IMAMAT 16:23 - Tanou Moonsoi Timugon

²³ Mopongo raginio musiti' i Arun mumpos ra ralalom ru Kim ru Tuhan, mangalus ra bayang ru imam ondo' binayang nano paat ra io mumpos ra Lamin Matulai Kaga', am posoroyon bayang no ra giu' no.

IMAMAT 16:23 ပူးပေါင်းရင်းမြစ်များ

YEHEZKIEL 42:14

Paat ra imam-imam no ondo' giu' ra ralalom Baloi ru Tuhan mingkual mongoi ra liliut ra liwar, musiti' nilo patatangon bayang mapasau giu' ra ralalom ru lamin-lamin no. Bayang no bayangon nilo paat mangandoi ra Tuhan. Musiti' ilo mambayang ra bokon ra kalo poyo mingkual mongoi ra intok tinimungan ru ulun masuang.”

YEHEZKIEL 44:19

Ra ilo kalo poyo mingkual mongoi ra liliut ra liwar, mongoi ra intok timungan ru ulun, imam-imam no musiti' mangalus ra bayang ru imam am tatangon ginio giu' ra ralalom ru lamin-lamin matulai. Musiti' ilo mambayang ra bokon maa' raginio bayang matulai no kalo makausung ra ulun.

IMAMAT 16:22

Magibit kambing no ra ngaangai' tula ru ulun ru Israil maalur giu' ra tana' kolondo' tutuu', ondo' kalo inayanan ru ulun. Palabuson boo kambing no giu' ra tana' kaagisan.

IMAMAT 16:4

Musiti' i Arun manutun ra aturan ragitilo. Kalo poyo mumpos i Arun ra Lamin Matulai Kaga', musiti' io mariu' am mambayang ra bayang ru imam; sukub, saluar mariwa', abot am serban, ondo' ngaangai' no binaal intor ra konoon linon.

IMAMAT 6:11

Kopongo raginio musiti' imam no mangalig ra binayang nano am magibit ra kaau mongoi ra liwar ru pangkiman, giu' ra intok ondo' timpok ru kaau no.

ROMA 8:3

Atan ondo' kalo nabaal ru Ukum ri Musa sabap ra paliso ru ulun no ondo' malawo, binaal noyo ri Aki Kapuuno'. Koson mamuso ra kuasa' ru tula ralalom paliso ru ulun, nangator i Aki Kapuuno' ra Anak Nano galama'. Minayag Io koson ra ulun, ioginio baal ru ulun ondo' makatula am intor raginio kinala No kuasa' ru tula.

IBRANI 9:28

Koson niayuk i Kristus igondo' ayuk nampataak ra painawo Nano koson mamuso ra tula ru masuang ulun. Matong Io poyo ra kainduo, sala' ka koson mangampun ra tula, kaa' koson mampakaayag risilo ondo' maginaa Riso.