IMAMAT 15:31 - Tanou Moonsoi Timugon

³¹ Ginio noyo nanusub Tuhan ri Musa mapakara' ra ulun ru Israil maa' raginio mangkaili ra paat ilo majamol, maa' raginio kalo mapajamol ilo ra Kim ru Tuhan giu' ra tatanga' nilo. Amon ru jamalin nilo Kim ru Tuhan no, matoi ilo.

IMAMAT 15:31 ပူးပေါင်းရင်းမြစ်များ

MAZMUR 66:18

Amon polosoon ku tula ralalom ru guang kutu, maaru' kalo iningon aku ru Tuhan.

YEHEZKIEL 23:38

Sala' ka ginio ayuk. Jinamalan nilo Baloi Kuno am orou Sabat ondo' inaru' Ku noyo.

YEHEZKIEL 36:17

“Okou ulun mapandai matoi, paat ra ulun ru Israil minayan giu' ra pagun nilo, jinamol nilo pagun no ra baal ru kaayagan am paliso nilo. Karaan Ku paliso nilono majamol koson ra ruandu' ondo' tatanga' liuran.

YEHEZKIEL 44:23

“Imam-imam no mangila' ra ulun Kuno mampasuai ra atan ondo' matulai am atan ondo' kalo matulai; atan ondo' mapasau am atan ondo' majamol.

YEHEZKIEL 5:11

“Aku noyo i Aki Kapuuno' ondo' maayag, Tuhan Raja', am gitio no ragu Kutu: Sabap ra jinamalan mu Baloi Kuno ra baal malaat am makauyuyu', umokon Tokou ra kalo makaasi'.

DANIL 9:27

Mambaal raja' no ra nabantuan ondo' mapiot ra masuang ulun buoi tulu' ngambilor. Malintanga' paat no, langgain ru raja' ngaangai' taak simbalui am pataakon. Rondo' ondo' sabiton ra ‘Karaat Ondo' Moporos’ pabantaan boo giu' ra Baloi ru Tuhan, am magulayun ra giu' no saboi ra ulun ondo' napabanta' no makatuum ra kapusaan ondo' inaru' noyo ri Aki Kapuuno' riso.”

IMAMAT 11:47

Pagilalain mapasuai ra atan ondo' kalo majamol am atan ondo' majamol, bibiag ondo' maakan am bibiag ondo' kalo maakan.

IMAMAT 13:59

Gitilo noyo aturan intor ra kulapuk ra bayang ondo' binaal intor ra bulu domba kapoam linon, kapoam giu' ra konoon linon kapoam konoon intor ra bulu domba, kapoam ra atan ayuk ondo' binaal intor ra kungkung. Gitio noyo ralan no koson mangaru' ru rorondo' kuliamos no mapasau kapoam majamol.

IMAMAT 15:32

Ginio noyo aturan intor ra ulun nangingkual ra timug sabap ra maruol mologo, am intor ra ungkuyon ondo' nangingkual ra uwa', am intor ra ruandu' ondo' tatanga' liuran, am intor ra ungkuyon marulug ra ruandu' ondo' majamol.

IMAMAT 19:30

Iantakon orou Sabat am urumaton intok sumamba Raki'. Aku noyo Tuhan.

IMAMAT 20:3

Osoi ayuk mapataak ra sangulun intor ra anak nano ra Dewa Molok, mapajamol ra Kim Kuno am magasab ra inggalan Kuno ondo' matulai. Mangukum Aku riso am kalo boo karaan io ra ulun Kuno.

IMAMAT 21:23

Kaa' sabap ra kalo matanda' batang ru inan nano, kalo makainggaar io ra tabir ondo' mapatuliar ra Lamin Matulai kapoam matong ra altar. Kalo majamalan no kuliamos ondo' patimpokon noyo Raki', sabap ra Aku noyo Tuhan am Aku noyo nampalili' ra kuliamos no Raki' ayuk.”

UNTABAN 19:13

Osoi ondo' nangambong ra baangkai am kalo nangimpasau ra inan magulayun majamol, sabap ra timug tayar ru upacara pamasawan kalo poyo pinawas riso. Napajamol ulun no ra Kim ru Tuhan, sabap ra raginio kalo boo karaan io ra ulun ri Aki Kapuuno'.

UNTABAN 19:20

Osoi ondo' masauk ra majamol kaa' kalo mambaal ra upacara pamasawan ra inan, magulayun majamol sabap ra timug ru upacara pamasawan kalo poyo pinawas riso. Napajamol ulun no ra Kim ru Tuhan am kalo boo karaan ra ulun ri Aki Kapuuno'.

UNTABAN 5:3

Susubo' noyo ngaangai' ulun ondo' majamol mingkual maa' raginio kalo majamalan nilo pangkiman, intok ayanan Kuno mabaya' ra ulun Kuno.”

1 KORINTUS 3:17

Osoi ayuk mampalunsai ra baloi ri Aki Kapuuno', io pana lunsayon ri Aki Kapuuno'. Sabap ra matulai toojo ayanan ri Aki Kapuuno' am akau noyo ayanan Nano.

SAGULION 24:8

Paat ra akau marualan ra maruol ru kungkung ondo' makalalaa', baalo' ra matanda' atan ondo' panusuban ramuyun ru imam bansa' ru Liwi. Bayaa' noyo panuluan-panuluan ondo' pinataakan ku noyo risilo.

IBRANI 10:29

Mumpara' boo bagat paukumin ra ulun ondo' magasab ra Anak ri Aki Kapuuno' am mangkara' ra kolondo' noyo onong ru raraa' nabantuan ri Aki Kapuuno' ondo' mangampun ra tula nano, am magasab poyo ra Ambiluo ri Aki Kapuuno' ondo' mangasi' riso.

JUDAS 1:4

Sabap ra mokoondo' kukula' ngaulun mangapuka' suminok ayuk simpung ritakau. Ilo ti ulun malaat ondo' manumbalik ra togom tinaakan ri Aki Kapuuno', koson sumimbat ilo pambaal ra atan ayuk pansasawaan. Ilo ti kalo mangapu ri Jisus Kristus, ondo' Io ayuk rondo'-rondo' Nanguasa' am Tuhan takau. Intor ra galing i ukum pataakin risilo inala' noyo ru Buuk Kitab.

1 SAMUIL 3:14

Ginio ra magibot Aku ra sasambaloi ri Ili, ra koson mantilayun kolondo' taak simbalui kapoam taak ra atan pana ondo' makapuso ra tula ondo' makalalaa' kaga' no.”