IMAMAT 17:10 - Tanou Moonsoi Timugon

¹⁰ Amon ru ulun ru Israil kapoam ulun bansa' ru bokon ondo' minayan risilo mangakan ra raraa', ulun no anggalon ru Tuhan, am kalo boo karaan io ra ulun Nano.

IMAMAT 17:10 ပူးပေါင်းရင်းမြစ်များ

KASAUKAN 9:4

Rondo' ayuk ondo' kalo maakan min, iono kual ondo' makararaa' ayuk poyo, sabap ra painawo no soroi ralalom ru raraa' no.

2 SAMUIL 23:17

Kon ru Raja' Daut, “Iou Tuhan, kalo mainum ku timug ti. Amon ru inumon ku, koson ayuk ra manginum aku ra raraa' ru talu ngaulun ondo' nangkinuo ra painawo nilo!” Totopot marara' Raja' Daut manginum ra timug no. Koon raginio noyo kinabaani ru talu ngaulun saujor ondo' mauligan kaga' no.

MAZMUR 34:16

Indukuin ru Tuhan ulun ra motopot, am mangkirongog ra pantangian nilo;

KAINGKUALAN 30:33

Osoi mambaal ra umau koson ra umau upacara, kapoam ondo' mamakai ra umau no ra ulun sala' ka imam, kalo boo karaan ra ulun Kuno.”

JIRIMIA 21:10

Namatas Aku noyo koson manutuk ra bandar ti, am kalo malubatan. Bandar ragitio pataakon ra raja' ru Babilonia, am solobon ru raja' no ginio saboi makai'. Aku, Tuhan nakaindagu noyo.”

JIRIMIA 44:11

Ginio ra Aku, Tuhan Ondo' Maayo Kaga' Kuasa', i Aki Kapuuno' ru Israil, manggal ramuyun am mamuso ra ngaangai' ru Jiuda.

YEHEZKIEL 14:8

Anggalon Ku io, am saukon io koson ra pampakaraan. Patirin Ku io intor ra gino ngai' ru ulun Kuno, maa' raginio makapandai kau ra Aku noyo Tuhan.

YEHEZKIEL 15:7

am mangukum risilo. Kabalu' pana nakalabus ilo intor ra apui, solobon ilo ra apui niayuk. Paat ra Aku mangukum risilo ra tauli no, bagu no makapandai kou ra Aku noyo Tuhan.

YEHEZKIEL 33:25

“Posoboyo' atan ondo' paraguon Kuno, Tuhan Raja' risilo: Nanginta' kau ra kual ondo' lakat poyo makararaa'. Sinamba min sinungkalalaing am namatoi. Ati kulaan kau mangkara' ra tana' ti longgom min?

YEHEZKIEL 44:7

Jinamalan nilo Baloi Kuno ra nangiou ra ulun bansa' ru bokon ondo' kalo sinunatan am kalo giminagaya' Raki', siminubol ra Baloi Kuno, paat ulun mampataak ra lomok am raraa' ru taak simbalui Raki'. Ra ngaangai' ru binaal ondo' makauyuyu' no, minanggal ilo ra nabantuan Kuno risilo.

IMAMAT 17:11

Painawo ru moonong ondo' maayag soroi ra ralalom ru raraa' nano. Ginio sabap ra nanaak Tuhan ra susuban maa' raginio ngaangai' raraa' pasasaron ra rasawat ru altar tayar mamuso ra tula ru ulun. Raraa', iono painawo, mamuso ra tula.

IMAMAT 19:26

“Pai' akano' kual ondo' lakat poyo makararaa'. Pai' pambaal ra atan pana ilimu' sihir.

IMAMAT 26:17

Manggal Aku ramuyun saboi kalaan kau ru pantula'. Kuasaan kau ru ulun ondo' masisang ramuyun, am malaa' kau kaga' saboi magiru' kau kabalu' pana kolondo' ulun mangilou ramuyun.

IMAMAT 3:17

Lomok kapoam raraa' kalo noyo toojo maakan ru ulun ru Israil. Aturan ragitio musiti' suguton ru ngaangai' ulun ru Israil ra sabuoi-buoi no, ra ati ayuk ayanan nilo.

AMOS 9:4

Amon ru ibiton ilo ru pantula' giu' ra pamatiran, manusub Aku maa' raginio potoyon ilo. Totopot Ku potoyon ilo, am kalo mangindangan risilo.”

RINALATAN 15:20

Kaa' tulisin takau ayuk ilo ra surat, koson kalo mangakan ilo ondo' majamol maya' ra kaulayan ru ugama, ioginio; akanon ondo' pinasulung ra sinungkalalaing, mangakan ra kual bibiag ondo' pinatoi sikako' kapoam mangakan ra raraa'; am niayuk minggalur intor ra baal pansasawaan.

RINALATAN 15:29

Pai' kau pangakan ra akanon ondo' pinasulung ra sinungkalalaing; pai' kau pangakan ra raraa'; pai' kau pangakan ra kual ru bibiag ondo' pinatoi ra sikako' am poyo inggalur kau noyo intor ra baal pansasawaan. Amon ru sumugut kau ra susuban raginio, moonsoi niayuk. Ginio ayuk, kaansayan ramuyun!”

SAGULION 12:16

Kaa' pai' pangakan ra raraa' ru bibiag no; sasari' raraa' no ra tana' koson ra timug.

SAGULION 12:23

Kaa' pai' pangakan ra kual ondo' lakat poyo makararaa', sabap painawo ru bibiag no soroi ralalom ru raraa' nano. Kalo makaakan kau ra painawo mabaya' ra kual.

SAGULION 15:23

Pai' pangakan ra raraa' ru kual no; pasasaro' noyo raraa' no ra tana' koson ra timug.”

IBRANI 10:29

Mumpara' boo bagat paukumin ra ulun ondo' magasab ra Anak ri Aki Kapuuno' am mangkara' ra kolondo' noyo onong ru raraa' nabantuan ri Aki Kapuuno' ondo' mangampun ra tula nano, am magasab poyo ra Ambiluo ri Aki Kapuuno' ondo' mangasi' riso.

1 SAMUIL 14:32

saboi nagagaau ilo nangalap ra kuliamos ondo' bagu tinalingaau intor ra pantula'; nangalap ilo ra domba am sapi', am niayuk nanimbalui ra ngaangai' no ra intok raginio niayuk, am rayus nanginta' ra kual ondo' lakat poyo makararaa'.

1 SAMUIL 14:33

Kopongo raginio binalaan Raja' Saul ra baal raginio, “Raja' mai, makatula mamagun ra Tuhan sabap ra nanginta' ra kual ondo' lakat poyo makararaa'.” Golok Raja' Saul, “Totopot kano ra najanjayan! Luiro' kon rondo' batu maayo ragiti!”