IMAMAT 16:2 - Tanou Moonsoi Timugon

² “Balai' i Arun, maayo muno, ra paat ra ondo' inaru' ayuk, mokoongoi io ra talikuron ru tabir, mongoi ralalom ru Lamin Matulai Kaga', sabap ra giu' no mintalang Aku ralalom ru gaun rasawat ru tataub ru Kaban Nabantuan. Amon ru manggal i Arun ra susuban raginio, matoi io.

IMAMAT 16:2 ပူးပေါင်းရင်းမြစ်များ

1 RAJA'-RAJA' 6:16

Rondo' lamin ondo' ininggalanan ra Lamin Matulai Kaga' binaal ra tampilon ra talikuron ru Baloi ru Tuhan. 9 ngamito gawar no, am linolot intor ra sulig saboi ra pinuusan no ra papan intor ra tataun sidar.

1 RAJA'-RAJA' 8:6

Kopongo raginio imam-imam nagibit ra Kaban Nabantuan no ra ralalom ru Baloi ru Tuhan, am napabanta' raginio giu' ra Lamin Matulai Kaga', giu' ra ragana' ru sinungkalalaing kirub.

KAINGKUALAN 30:10

Musiti' i Arun sambilor igondo' mambaal ra upacara pamasawan ra altar am kupilin ra raraa' ru bibiag ondo' pataakon koson taak simbalui koson mangampun ra tula, ra kaapat-apat sangau ru altar no. Baal ragitio musiti' baalon moonong bilor ra sabuoi-buoi no. Musiti' matulai ngai' altar ti am patimpokon Raki', Tuhan.”

IMAMAT 16:13

Giu' no, giu' ra saang ru Kaban Nabantuan, musiti' io monolob ra kaminyan no am lisun ru kaminyan no manaub ra tataub ru Kaban Nabantuan maa' raginio tataub no kalo makito ri Arun; amon ru makito no tataub no, matoi io.

IMAMAT 16:34

Aturan ragitilo musiti' gagayaan ra sabuoi-buoi no. Musiti' baalon upacara ragitio igondo' sambilor koson mapapasau ra ulun ru Israil intor ra ngaangai' tula nilo. Ginio ra, baalon ngaangai' no koson ra nanusuban ru Tuhan ri Musa.

IMAMAT 8:35

Musiti' kau soroi giu' ra kulobon ru Kim ru Tuhan orou am rondom buoi tulu' ngoorou, koson mambaal ra atan ondo' nanusuban noyo ru Tuhan. Amon ru kalo matoi kau. Baal ragitio noyo ondo' nanusuban ru Tuhan.”

UNTABAN 17:10

Indagu boo Tuhan ri Musa, “Pabantaa' saguli' jujuga' ri Arun giu' ra saang ru Kaban Nabantuan. Jujuga' no musiti' buliin koson ra papakaraan ra ulun ru Israil ondo' masaga' gumuor, ra matoi ilo amon ru kalo lumonggo' ilo mambutok.”

UNTABAN 18:7

Kaa' okou am anak-anak ungkuyon muno ayuk pambaalon ra ngaangai' kandoi toojo ru imam ondo' makakulawit ra altar am atan pana ondo' giu' ralalom ru Lamin Matulai Kaga'. Ngaangai' baal raginio pinakandayan rirun, sabap ra nanaak Aku noyo rirun ra kandoi ru imam. Osoi ayuk ondo' kolondo' kuasa' mapaugar ra kandoi raginio ukumin ra matoi paat minggaar ra kuliamos-kuliamos mapasau.”

UNTABAN 4:19

sabap ra minggaar ra kuliamos mangapasau kaga'. Koson miliu ra baal raginio masauk, i Arun am anak-anak ungkuyon nano musiti' mumpos ra ralalom ru Kim ru Tuhan am mangaru' ra kandoi ru moonong ulun, am niayuk kuliamos ondo' musiti' ibiton ru moonong ulun.

UNTABAN 4:5

Nanaak Tuhan ri Musa ra panuluan ragitio. Masaboi paat no ra maparulun ra kim, i Arun am anak-anak nano musiti' mumpos ralalom ru Kim ru Tuhan am mangalap ra tabir giu' ra saang ru Kaban Nabantuan. Musiti' nilo taubin Kaban Nabantuan ra tabir no.

MATIUS 27:51

Tabir ondo' pinatair ralalom Baloi Tuhan napiruo karilak intor ra rasawat suku' ra ragana'. Tana' ti nauyog am bulur batu nangapilang.

IBRANI 6:19

Koson ra simbatu mampauog ra parau ra kalo maabas, koson niayuk ra kalansanan takau mambaal ritakau kalo minggalur intor ri Aki Kapuuno'. Am koson ra Tingganai imam nakarampus ra tabir ru Intok Matulai Kaga' giu' ra Baloi Tuhan, i Jisus niayuk nakarampus ra suruga'.

IBRANI 9:25

Moonong bilor Tingganai Maayo Imam Jaudi mumpos ra Intok Matulai Kaga' magibit ra raraa' ru taak simbalui. Kaa' i Kristus kalo misasaguli' mampataak ra painawo Nano galama'.

IBRANI 9:3

Am lamin ra ralalom ru kim no, ondo' sinilian ru tabir, ininggalanan ra Intok Matulai Kaga'.

IBRANI 9:5

Rasawat ru kaban no mokoondo' ruo sinungkalalaing binaal intor ra mas ondo' ininggalanan ra kirub. Ilo no tatandu' ra i Aki Kapuuno' soroi ra giu' no. Kawo nilai nanili ra taub ru kaban no, ondo' tinakisan ra raraa' koson mangampun ra tula ru ulun. Kaa' kalo lair makabala' ku ngaangai' ra raino ti.

PINAINTALANG 15:8

Baloi Tuhan no nalimpot ra lisun ru katulayan am kuasa' ri Aki Kapuuno'. Kolondo' sangulun pana makasubol ra Baloi Tuhan no buoi ru katulu' kapaganan malaat ondo' inibit ru tulu' malaikat no kalo poyo makai'.