IMAMAT 16:17 - Tanou Moonsoi Timugon

¹⁷ Kolondo' sangulun pana posoroyon ralalom ru Kim ru Tuhan, intor ra paat umpasan ri Arun ra ralalom ru Lamin Matulai Kaga' koson mambaal ra papatulayan, saboi ra ingkualan nano saguli'. Makapambaal io ra upacara raginio tayar riso galama', tayar ru sasambaloi nano, am tayar ru ngaangai' ulun ru Israil,

IMAMAT 16:17 ပူးပေါင်းရင်းမြစ်များ

1 TUNUNG RU BANSA' ISRAIL 6:34

Ilkana, Jirogam, Iliil, Toag,

KAINGKUALAN 34:3

Kolondo' sangulun pana makaaloi mabaya' rirun, kapoam makito ra ati pana tampilon ru gunung no; domba kapoam sapi' kalo pongkotopon ra lonson toojo ru gunung no.”

JISAYA 53:6

Itakau ngaangai' nakalayau koson ra domba, sigagama' ayuk ra ugar, am pinalumpa' ru Tuhan riso ngaangai' kalaatan takano.

DANIL 9:24

“Intulu' tulu' ngoopor ngambilor iono buoi ondo' inaru' ri Aki Kapuuno' koson mampalabus ra bansa' muno am bandar muno ondo' matulai no intor ra tula am kalaatan. Tula ampunon am katimpakan ondo' mantilayun potolorogon, maa' raginio pinaintalang am ragu inala' no totopot masauk, am maa' raginio Baloi ru Tuhan ondo' matulai patimpokon saguli'.

IMAMAT 16:16

Kon ragitio noyo io nambaal ra upacara koson mapatulai ra Lamin Matulai Kaga' intor ra kajamalan ru ulun ru Israil am intor ra ngaangai' tula nilo. Musiti' io mambaal ra upacara ragitio tayar ru tampilon ra bokon no ra Kim ru Tuhan sabap ra Kim no soroi ra tatanga' ru pangkiman ondo' majamol.

IMAMAT 16:18

musiti' io mongoi ra altar intok monolob ra taak simbalui koson mapabansuk ra guang ru Tuhan, maa' raginio mapapasau ra altar no. Musiti' io mangalap sanganu ra raraa' ru sapi' gawayan am sanganu raraa' ru kambing, pakupilon boo raraa' no ra sangau ra pisuk ru altar.

LUKAS 1:10

Liliwa' monolob i pinaugar, ulun masuang makiasi' giu' ra liwar.

RINALATAN 4:12

Ralalom inggalan ri Jisus ulun bayagon, sabap ra giti ra tana' ti kolondo' ulun ra bokon makaalap ra kuasa' intor ri Aki Kapuuno' koson mamayag ritakau.”

1 TIMOTIUS 2:5

Sabap ra rorondo' ayuk i Aki Kapuuno' am rondo' niayuk ondo' mompobonsoi ritakau ri Aki Kapuuno', iono i Jisus Kristus, ondo' nasauk ra ulun.

IBRANI 1:3

Io noyo mampakito ra kuasa' ri Aki Kapuuno' am paliso Nano mogondo' toojo ri Aki Kapuuno'. Io noyo niayuk magalung ra limbowon am tana' ti mansail ra bala' Nano ondo' makakuasa'. Mopongo Io namasau ra ulun intor ra tula nilai, nanturung Io ra takhta ra suruga' ra tampilon pamiris ri Aki Kapuuno' ondo' Maayo Kaga' Kuasa'.

IBRANI 9:7

Kaa' Tingganai Maayo Imam ayuk ondo' makaumpos ra lamin ra ralalom no ra igondo' ayuk sambilor. Magibit io ra raraa' am pataakon no ri Aki Kapuuno' koson pakiampunan ru tula nano galama' am niayuk ra tula ondo' kalo natutunan ru ulun.

1 PITRUS 2:24

I Kristus galama' nansaan ra tula takau giu' ra salip. Ginio nai ra nakalabus takau intor ra kuasa' ru tula am maayag takau sumugut ra kasagaan ri Aki Kapuuno'. Pilat ri Kristus ti noyo ondo' namabas ramuyun.

1 PITRUS 3:18

Sabap ri Kristus galama' igondo' ayuk patoi sabap ra tula ru ulun am ginio sama' ra sabuoi-buoi no. Sangulun motopot minatoi koson ra alig ru ulun makasala, koson mompoongoi Io ramuyun ri Aki Kapuuno'. Pinatoi Io ru ulun, kaa' binayag Io saguli' ri Aki Kapuuno'.