IMAMAT 16:6 - Tanou Moonsoi Timugon

⁶ Musiti' io mapataak ra sanginan sapi' gawayan tayar ru taak simbalui koson mamuso ra tula nano galama' am tula ru sasambaloi nano.

IMAMAT 16:6 ပူးပေါင်းရင်းမြစ်များ

AYUP 1:5

Mopongo moonong bunsag, suabon no ra iosusuab, sumukal i Ayup am mampataak ra taak simbalui ra tayar ru moonong anak nano koson mapakapasau risilo. Magail io mambaal koon raginio sabap ra pangkaraan nano, maaru' lair sangulun ra anak nano makatula am magasab ri Aki Kapuuno' ra kalo singonon.

YEHEZKIEL 43:19

Imam-imam papag ri Jadok intor ra bansa' ru Liwi ayuk iowon matong ra saang Kuno koson mangandoi Raki'. Aku, Tuhan Raja', nanusub ragitio. Mangani' kou risilo sanginan anak sapi' gawayan maa' raginio pataakon koson ra taak simbalui koson mangampun ra tula.

YEHEZKIEL 43:27

Mopongo saminggu', imam-imam no musiti' tumalimpuun mampataak ra taak simbalui koson mapabansuk ra guang Kuno am taak simbalui koson makibarakat Raki', giu' ra rasawat ru altar ra tayar ru ulun. Bagu no iowon Ku akau ngaangai'. Aku, Tuhan Raja' nakaindagu noyo.”

IMAMAT 16:3

Makaumpos io ra ralalom ru Lamin Matulai Kaga' ra io mopongo ayuk magibit ra sanginan sapi' gawayan mamulok tayar ru taak simbalui koson mangampun ra tula am sanginan domba gawayan tayar ru taak simbalui koson mapabansuk ra guang ru Tuhan.”

IMAMAT 16:7

Musiti' io magibit boo ra ruo ngainan kambing no giu' ra kulobon ru Kim ru Tuhan.

IMAMAT 9:7

Indagu i Musa ri Arun, “Ongoi no ra altar am papataak ra taak simbalui koson mangampun ra tula am taak simbalui koson mapabansuk ra guang ru Tuhan, maa' raginio ampunon tula muno am tula ru ngaangai' ulun ti ru Tuhan. Baalo' gitio koson ra nanusuban ru Tuhan.”

IBRANI 7:27

Moonong orou Tingganai Maayo Imam ra bokon mampataak ra taak simbalui sabap ra tula ru ulun am tula nilo galama', kaa' i Jisus sala' ka koson raginio. Igondo' ayuk nampataak Io ra kaayagan Nano galama' am ginio sama' ra sabuoi-buoi no.

IBRANI 9:12

Igondo' ayuk i Kristus minumpos ra Intok Matulai Kaga' ti am ginio sama' ra sabuoi-buoi no. Kalo nagibit Io ra raraa' ru kambing am raraa' ru sapi' gawayan, kaa' inibit No raraa' Nano galama' ondo' nasauk ra puun ru pamayagan mantilayun takau.

IBRANI 9:7

Kaa' Tingganai Maayo Imam ayuk ondo' makaumpos ra lamin ra ralalom no ra igondo' ayuk sambilor. Magibit io ra raraa' am pataakon no ri Aki Kapuuno' koson pakiampunan ru tula nano galama' am niayuk ra tula ondo' kalo natutunan ru ulun.