ru pagun no.

IMAMAT 18:30

Indagu Tuhan, “Gagayaa' noyo susuban Kuno am pai' tilu ra binaal ru ulun ondo' minayan giu' ra pagun no ragili. Pai' jamali' inan muno ra mambaal ra baal raginio. Aku noyo Tuhan i Aki Kapuuno' min.”

IMAMAT 18:5

Suguto' ngaangai' ukum am susuban ondo' taakin Kuno ramuyun. Ulun ondo' mambaal raginio maayag. Aku noyo Tuhan.”

LUKAS 11:28

Kaa' taam i Jisus, “Sotopot no, pakaansuk noyo ilo ondo' mangkirongog ra ragu ri Aki Kapuuno' am gumagaya'!”

LUKAS 8:15

Ondo' naratu' ra tana' malabung i, io no ulun ondo' mangkirongog ra bala' no am porondonon nilo ra guang ra matanda'. Mongorot ilo saboi manangkawa'.”

JUANIS 14:15

“Amon ru motogom kau Raki', suguton min panusuban Kuno.

JUANIS 15:14

Amon ru gumagaya' kau ra panusuban Kuno, akau no rangan Kuno.

SAGULION 12:32

Baalo' noyo ngaangai' ondo' nanusuban ku noyo ramuyun; pai' ruangi' kapoam irurui' atan-atan ra susuban raginio.

SAGULION 4:40

Gagayaa' noyo ngaangai' ukum Nano ondo' pinataak kuno ramuyun ra orou raiti', akau am papag min pana makakaansayan. Magulayun kau mayan ra tana' ondo' tinaakan ramuyun ru Tuhan i Aki Kapuuno' min koson masauk ra longgom min ra sabubuoi no.”