IMAMAT 14:10 - Tanou Moonsoi Timugon

¹⁰ Paat orou ra kabalu', musiti' io magibit ruo ngainan anak domba gawayan am sanginan anak domba ruandu' umur no sambilor, ondo' ngaangai' no kalo najamaran, am niayuk talu ngakilo tapung ondo' naratok ra umau jaitun am niayuk sampitalu ngalito umau jaitun.

IMAMAT 14:10 ပူးပေါင်းရင်းမြစ်များ

KAINGKUALAN 29:40

Pabayaan ra anak domba ondo' kasaa', pataakon sakilogram tapung gandum ra moonsoi kaga', ondo' linatakan ra salito umau jaitun kopoyo. Pasasaron salito wain koson ra taak.

IMAMAT 1:10

Amon ru mapataak ulun no ra sanginan intor ra domba kapoam kambing nano, bibiag no musiti' ungkuyon am kalo najamaran.

IMAMAT 1:3

Amon ru mapataak io ra sanginan intor ra sapi' nano koson taak simbalui koson mapabansuk ra guang ru Tuhan, musiti' io mapataak ra sapi' gawayan ondo' kalo najamaran. Sapi' no musiti' ibiton no ra kulobon ru Kim ru Tuhan maa' raginio maansayan Tuhan ra ulun no.

IMAMAT 14:11

Magibit imam ra ulun no am ngaangai' taak no giu' ra kulobon ru Kim ru Tuhan.

IMAMAT 14:12

Mapataak boo imam no ra sanginan intor ra anak domba gawayan no am sampitalu ngalito umau jaitun no koson taak mambayar ra kalubatan. Mapataak io ra taak ti koson ra taak lilion ra Tuhan.

IMAMAT 14:15

Mangalap boo imam ra sanganu intor ra umau jaitun am lingigon ra palar ru kalindu' ra kait nano,

IMAMAT 14:21

Amon ru musikin ulun no am kalo makapanaak ra taak ondo' inaru', tayar ru pamasawan riso no makapapataak io ra sanginan ayuk anak domba gawayan tayar ru taak mambayar ra kalubatan, iono taak lilion ra Tuhan. Polosoon ulun no magibit ra sakilogram ayuk tapung moonsoi kaga' ondo' naratok ra umau jaitun, am sampitalu ngalito umau jaitun tayar ru taak paringkuanangan ra Tuhan.

IMAMAT 2:1

Paat ra sasangulun no mapataak ra taak simbalui koson paringkuanangan ra Tuhan, taak simbalui no musiti' intor ra tapung moonsoi kaga', ondo' uasin ra umau jaitun am tinaukan ra kaminyan rasawat no.

IMAMAT 2:11

Taak simbalui koson ra paringkuanangan ondo' pataakon ra Tuhan kalo latakin ra ragi. Pai' noyo lataki' ra ragi kapoam ruu' maningot ralalom ru akanon ondo' pataakon ra Tuhan.

IMAMAT 2:13

Taukin ra usi' moonong taak simbalui koson paringkuanangan ra Tuhan, sabap usi' tatandu' ru nabantuan min am i Aki Kapuuno'. Taukin ngaangai' taak mino ra usi'.

IMAMAT 23:13

Pabayaan ra taak no, musiti' kau mapataak ra ruo ngakilogram tapung ra moonsoi kaga' ondo' latakin ra umau jaitun tayar ru taak akanon. Owou ru taak no mapabansuk ra guang ru Tuhan. Pabayaan ra taak no, pataakon niayuk salito wain.

IMAMAT 4:32

Amon ru mapataak sasangulun no ra sanginan domba koson mangampun ra tula nano, musiti' domba no ruandu' am kalo najamaran no.

IMAMAT 9:1

Paat ra orou kabalu', pampiau i Musa ri Arun am anak-anak nano am niayuk tingganai ru ulun ru Israil.

UNTABAN 28:20

Papataak ra taak simbalui koson paringkuanangan sumugut ra atan ondo' inaru', iono tapung latakin ra umau jaitun: tayar ru moonong sanginan sapi' gawayan papataak ra talu ngakilogram tapung, ruo ngakilogram ra tayar ru domba gawayan,

UNTABAN 6:14

am mapataak ra talu ngainan bibiag ondo' kalo najamaran no ra Tuhan: Sanginan anak domba gawayan ondo' umur no sambilor tayar ra taak simbalui koson mapabansuk ra guang ru Tuhan, sanginan anak domba ruandu' umur no sambilor tayar ru taak simbalui koson mangampun ra tula, am sanginan anak domba gawayan koson taak simbalui koson makibarakat ra Tuhan.

MATIUS 8:4

I Jisus pana mindagu riso, “Rongog, pai' pantunung ra baal ragitio ra osoi ayuk pana, kaa' parayus no ongoi tuum ra imam ru Jaudi, am pakitono' inan muno riso. Kopongo raginio pampataak boo ra taak koson ra nanusuban ri Musa. Gitio koson pampakitanan muno ra ngaangai' ulun ra napalian muno.”

MARKUS 1:44

“Karaa', pai' pantunung ra nasauk ragitio ra osoi-osoi ayuk pana, kaa' ongoi no ra imam Jaudi am polosoo' io mangiou ra okou nababas noyo. Mopongo raginio, pangani' noyo ra taak simbalui sumugut ra nanusuban ri Musa, koson mapaintutun ra ulun ra okou ti raino nababas noyo.”

LUKAS 5:14

Nanginggalar i Jisus ra ulun no mantunung ra osoi ayuk pana ra atan nasauk riso. Indagu Io, “Sumugut ra Ukum ri Musa, ongoi no ra imam Jaudi am polosoo' io mangiou ra okou nababas noyo. Panaak boo niayuk ra taak simbalui maya' ra susuban ralalom Ukum ri Musa, koson tatandu' muno ra ngaangai' ulun ra napali' kono.”

JUANIS 1:29

Io suabon ragili, nakito ri Juanis i Jisus minatong riso, am indagu io, “Ilai' min, gitio noyo Anak Domba ri Aki Kapuuno' ondo' mamuso ra tula ru ulun ru tana' ti!

JUANIS 6:33

Sabap ra ruti' ondo' taakin ri Aki Kapuuno' sotopot no Io ondo' timinuun intor ra suruga' am manaak ra kaayagan motopot ra ulun ru tana' ti.”

JUANIS 6:51

Aku noyo ruti' mampakaayag ondo' timinuun intor ra suruga'. Osoi ayuk mangakan ra ruti' ragitio, maayag io ra mantilayun. Ruti' ra pataakin Kuno, io no inan Kutu, maa' raginio ulun ru tana' ti mokoowot ra kaayagan.”

1 PITRUS 1:19

kaa' ondo' mologo toojo no, ioginio raraa' ri Kristus. Io sinauk ra rondo' taak, mogondo' ra anak domba simbaluyon ondo' kolondo' noyo kalaatan kapoam sala.