IMAMAT 14:45 - Tanou Moonsoi Timugon

⁴⁵ Musiti' lunsayon baloi no, am batu-batu, tataun no am ngaangai' angkup ru simin no musiti' ibiton ra liwar ru bandar, giu' ra intok majamol.

IMAMAT 14:45 ပူးပေါင်းရင်းမြစ်များ

2 RAJA'-RAJA' 10:27

Ilo pana namuut ra lugu' sambaan am kuil, am sauko' nilo kuil no ra jamban saboi ra orou raiti'.

2 RAJA'-RAJA' 18:4

Linunsai no intok-intok sambaan ra sinungkalalaing, nomopol ra lugu'-lugu' batu, am nampalunsai ra sinungkalalaing Dewi Asyira. Io niayuk nangumok ra kukuo gangsa' ondo' binaal ri Musa ragili, ondo' nauligan ra Nigustan, sabap ra saboi paat raginio ulun ru Israil lakat poyo monolob ra kaminyan koson mangurumat ra kukuo gangsa' no.

JIRIMIA 52:13

Sinolob no Baloi ru Tuhan, istana, am baloi ru ngaangai' ulun mangaatang giu' ra Jirusalim;

YEHEZKIEL 5:4

Alapo' boo kukula' ngantiis abuk no am pasuboo' ra ralalom ru apui saboi makai' kosolob. Apui no rumalat ra ngaangai' bansa' ru Israil.”

IMAMAT 14:41

Mopongo raginio musiti' titikop rinding batu ru baloi no kauron, am nakaur no patirin giu' ra intok majamol ra liwar ru bandar.

IMAMAT 14:46

Osoi ondo' mumpos ralalom baloi no paat lakat poyo napiot, majamol io saboi mokotolop mato ru orou.

MATIUS 22:7

Paat ra raja' ti nokorongog ra baal raginio, siminangit io kaga'. Panusub io ra saujor-saujor nano mongoi pamatoi risilo am ponolob ra bandar nilono.

MATIUS 24:2

“Iou,” ragu ri Jisus, “Ilai' noyo ngaangai' ti! Balain takamin: Kolondo' rondo' batu pana intor ragitio soroi ra intok nano; ngaangai' ti lunsayon.”

PINAINTALANG 11:2

Kaa' pai' tukuo' liliut ru Baloi Tuhan no, sabap ra tayar raginio tinaakan noyo ra ulun-ulun sala' ka Jaudi. Kikinjangin nilo Bandar Mapasau no buoi apat ngoopor am ruo ngambulan.