IMAMAT 13:46 - Tanou Moonsoi Timugon

⁴⁶ Magulayun io majamol buoi ra io marualan. Musiti' io mayan ra liwar ru pangkiman, sumuai intor ra ulun bokon.

IMAMAT 13:46 ပူးပေါင်းရင်းမြစ်များ

2 SAMUIL 3:29

Polosoon noyo i Joab am sasambaloi nano ukumin sabap ra binaal nano. Polosoon noyo ralalom ru sasambaloi ri Joab ra papag ka papag masalok mokoondo' ulun ondo' marualan ra maruol mologo, kapoam maimbolo' ra maruol ru kungkung ondo' makalalaa', kapoam ungkuyon ondo' kalo maikang, kapoam ondo' matoi ralalom ru pangayawan kapoam matutusan ra akanon!”

2 RAJA'-RAJA' 15:5

Nangkinibit Tuhan ra Raja' Ujia makamaruol ra kungkung ondo' maaja' ra buoi ru bayag nano. Minayan io sangulun giu' ra baloi ondo' pinatuliar am pinalabus intor ra ngaangai' kandoi nano. I Jotam, anak ungkuyon nano namarinta ra mamagun koson suali nano.

2 RAJA'-RAJA' 7:3

Apat ngaulun ondo' makamaruol ru kungkung ondo' makalalaa' tatanga' soroi giu' ra liwar ru bandar Samaria. Pasakuot ilo ra rondo' am bokon, “Atan onong takau maginaa ra matoi ragiti?

2 TUNUNG RU BANSA' ISRAIL 26:21

Buoi ru bayag nano, kalo napali' Raja' Ujia intor ra maruol no. Pinasuai io giu' ra rondo' baloi am kalo noyo boo iniou sumubol ra Baloi ru Tuhan. Pinalabus Raja' Ujia intor ra ngaangai' kandoi nano, anak ungkuyon nano boo i Jotam mamarinta ra pamarintaan koson ra suali nano.

AMSAL 30:12

Mokoondo' ulun mindagu ra ilo no matulai, sotopot no majamol kaga'.

SULABOI 1:1

Mapara' boo siluk ru Jirusalim, ondo' ragili nososok ra mamagun! Ragili bandar no urumaton giu' ra titikop ru tana', kaa' raino koson ra ruandu' napuor. Bandar ondo' matulai kaga' ra tana' ti nasauk noyo ra ulipon.

SULABOI 1:8

Kalio boo kaurumatan nano; nagibabaang io am inasaban. Nampalaa io am nampasibuni ra bulos sabap nauyu', nampajamol Jirusalim ra inan ra tula ondo' maayo.

SULABOI 4:15

Kon ru ulun, “Ugar no intor ragiti! Majamol kau, pai' kambong ramon!” Ginio ra tumanggau ilo intor ra rondo' pagun mongoi rondo' pagun, kaa' kalo inuma' ru osoi pana.

IMAMAT 13:47

Amon ru mokoondo' ra kulapuk ra bayang ondo' binaal intor ra bulu domba kapoam linon,

IMAMAT 14:3

Imam pana mongoi giu' ra liwar ru pangkiman am ilain ulun no. Amon ru napali' noyo maruol no,

IMAMAT 23:29

Osoi ayuk ondo' mangakan paat orou raginio kalo boo karaan ra ulun ri Aki Kapuuno'.

LUKAS 17:12

Tatanga' Io sumubol ra rondo' pamagunan, natuum Io ru mopor ngaulun makamaruol ra kungkung ondo' maaja'. Minigor ilo intor ra maalur

1 KORINTUS 5:5

Polosoo' min ak ulun no kuasaan ru Tingganai ru riwato koson mamuso ra inan nano, maa' raginio bayagon boo ambiluo nano paat ra Tuhan matong saguli'.

2 TISALONIKA 3:14

Amon ru mokoondo' ulun kalo gumagaya' ra pambalaan ru surat maiti, pagilalai' min am pai' kano latok risilo, maa' raginio mauyu' ilo.

2 TISALONIKA 3:6

Pabukat ku ngai', ralalom inggalan ru Tuhan Jisus Kristus, manusub akai ra inggalur kano ra ulun Kristian ondo' mangatiar, koson kalo maya' ra pangilaan ondo' pinaatak maili risilo.

1 TIMOTIUS 6:5

am poyo pansasangaran ra kalo malalanggaan. Pamaguangan ru ulun raginilo kalo matanda', kolondo' boo katapatan nilo am mangkara' ilo ugama ti rondo' ralan panginduitan.

PINAINTALANG 21:27

Kolondo' atan-atan malaat iowon sumubol ra bandar no, kapoam osoi ayuk pana mambaal ra makauyuyu' kapoam magagabau. Ondo' ayuk iowon sumubol no ioginio ilo ondo' inggalan nilai tinulisan noyo ralalom ra kitab ru Ulun Mokoowot ra Kaayagan Motopot ru Anak Domba no.

PINAINTALANG 22:15

Kaa' ulun mambaal ra makauyuyu' am majamol, ulun makakapandayan malaat, mansasawa', mamamatoi, ondo' sumamba ra sinungkalalaing, am ulun magagabau – iou pana maya' ra ragu kapoam binaal nano; ngaangai' ulun ragitio intok nilo ra liwar ru bandar no.