IMAMAT 16:13 - Tanou Moonsoi Timugon

¹³ Giu' no, giu' ra saang ru Kaban Nabantuan, musiti' io monolob ra kaminyan no am lisun ru kaminyan no manaub ra tataub ru Kaban Nabantuan maa' raginio tataub no kalo makito ri Arun; amon ru makito no tataub no, matoi io.

IMAMAT 16:13 ပူးပေါင်းရင်းမြစ်များ

KAINGKUALAN 25:21

Pabantaa' karuruo batu pamatikan no ra ralalom Kaban, am taubin Kaban no ra panaub no.

KAINGKUALAN 28:43

Musiti' saluaron ri Arun am anak-anak nano saluar raginio paat ra ilo mumpos ra Kim Kuno, kapoam tumingkuang ra altar koson mangandoi ra imam giu' ra Lamin Pansunuran, maa' raginio kalo matoi ilo mapakito ra tayar ru inan nilo ra kalo maaya' ilain. Gitio noyo aturan inaru' tayar ri Arun am papag nano.”

KAINGKUALAN 30:1

“Pambaal no ra rondo' altar intor ra tataun akasia, koson panalaban ra kaminyan.

IMAMAT 22:9

“Musiti' ngaangai' imam gumagaya' ra aturan raginilo ondo' tinaakan Kuno. Amon ru kalo, makasala ilo am matoi sabap ra manggal ra aturan ra mangapasau no. Aku noyo Tuhan am Aku noyo napapasau risilo.

UNTABAN 16:18

Ginio ra moonong ulun nagibit ra intok ru baa, sinuangan ra baa ru apui am kaminyan, am bigor giu' ra kulobon ru Kim ru Tuhan nababaya' ri Musa am i Arun.

UNTABAN 16:46

am indagu boo i Musa ri Arun, “Alapo' intok ru baa muno am suangi' ra baa ru apui intor ra altar, am suangi' ra kaminyan ra baa ru apui no. Ibito' intok ru baa ru apui no ra ulun no ra mataki', am baalo' upacara pamasawan risilo. Ribaki'! Sangit ru Tuhan nasimbulukan noyo am maruol tumapik tumalimpuun noyo.”

UNTABAN 4:15

Paat maparulun ra Kim, bansa' ru Kigat mangkayang ra kuliamos mangapasau ra mopongo ayuk taubin ri Arun am anak-anak nano ngaangai' kuliamos no am niayuk kuliamos ra ukop nano. Kalo pokombongon bansa' ru Kigat ra kuliamos mangapasau no. Amon ru mangambong ilo raginio, matoi ilo. Ginio noyo kandoi ru bansa' ru Kigat paat pabandingon Kim ru Tuhan.

UNTABAN 4:20

Kaa' amon ru ulun intor ra bansa' ru Kigat mumpos ralalom Kim ru Tuhan am magilong ra imam-imam manampos ra kuliamos mangapasau ra pabandingon, matoi ilo.”

SAGULION 33:10

Mangila' ilo ra ulun Muno am gumagaya' ra Ukum Muno; Mapataak ilo ra taak simbalui giu' ra rasawat ru altar Muno.

IBRANI 7:25

Intor raginio makapamayag Io ra mantilayun ra ulun ondo' matong ri Aki Kapuuno' mumbaya' Riso, sabap ra maayag Io ra mantilayun koson makitaak ri Aki Kapuuno' mangindangan risilo.

IBRANI 9:24

Ginio sabap ri Kristus kalo minumpos ra Intok Matulai binaal ru ulun ondo' tumilu ra Intok Matulai ra sotopot no. Kaa' minumpos Io ra suruga' am soroi Io ra giu' no raino koson makiindangan Io ri Aki Kapuuno' ritakau.