IMAMAT 13:45 - Tanou Moonsoi Timugon

⁴⁵ Musiti' sasangulun ondo' marualan ra kungkung ondo' maaja' mambayang ra ondo' marilak am mopoloso ra masasung abuk nano. Musiti' siliin no ragana' ru bulos nano am gumolok, “Majamol! Majamol!”

IMAMAT 13:45 ပူးပေါင်းရင်းမြစ်များ

KASAUKAN 37:29

Paat ri Rubin siminaguli' ra tulubong no, am ilai' no kalio i Jusup ra giu' no, rilako' no boo bayang nano sabap ra mangiluk guang.

2 SAMUIL 13:19

Patauko' ri Tamar kaau ra rasawat ru ulu nano, namparilak ra bayang nano, am ugar liliwa' nanili ra bulos nano ra karuruo kalindu' am niayuk pantangi' ra mangiluk.

2 RAJA'-RAJA' 7:3

Apat ngaulun ondo' makamaruol ru kungkung ondo' makalalaa' tatanga' soroi giu' ra liwar ru bandar Samaria. Pasakuot ilo ra rondo' am bokon, “Atan onong takau maginaa ra matoi ragiti?

AYUP 1:20

I Ayup pana minigor boo am rilako' no bayang nano sabap ra mangiluk guang. Linompor no abuk nano am igulatur.

AYUP 42:6

Ginio ra mauyu' aku sabap ra ngaangai' ragu kuno, am ra guang pansagulian manturung aku ra ralalom ru tana' am kaau.”

MAZMUR 51:3

Pakaasi' no raki', iou Aki Kapuuno', sabap ra togom Muno; pusoo' noyo tula kuno, sabap ra asi' Muno ramon maayo kaga'.

MAZMUR 51:5

Iowon ku nasalaan kuno; masalok ku matutunan tula kuno.

JISAYA 52:11

Ugar no! Iruani' noyo bandar Babil, akau ondo' nagibit ra kuliamos ru baloi ri Aki Kapuuno'! Pai' kau kambong ra kuliamos ondo' majamol no, tulayo' min inan mino ra kalo poyo mintor kau.

JISAYA 6:5

Indagu aku boo, “Aibui boo raki'! Kolondo' boo kalansanan kuno, sabap moonong raguon kuno makatula, am nakalatok aku ra ulun koson niayuk raginio. Kabalu' pana raginio, mato am ulu kutu galama' nakakito ra Raja', Tuhan Ondo' Maayo Kaga' Kuasa'!”

JISAYA 64:6

Akai ngaangai' makatula, baalon mai ra moonsoi no pana majamol kaga'. Sabap ra tula mai, akai mapuso ra tana' ti koson ra saap masiob ru angin.

JIRIMIA 3:25

Ginio ra, polosoon akai mansaan ra uyu' am polosoon akai asasabin. Akai am kinamatuaan maili masalok makatula ra Tuhan, i Aki Kapuuno' mai; kalo igondo' akai gagaya' ra susuban Nano.”

JIRIMIA 36:24

Kaa' raja' kapoam pagawai-pagawai ondo' nokorongog ra ngaangai' no kalo malaa' kapoam nampakito ra pansagulian guang.

SULABOI 4:15

Kon ru ulun, “Ugar no intor ragiti! Majamol kau, pai' kambong ramon!” Ginio ra tumanggau ilo intor ra rondo' pagun mongoi rondo' pagun, kaa' kalo inuma' ru osoi pana.

YEHEZKIEL 24:17

Pai' polosoo' ulun mokorongog ra sikok muno. Pai' pantana' ra kalo sigalon ulu kapoam mangkasut koson tatandu' mangulir. Pai' silii' bulos kapoam mangakan ra akanon mangulir.”

YEHEZKIEL 24:22

Kopongo raginio baalon min atan ondo' baalon ku raino. Siliin min bulos kapoam mangakan ra akanon mangulir.

JOIL 2:13

Polosoon noyo guang min ra matutuk no mampakito ra guang pansagulian, pai' ayuk rilako' bayang.” Saguli' no ra Tuhan i Aki Kapuuno' mino. Io no motogom am napanu' ra asi'; Io no tumaan guang am manugut ra bantu' Nano; Io no magail makatampos mangampun am kalo masaga' mangukum.

IMAMAT 10:6

Kopongo raginio indagu i Musa ri Arun am anak-anak nano, i Iliajar am i Itamar, “Pai' polosoo' masasung abuk mino, am pai' rilako' bayang mino koson tatandu' ra mangulir. Amon ru baalon min ginio, matoi kau am sumangit Tuhan ra ngaangai' ulun ti. Kaa' ngaangai' ulun ru Israil ra bokon no makapangulir ra pinatayan nilo ruo; minatoi ilo sabap natiu' ra apui ondo' pinatuun ru Tuhan.

IMAMAT 13:44

musiti' potonowon ru imam ra majamol ulun no, sabap ra ruruko ra ulu nano maruol ru kungkung ondo' maaja'.

IMAMAT 21:10

“Patimpokon noyo Tingganai Maayo Imam ra pinasasar umau upacara ra ulu nano, am pinambayang io ra bayang ru tingganai maayo imam. Ginio ra kalo polosoon no abuk nano masasung, kapoam mamparilak ra bayang nano koson mapakito ra mangulir io.

MIKA 3:7

Ulun ondo' nanala' ra orou rumatong tinauyu' sabap nanala' ilo ra kalo motopot. Ngaangai' ilo asabin sabap i Aki Kapuuno' kalo tumaam risilo.

UNTABAN 5:2

“Susubo' noyo ulun ru Israil mapaingkual ra ngaangai' ulun ragitio intor ra pangkiman: moonong ulun ondo' makamaruol ra kungkung ondo' maaja', kapoam maruol mologo, am niayuk moonong ulun majamol sabap ra nangambong ra baangkai.

LUKAS 17:12

Tatanga' Io sumubol ra rondo' pamagunan, natuum Io ru mopor ngaulun makamaruol ra kungkung ondo' maaja'. Minigor ilo intor ra maalur

LUKAS 5:8

Kakito ri Simon baal raginio, igulatur io ra saang ri Jisus am indagu, “Iruani' aku, Tuhan! Sabap ra aku ti ulun makatula!”