IMAMAT 13:6 - Tanou Moonsoi Timugon

⁶ Paat ra orou katulu', musiti' ilain poyo ru imam no ulun raginio. Amon ru mapali' galing noyo ruruko nano am kalo gumaai, musiti' imam no mapatanou ra mapasau ulun no. Musiti' ulun no mampupu' ra bayang nano am mapasau io boo. Ruruko raginio ruruko ayuk toojo.

IMAMAT 13:6 ပူးပေါင်းရင်းမြစ်များ

IMAMAT 14:8

Ulun ondo' nakatanou noyo ra mapasau no musiti' mampupu' ra bayang nano, kaurin no ngaangai' abuk nano, am mariu'; am mapasau io boo. Makaumpos io ralalom ru pangkiman, kaa' musiti' io mayan ra liwar ru kim nano buoi katuluan.

JAKUBUS 3:2

Itakau ngai' kalo noyo makapagiru' intor ra mansalinut kasalaan. Kaa' ulun ondo' kalo igondo' pakasala sabap ra kinibit ru raguon nano, io sangulun matanda' am makapagalung io ra ngaangai' sauk ru kaayagan nano.

IBRANI 10:22

Intor raginio, pagindagu takau no ri Aki Kapuuno' mabaya' ra guang mabanis am pangintapatan maikang; mabaya' ra guang kolondo' sala am pampariwan ondo' mampakito ra itakau mapasau noyo.

IBRANI 9:10

Sabap ra atan ondo' sinugut nilo intor ra akanon, inumon am nansalinut pambaguan ginio kaulayan ayuk. Ngaangai' ti sumugut ayuk ra kaulayan ru ulun am paugaron ra buoi ti saboi ngaangai' no talimbaguin ri Aki Kapuuno'.

2 KORINTUS 7:1

Pabukat kau ngaangai' ra tagamin ku! Binantu' noyo ri Aki Kapuuno' ngaangai' no ritakau. Sabap raginio musiti' takau magipasau intor ra ngaangai' baal am pamaguangan majamol, maa' raginio i Aki Kapuuno' urumaton takau am maayag takau toojo ayuk Riso.

ROMA 14:1

Apuo' noyo ulun ondo' malawo pangintapatan am pai' noyo ansangi' io sabap ra pamaguangan galama' nano.

JISAYA 42:3

Bulu' ra liminonot kalo pandakon no, kapoam mampalasa' ra pilasut ra boboot. Ngaangai' ulun makaalap ra katimpakan ondo' ibiton nano.

MAMPATANOU 7:20

Ra tana' ti kolondo' sangulun pana ondo' masalok mambaal ra moonsoi am kalo igondo' nambaal ra kalaatan.

AMSAL 20:9

Makakau' kia ulun mindagu ra sotopot-topot no ra guang nilono mapasau, am tula nilono inampun?

MAZMUR 19:12

Mangngandoi Muno pinakara' ru ngaangai' raginio; balos moonsoi atangon ra ulun ondo' gumagaya' riso.

1 RAJA'-RAJA' 8:45

rongogo' noyo pakiasian nilo. Okou ondo' giu' ra suruga', rongogo' noyo ilo, am pamanango' ilo no.

1 RAJA'-RAJA' 8:38

rongogo' noyo pakiasian nilo. Amon ru mokoondo' ra ulun ra gino ngai' ru ulun Muno Israil, ra mangiluk guang mopotoroi ra kalindu' am makiasi' Rirun liliwa' tumingkuang ra Baloi ti,

SAGULION 32:5

Kaa' kalo gumagaya' kau, am kalo maaya' kau masauk ra ulun Nano; akau bansa' ondo' masaga' mamparuung am makatula.

IMAMAT 13:2

Amon ru sasangulun no manduruko, mantalipos kapoam lumia' kungkung nano, ondo' maaru' lair masauk ra maruol ru kungkung ondo' maaja', musiti' io paumaan ra imam papag ri Arun.

IMAMAT 11:40

Osoi mangakan ra atan pana tayar intor ra baangkai ru bibiag no musiti' mampupu' ra bayang nano, kaa' magulayun io majamol saboi tumolop mato ru orou. Osoi magibit ra baangkai no musiti' mampupu' ra bayang nano, kaa' magulayun io majamol saboi tumolop mato ru orou.

IMAMAT 13:5

Paat ra orou katulu', musiti' ilain poyo ru imam no ulun raginio, am amon ru guang ru imam no ruruko no lakat poyo koson ayuk raginio am kalo gumaai, musiti' pasuayon no ulun raginio buoi katuluan poyo.

IMAMAT 13:7

Kaa' amon ru gumaai kagal ru ulun no ra mopongo inilayan ru imam am nakatanou ra mapasau io, musiti' ulun no muma' poyo ra imam.