IMAMAT 14:3 - Tanou Moonsoi Timugon

³ Imam pana mongoi giu' ra liwar ru pangkiman am ilain ulun no. Amon ru napali' noyo maruol no,

IMAMAT 14:3 ပူးပေါင်းရင်းမြစ်များ

2 RAJA'-RAJA' 5:14

Ginio ra tuun i Naaman ra Sungoi Jordan am linjob io intulu' koson ra ondo' nanusuban ru Nabi Ilisa. Kopongo raginio napali' maruol nano kalingon. Inan nano maligag saguli' koson ra inan ru sangulun lalaing boborok.

2 RAJA'-RAJA' 5:3

Paat ra sangarawan indagu lalaing no ra andu' ri Naaman, “Mapara' bonsoi no amon ru tuan kuno mokoongoi ra nabi ondo' minayan giu' ra Samaria! Makababas io ra maruol ru tuan kuno.”

AYUP 5:18

Kabalu' pana rualin kou ri Aki Kapuuno', babason No okou; kalindu' Nano ondo' mamilat, kalindu' Nano niayuk ondo' mamabas.

KAINGKUALAN 15:26

Indagu Io, “Amon ru totopot kau gumagaya' Raki', Tuhan i Aki Kapuuno' mino, am mambaal ra ngaangai' atan ondo' motopot ra pagilayan Kuno, am niayuk sumugut ra ngaangai' susuban Kuno, kalo mangukum Aku ramuyun ra maruol ondo' pinatiu' Kuno ra ulun ru Misir. Aku noyo Tuhan ondo' mamabas ramuyun.”

IMAMAT 13:2

Amon ru sasangulun no manduruko, mantalipos kapoam lumia' kungkung nano, ondo' maaru' lair masauk ra maruol ru kungkung ondo' maaja', musiti' io paumaan ra imam papag ri Arun.

IMAMAT 13:46

Magulayun io majamol buoi ra io marualan. Musiti' io mayan ra liwar ru pangkiman, sumuai intor ra ulun bokon.

IMAMAT 14:48

Kaa' makaratong imam mongoi pagilong ra baloi no, am sumugut ra pagilangan nano kolondo' boo kulapuk giu' ra ralalom baloi ondo' inangkupan saguli' no, musiti' potonowon ru imam ra baloi no mapasau sabap ngaangai' kulapuk nairu' noyo.

MATIUS 10:8

Babaso' min noyo ulun ondo' marualan; paluato' min noyo ulun ondo' minatoi, babaso' min noyo ulun ondo' makamaruol ra kungkung maaja', am pagiruo' min noyo riwato-riwato. Inanian kau ra kalo kinilagaan am panaak kau pai' min kilagai'!

MATIUS 11:5

Ulun nobolou makakito, ulun kalo makalulu' makaugar, ulun makamaruol ra kungkung ondo' maaja' mababas; ulun barat mokorongog, ulun minatoi maayag saguli', am Tanou Moonsoi no pinatanou ra ulun musikin.

LUKAS 4:27

Koson niayuk ra bulintok ru Nabi Ilisa, masuang ulun ru Israil makamaruol ra kungkung ondo' maaja'. Kolondo' sangulun pana intor risilo napali'. Ondo' napali' i Naaman ayuk, ulun ru Siria am sala' ka bansa' ru Israil.”

LUKAS 7:22

Taam i Jisus, “Saguli' kau ri Juanis am pambala' kau ra atan ondo' nakito am norongog min. Ulun bolou makakito, ulun kalo makalulu' makaugar, ulun makamaruol ra kungkung ondo' maaja' mababas, ulun barat makaining, ulun matoi maayag saguli' am Tanou Moonsoi intor ri Aki Kapuuno' pinabala' noyo ra ulun musikin.