IMAMAT 17:6 - Tanou Moonsoi Timugon

⁶ Musiti' pawason ru imam raraa' ru bibiag no ra sapapa'-sapapa' ru altar giu' ra saang ru kulobon ru Kim, am monolob ra lomok ru bibiag no maa' raginio owou no mapabansuk ra guang ru Tuhan.

IMAMAT 17:6 ပူးပေါင်းရင်းမြစ်များ

KAINGKUALAN 29:13

Mopongo raginio, alapon ngaangai' lomok ru kalabuat ru sapi' no, am tampilon moonsoi kaga' ra angkayau, am karuruo bubua' am lomok no; ngaangai' no solobon ra rasawat ru altar koson pataakon Raki'.

KAINGKUALAN 29:18

Solobon ngaangai' domba gawayan no rasawat ru altar koson taak akanon.

YEHEZKIEL 44:15

Indagu Tuhan Raja', “Imam-imam ru Liwi intor ra papag ri Jadok, magulayun toojo mangandoi Raki' paat ulun ru Israil nangiruan Raki'. Ginio ra, raino ilo noyo ondo' mangandoi Raki' am matong ra saang Kuno koson mampataak ra lomok am niayuk raraa' ru bibiag sinimbalui.

IMAMAT 17:5

Susuban ragitio makaarati' ra intor paat raginio, musiti' ulun ru Israil magibit ra ngaangai' bibiag ondo' masaga' pataakon giu' Kim ru Tuhan; ragili kaindalaman no simbaluyon bibiag no giu' ra tana' malimparang. Musiti' ulun ru Israil magibit ra bibiag no ra imam giu' ra saang ru Kim ru Tuhan, am simbaluyon ginio ra giu' no tayar ru taak simbalui koson makibarakat ra Tuhan.

IMAMAT 3:11

Imam ondo' mangandoi monolob ra ngaangai' no ra rasawat ru altar koson taak ra akanon ra Tuhan.

IMAMAT 3:13

Musiti' io mapabanta' ra kalindu' nano ra rasawat ru ulu ru kambing no, am simbaluyon ginio ra saang ru Kim ru Tuhan. Pawason ru imam-imam raraa' no ra kaapat-apat sapapa' ru altar,

IMAMAT 3:16

Imam ondo' mangandoi monolob ra ngaangai' no rasawat ru altar. Owou ru taak ra akanon no mapabansuk ra guang ru Tuhan. Ngaangai' lomok ru bibiag iono tayar ru Tuhan.

IMAMAT 3:2

Musiti' ulun no mapabanta' ra kalindu' nano ra rasawat ru ulu ru sapi' no, simbaluyon boo ginio ra saang ru kulobon ru Kim ru Tuhan. Pawason raraa' ru sapi' no ru imam-imam ra papag ri Arun ra kaapat-apat sapapa' ru altar,

IMAMAT 3:5

Imam-imam musiti' monolob ra ngaangai' no pabayaan ra taak simbalui ra bokon no ra rasawat ru altar. Owou ru taak ra akanon no mapabansuk ra guang ru Tuhan.

IMAMAT 3:8

Musiti' io mapabanta' ra kalindu' nano ra rasawat ru ulu ru domba no am simbaluyon boo ra saang ru Kim ru Tuhan. Pawason ru imam-imam raraa' no ra kaapat-apat sapapa' ru altar,

IMAMAT 4:31

Musiti' io boo mapasuai ra ngaangai' lomok ru kambing no, koson ra io napasuai ra lomok ru bibiag tayar ru taak simbalui koson makibarakat ra Tuhan. Kopongo raginio, musiti' io monolob ra lomok no ra giu' rasawat ru altar. Owou ru taak simbalui no mapabansuk ra guang ru Tuhan. Ginio noyo ralan ru imam mapataak ra taak simbalui koson mangampun ra tula ru ulun no, am ampunon boo ulun no ru Tuhan.

UNTABAN 18:17

Kaa' anak katuaan ru sapi', domba am kambing kalo mapuli'; bibiag raginio tayar Kuno ngaangai' am musiti' pataakon koson ra taak simbalui. Pawaso' raraa' ru bibiag no ra altar am solobo' lomok no tayar ru taak akanon; owou no mapabansuk ra guang Kuno.