IMAMAT 14:13 - Tanou Moonsoi Timugon

¹³ Musiti' simbaluyon ru imam anak domba no giu' ra intok mapasau, intok ru ulun manimbalui ra bibiag tayar ru taak simbalui koson mangampun ra tula am taak simbalui koson mapabansuk ra guang ru Tuhan. Musiti' baalon gitio ru imam sabap taak simbalui koson mambayar ra kalubatan am niayuk taak simbalui koson mangampun ra tula no matulai kaga', am masauk ra imam tatangan.

IMAMAT 14:13 ပူးပေါင်းရင်းမြစ်များ

KAINGKUALAN 29:11

Simbaluyon sapi' no ra saang Kuno, ra saang ru kulobon umpasan ra Kim.

YEHEZKIEL 42:13

Indagu ungkuyon no raki', “Karuruo baloi maayo no mapasau. Giti noyo intok ru imam-imam tumingkuang ra Tuhan mangakan ra taak ondo' matulai kaga'. Ginio sabap ra lamin-lamin no matulai, pabantaan ru imam-imam taak ondo' matulai kaga' ra giu' no: taak simbalui koson paringkuanangan ra Tuhan, taak simbalui koson makiampun ra tula, am taak simbalui koson mambayar ra kalubatan.

IMAMAT 1:11

Bibiag no musiti' simbaluyon tampilon ralayo ru altar, am raraa' ru bibiag no musiti' pawason ru imam-imam ra kaapat-apat sapapa' ru altar.

IMAMAT 1:5

Sapi' ungkuyon no musiti' simbaluyon ra giu' no niayuk, am imam-imam ra papag ri Arun musiti' mapataak ra raraa' ru sapi' no ra Tuhan, am pawason raraa' no ra kaapat-apat sapapa' ru altar ondo' pinabanta' ra kulobon ru Kim ru Tuhan.

IMAMAT 10:17

“Kua kia kalo inakan min taak simbalui koson mangampun ra tula no giu' ra intok ondo' matulai? Taak simbalui raginio matulai kaga' am nanaak noyo Tuhan raginio ramuyun maa' raginio ampunon tula ru ulun ru Israil no.

IMAMAT 2:10

Suwo ru taak simbalui no longgom ru imam-imam. Taak ti matulai kaga' sabap ra inalap intor ra akanon ondo' pinataak noyo ra Tuhan.

IMAMAT 2:3

Suwo ru taak simbalui koson paringkuanangan ra Tuhan no iono longgom ru imam-imam. Taak ti matulai kaga' sabap ra inalap intor ra akanon ondo' pinataak noyo ra Tuhan.

IMAMAT 21:22

Kaa' ulun raginilo makaakan ra akanon ondo' nakataak noyo Raki', ondo' kia' taak akanon ondo' mapasau, am niayuk taak akanon ondo' mapasau kaga'.

IMAMAT 4:24

Musiti' io mapabanta' ra kalindu' nano ra rasawat ru ulu ru kambing no, am simbaluyon boo ginio ra tampilon ralayo ru altar, giu' ra intok panimbaluyan ra bibiag tayar ru taak simbalui koson mapabansuk ra guang ru Tuhan. Gitio noyo taak simbalui koson mangampun ra tula.

IMAMAT 4:4

Tingganai Maayo Imam no musiti' magibit ra sapi' gawayan giu' ra kulobon ru Kim ru Tuhan, pabantaan no kalindu' nano rasawat ru ulu ru sapi' no, am simbaluyon ginio ra saang ru Kim.

IMAMAT 7:2

Bibiag ru taak simbalui ragitio musiti' simbaluyon giu' ra tampilon ralayo ru altar, intok manimbalui ra bibiag tayar ru taak simbalui koson mapabansuk ra guang ru Tuhan, am raraa' no musiti' pawason ra kaapat-apat sapapa' ru altar no.