IMAMAT 17:11 - Tanou Moonsoi Timugon

¹¹ Painawo ru moonong ondo' maayag soroi ra ralalom ru raraa' nano. Ginio sabap ra nanaak Tuhan ra susuban maa' raginio ngaangai' raraa' pasasaron ra rasawat ru altar tayar mamuso ra tula ru ulun. Raraa', iono painawo, mamuso ra tula.

IMAMAT 17:11 ပူးပေါင်းရင်းမြစ်များ

KASAUKAN 9:4

Rondo' ayuk ondo' kalo maakan min, iono kual ondo' makararaa' ayuk poyo, sabap ra painawo no soroi ralalom ru raraa' no.

IMAMAT 1:5

Sapi' ungkuyon no musiti' simbaluyon ra giu' no niayuk, am imam-imam ra papag ri Arun musiti' mapataak ra raraa' ru sapi' no ra Tuhan, am pawason raraa' no ra kaapat-apat sapapa' ru altar ondo' pinabanta' ra kulobon ru Kim ru Tuhan.

IMAMAT 16:11

Makataak ri Arun sapi' gawayan no tayar ru taak simbalui koson mangampun ra tula nano galama' am sasambaloi nano,

IMAMAT 17:12

Ginio sabap ra manginggalar Tuhan ra ulun ru Israil am ulun bansa' ru bokon ondo' minayan risilo mangakan ra raraa'.

IMAMAT 17:14

Painawo ru moonong ondo' maayag soroi ra ralalom ru raraa' nano. Ginio sabap ra nambala' Tuhan ra ulun ru Israil ra kalo makaakan ilo ra raraa' ru atan pana ondo' maayag. Osoi ondo' mangakan ra raraa' kalo boo karaan ra ulun ri Aki Kapuuno'.

IMAMAT 4:25

Imam ondo' mangandoi no musiti' mopososop ra bubua' ru kalindu' nano ra ralalom ru raraa' ru kambing no, pakupilon raraa' no ra sangau ra pisuk ru altar, am suwo ru raraa' no pawason boo ra tampilon ragana' ru altar.

IMAMAT 4:26

Musiti' io monolob ra ngaangai' lomok ru kambing no giu' ra rasawat ru altar, koson ra io monolob ra lomok ru bibiag ondo' simbaluyon tayar ru taak simbalui koson makibarakat ra Tuhan. Koon raginio ralan ru imam mapataak ra taak simbalui koson mangampun ra tula ru sangulun tingganai, am ampunon boo tingganai no ru Tuhan.

IMAMAT 8:15

Simbaluyo' boo ri Musa sapi' no am alapo' sanganu raraa' no. Ra bubua' ru kalindu', pakupilo' boo ri Musa raraa' no ra sangau ru altar koson patimpokon no. Pasasaro' no suwo ru raraa' no ra tampilon ragana' ru altar. Ginio noyo ralan ri Musa napakapasau ra altar no am patimpokon no ra Tuhan.

MATIUS 20:28

Koson niayuk ra Anak ru Ulun minatong sala' ka makiindangan, kaa' mangindangan, am mampataak ra painawo Nano am mamayag ra masuang ulun.”

MATIUS 26:28

Sabap ra gitio noyo raraa' Kutu ondo' mampainono' ra nabantuan ri Aki Kapuuno', ioginio raraa' Kuno ondo' pasasaron, maa' raginio tula ru masuang ulun ampunon.

MARKUS 14:24

Indagu i Jisus risilo, “Gitio noyo raraa' Kutu, raraa' nabantuan ri Aki Kapuuno' ondo' pasasaron ra masuang ulun.

ROMA 3:25

Ginio ra i Jisus Kristus pinataak ri Aki Kapuuno' ra potoyon maa' raginio ra pinatayan Nano, tula ru ulun ampunon amon ru mangintopot ilo Riso. Binaal ri Aki Kapuuno' ginio koson manulu' ra kinabanis ru guang Nano, sabap ra galing i mataan guang Nano ra tula ru ulun saboi kalo nangukum risilo.

ROMA 5:9

Raino itakau mobonsoi saguli' ri Aki Kapuuno' mansail ra pinatayan ri Kristus. Intor raginio maaru' bayagon takau ri Kristus intor ra sangit am ukum ri Aki Kapuuno'.

IPISUS 1:7

Sabap ra pinatayan ri Kristus ti noyo itakau pinalabus, ioginio tula takali naampun. Mumpara' boo gayo ru kataawan ri Aki Kapuuno' no ritakau,

SAGULION 12:23

Kaa' pai' pangakan ra kual ondo' lakat poyo makararaa', sabap painawo ru bibiag no soroi ralalom ru raraa' nano. Kalo makaakan kau ra painawo mabaya' ra kual.

KOLOSI 1:14

Ralalom ru Anak ti noyo itakau pinalabus; ioginio naampun noyo tula takau.

KOLOSI 1:20

Ralalom ru inggalan ru Anak niayuk, i Aki Kapuuno' nangaru' ra ngaangai' mobonsoi saguli' Riso, ioginio atan ayuk suang ru tana' ti kapoam atan mokoondo' giu' ra suruga'. Gitio sinauk Nano ralalom pinatayan ru Anak Nano ra salip.

IBRANI 13:12

Ginio nai i Jisus pana minatoi giu' ra liwar ru bandar i, maa' raginio, mansail ra raraa' Nano galama' ondo' pinasasar makapamasau Io ra ulun intor ra tula.

IBRANI 9:22

Sumugut ra Ukum ri Musa, maar ngaangai' no takisin ra raraa' koson impasawin; tula ru ulun kalo ampunon amon ru kolondo' raraa' pasasaron.

1 PITRUS 1:2

Pinili' kau ri Aki Kapuuno', Ama' takau, sumugut ra pangatangan Nano, am pinasauk kau ru Ambiluo Nano ra ulun matulai, maa' raginio gumagaya' kau boo ri Jisus Kristus am maimpasawan kau ru raraa' Nano. Gama' ru ruangin poyo ri Aki Kapuuno' no barakat am pabansayan Nano ramuyun.

1 JUANIS 1:7

Kaa' amon ru maayag takau ralalom ru binusasal ru sinda, koson ri Aki Kapuuno' soroi ralalom ru binusasal no, moonsoi kaayagan takau ra rondo' am bokon. Am sabap ra raraa' ri Jisus, Anak Nano, pinasasar, mampakapasau Io ritakau intor ra ngaangai' tula.

1 JUANIS 2:2

I Jisus galama' pabansayan ra tula takau. Sala' ka tula takau ayuk, kaa' tula ru ngaangai' ulun.

PINAINTALANG 1:5

Intor ri Jisus Kristus, sasi' ondo' lansanin, Io no kasaa' ondo' binayag intor ra kapatayan am ondo' niayuk mamarinta ra raja'-raja' ru tana' ti. Motogom i Jisus ritakau am ra pinatayan Nali pinalabus takau noyo intor ra tula takau.