IMAMAT 15:13 - Tanou Moonsoi Timugon

¹³ Kopongo ungkuyon no mapali', musiti' io maginaa io saboi katuluan, am mampupu' ra bayang nano am mariu' ra timug intor ra taur ru timug, am io pana mapasau.

IMAMAT 15:13 ပူးပေါင်းရင်းမြစ်များ

KAINGKUALAN 29:35

“Paugaron upacara patimpokon ri Arun am anak-anak nano buoi katuluan koson ra nanusuban Kuno rirun.

KAINGKUALAN 29:37

Baalon ginio moonong orou buoi katuluan. Ginio ra mapasau boo ngaangai' altar no, am atan ayuk ondo' makatiu' ra altar no musiti' pataakon ra Tuhan, am atan ayuk ondo' makakambong ra altar no mausung sabap ra kaikangan ru kapasawan ru ginio.”

JIRIMIA 33:8

Kapasawon Ku ilo intor ra tula nilo Raki'; ampunon Ku tula am guor nilo.

IMAMAT 14:10

Paat orou ra kabalu', musiti' io magibit ruo ngainan anak domba gawayan am sanginan anak domba ruandu' umur no sambilor, ondo' ngaangai' no kalo najamaran, am niayuk talu ngakilo tapung ondo' naratok ra umau jaitun am niayuk sampitalu ngalito umau jaitun.

IMAMAT 14:8

Ulun ondo' nakatanou noyo ra mapasau no musiti' mampupu' ra bayang nano, kaurin no ngaangai' abuk nano, am mariu'; am mapasau io boo. Makaumpos io ralalom ru pangkiman, kaa' musiti' io mayan ra liwar ru kim nano buoi katuluan.

IMAMAT 15:28

Mataru' kasarungan no, musiti' ruandu' no maginaa buoi katuluan, am io pana mapasau.

IMAMAT 15:5

Osoi ayuk mangambong ra katil ru ungkuyon ondo' nangingkual ra timug no,

IMAMAT 8:33

Pai' kau ingkual intor ra kulobon ru Kim no buoi tulu' ngoorou, saboi mopongo upacara patimpokon ramuyun no.

IMAMAT 9:1

Paat ra orou kabalu', pampiau i Musa ri Arun am anak-anak nano am niayuk tingganai ru ulun ru Israil.

UNTABAN 12:14

Taam Tuhan, “Amon ru tiwagin ru ama' nano bulos nano, moonsoi io mansaan ra uyu' buoi tulu' ngoorou. Ginio ra paingkualo' io intor ra pangkiman buoi tulu' ngoorou. Mopongo raginio, paumposon io saguli'.”

2 KORINTUS 7:1

Pabukat kau ngaangai' ra tagamin ku! Binantu' noyo ri Aki Kapuuno' ngaangai' no ritakau. Sabap raginio musiti' takau magipasau intor ra ngaangai' baal am pamaguangan majamol, maa' raginio i Aki Kapuuno' urumaton takau am maayag takau toojo ayuk Riso.

JAKUBUS 4:8

Inggaari' noyo i Aki Kapuuno', am i Aki Kapuuno' pana minggaar ramuyun. Ulun kau ra makatula, langgai' min noyo baal ra malaat. Ulun kau ra maginduo guang, kapasawo' noyo guang mino!

PINAINTALANG 1:5

Intor ri Jisus Kristus, sasi' ondo' lansanin, Io no kasaa' ondo' binayag intor ra kapatayan am ondo' niayuk mamarinta ra raja'-raja' ru tana' ti. Motogom i Jisus ritakau am ra pinatayan Nali pinalabus takau noyo intor ra tula takau.