IMAMAT 16:4 - Tanou Moonsoi Timugon

⁴ Musiti' i Arun manutun ra aturan ragitilo. Kalo poyo mumpos i Arun ra Lamin Matulai Kaga', musiti' io mariu' am mambayang ra bayang ru imam; sukub, saluar mariwa', abot am serban, ondo' ngaangai' no binaal intor ra konoon linon.

IMAMAT 16:4 ပူးပေါင်းရင်းမြစ်များ

KAINGKUALAN 28:2

Baali' maayo muno i Arun ra bayang ru imam, maa' raginio makito io ra maatang kaga'.

KAINGKUALAN 29:4

“Ibito' i Arun am anak-anak nano ra kulobon ru Kim Kuno am paugaro' upacara pambaguan ra inan risilo.

KAINGKUALAN 30:20

ra kalo poyo mumpos ra Kim am minggaar ra altar koson mapataak ra akanon. Ginio ra kalo potoyon ilo.

KAINGKUALAN 40:12

Mopongo raginio ibiton boo i Arun am anak-anak nano mongoi ra kulobon ru Kim ru Tuhan, am baalon upacara mariu' risilo.

JISAYA 53:2

Kasaga' ru Tuhan ulipon Nano gumayo koson ra samul ondo' tumuu' giu' ra tana' mapua'. Kolondo' makaantak paat ra ilain; kolondo' makabunduk koson ra kasagain.

YEHEZKIEL 44:19

Ra ilo kalo poyo mingkual mongoi ra liliut ra liwar, mongoi ra intok timungan ru ulun, imam-imam no musiti' mangalus ra bayang ru imam am tatangon ginio giu' ra ralalom ru lamin-lamin matulai. Musiti' ilo mambayang ra bokon maa' raginio bayang matulai no kalo makausung ra ulun.

YEHEZKIEL 9:2

Pulusat ru onom ngaulun ungkuyon minatong intor ra tampilon ra liwar ru kulobon garabang Baloi ru Tuhan, am sigagama' nagibit ra kinandoi. Minaya' risilo sangulun ondo' nambayang ra linon am nagibit ra kuliamos koson manulis. Ilo ngaangai' minatong am minigor mamaar ra altar gangsa'.

IMAMAT 16:23

Mopongo raginio musiti' i Arun mumpos ra ralalom ru Kim ru Tuhan, mangalus ra bayang ru imam ondo' binayang nano paat ra io mumpos ra Lamin Matulai Kaga', am posoroyon bayang no ra giu' no.

IMAMAT 16:24

Musiti' io mariu' giu' ra rondo' intok ondo' inaru' ra mapasau, bayangon no boo bayang nano galama'. Mopongo raginio musiti' io mingkual, mampataak boo ra taak simbalui koson mapabansuk ra guang ru Tuhan, tayar ru mamuso ra tula nano galama' am tula ru ulun ru Israil.

IMAMAT 16:32

Tingganai Maayo Imam ondo' patimpokon noyo koson sumuali ra ama' nano, am palilion ayuk ri Aki Kapuuno', musiti' mambaal ra upacara pamasawan. Musiti' io mambayang ra bayang ru imam,

IMAMAT 6:10

Musiti' boo imam ondo' nambayang ra sukub am nansaluar mariwa' intor ra linon no mangalap ra kaau mokolomok ondo' soroi giu' ra altar no, am pabantaan no ra kiing ru altar no.

LUKAS 1:35

Taam malaikat no, “Matong Ambiluo ri Aki Kapuuno' rirun am kuasa' ri Aki Kapuuno' sumoroi rirun. Ginio sabap ra anak ondo' anakon muno sabiton Anak ri Aki Kapuuno' ondo' matulai.

PILIPI 2:7

Kaa' ngaangai' tinatang No ayuk am siminauk koson ra ulipon am siminauk Io ra ulun, am kaayagan Nali mogondo' ritakau.

IBRANI 10:22

Intor raginio, pagindagu takau no ri Aki Kapuuno' mabaya' ra guang mabanis am pangintapatan maikang; mabaya' ra guang kolondo' sala am pampariwan ondo' mampakito ra itakau mapasau noyo.

IBRANI 2:14

Sabap ra ilo ondo' sabiton ra pabukat, ioginio ulun, ilo mapandai matoi, ginio ra i Jisus pana nasauk ra ulun toojo mogondo' risilo. Binaal No ginio, maa' raginio mansail ra pinatayan Nano mamuso Io ra kuasa' ru Tingganai ru riwato ondo' makapampatoi ra ulun.

IBRANI 7:26

I Jisus ti noyo Tingganai Maayo Imam ondo' makapangindangan ritakau. Sala' ka Io koson ra ulun makatula, matulai Io, kolondo' sala kapoam tula, am kinayang Io giu' ra suruga'.