IMAMAT 14:21 - Tanou Moonsoi Timugon

²¹ Amon ru musikin ulun no am kalo makapanaak ra taak ondo' inaru', tayar ru pamasawan riso no makapapataak io ra sanginan ayuk anak domba gawayan tayar ru taak mambayar ra kalubatan, iono taak lilion ra Tuhan. Polosoon ulun no magibit ra sakilogram ayuk tapung moonsoi kaga' ondo' naratok ra umau jaitun, am sampitalu ngalito umau jaitun tayar ru taak paringkuanangan ra Tuhan.

IMAMAT 14:21 ပူးပေါင်းရင်းမြစ်များ

AYUP 34:19

Namangun i Aki Kapuuno' ra moonong ulun; kalo saungon No raja', kapoam kaansayin ondo' langkaya' intor ra musikin.

AMSAL 17:5

Osoi-osoi magasab ra ulun musikin, magasab ri Aki Kapuuno' ondo' namangun risilo. Osoi-osoi maansukan ra ulun ondo' najamaran io ukumin.

AMSAL 22:2

Ulun langkaya' am ulun musikin mokoondo' rondo' pogondo': Karuruo no binangun ru Tuhan.

YEHEZKIEL 46:7

Tayar ru moonong sanginan sapi' gawayan am moonong sanginan domba gawayan, musiti' io mampataak ra unor-unor ra suang ru kasagaan nano. Moonong 17.5 ngalito unor-unor musiti' pabayaan ra 3 ngalito umau jaitun.

IMAMAT 1:14

Amon ru mapataak ulun no ra sanginan susuit koson ra taak simbalui koson mapabansuk ra guang ru Tuhan, musiti' susuit maningkuluuk kapoam susuit asang ra mamulok.

IMAMAT 12:8

Amon ru kalo makabali ruandu' no ra sanginan anak domba, musiti' io magibit ruo ngainan susuit asang kapoam susuit maningkuluuk, sanginan tayar ra taak simbalui koson mapabansuk ra guang ru Tuhan, am sanginan poyo tayar ra taak simbalui koson mangampun ra tula. Paugaron boo ru imam upacara mamuso ra jamol nano. Mopongo raginio bagu no mapasau ruandu' no.

IMAMAT 14:10

Paat orou ra kabalu', musiti' io magibit ruo ngainan anak domba gawayan am sanginan anak domba ruandu' umur no sambilor, ondo' ngaangai' no kalo najamaran, am niayuk talu ngakilo tapung ondo' naratok ra umau jaitun am niayuk sampitalu ngalito umau jaitun.

IMAMAT 14:22

Musiti' io niayuk magibit ruo ngainan susuit asang kapoam maningkuluuk, sanginan tayar ru taak simbalui koson mangampun ra tula am sanginan poyo tayar ru taak simbalui koson mapabansuk ra guang ru Tuhan.

IMAMAT 27:8

Amon ru ulun ra mokoondo' gogoton no kalo makabayar ra logo ondo' inaru', musiti' io magibit ra ulun ondo' pataakon ra Tuhan no ra imam, am imam no mapatuun ra logo maya' ra mabayaran ru ulun no.

IMAMAT 5:11

Amon ru ulun makatula no kalo makapanaak ra ruo ngainan susuit maningkuluuk kapoam ruo ngainan susuit asang, musiti' io mapataak ra sakilogram tapung koson ra taak simbalui koson mangampun ra tula. Kalo latakin tapung no ra umau jaitun kapoam kaminyan sabap taak simbalui no iono taak simbalui koson mangampun ra tula am sala' ka taak simbalui koson paringkuanangan.

IMAMAT 5:7

Amon ru ulun makatula no kalo makapanaak ra sanginan domba kapoam kambing koson mamuli' ra tula nano, musiti' io mapataak ra Tuhan ra ruo ngainan susuit maningkuluuk kapoam ruo ngainan susuit asang: Sanginan tayar ra taak simbalui koson mangampun ra tula, am sanginan poyo tayar ra taak simbalui koson mapabansuk ra guang ru Tuhan.

LUKAS 6:20

Tantangi' ri Jisus ngaangai' maamaya' Nano am indagu, “Pakaansuk kano, ondo' musikin, sabap ra akau noyo ulun ri Aki Kapuuno'.

2 KORINTUS 8:12

Amon maayo guang min mangani', apuon ri Aki Kapuuno' taak mino maya' ra atan ondo' mataakan min, sala' ka maya' ra ondo' kalo mataakan min.

2 KORINTUS 8:9

Makapandai kano toojo ra kataawan ru Tuhan takau i Jisus Kristus. Kabalu' pana langkaya' Io, kaa' koson ra kaatangan min, siminauk Io ra musikin, maa' raginio mansail ra kinamusikin nano lumangkaya' kau ra pagilangan ri Aki Kapuuno'.

1 SAMUIL 2:8

Io mangkayang ra ulun musikin intor ra kaimbalaan, am Io mapalabus ra ulun asabin intor ra kaimbalaan. Ilo pasaukon ra rangan ru ulun mangaatang ondo' makapangkat, am aniin ra intok maatang kaga'. Lonor ru tana' ti longgom ru Tuhan, giu' ra ralimbou ru lonor no, tinirong no tana' ti.