IMAMAT 13:3 - Tanou Moonsoi Timugon

³ Ilain ru imam no kagal ru ulun no, am amon ru bulu ru kungkung ra giu' no mapulak noyo am kungkung no malandom noyo intor ra kungkung ru kiing nano, ruruko no maruol ru kungkung ondo' maaja'. Mailayan ru imam ulun no, musiti' no potonowon ra majamol ulun no.

IMAMAT 13:3 ပူးပေါင်းရင်းမြစ်များ

PINAINTALANG 2:23

Potoyon Ku niayuk maamaya' nano, am ngaangai' boo ru pasimpungan ulun Kristian makatutun ra Aku noyo Io ondo' makapandai ra pangkaraan am guang ru sasangulun. Balasin takamin maya' ra binaal mino sigagama'.

IBRANI 13:7

Karaa' noyo tingganai min ondo' nampasaboi ramuyun ra bala' ri Aki Kapuuno', ra ati kulaan kiralan am ampos ru kaayagan nilai, am tilu kano risilo.

2 TIMOTIUS 3:13

Kaa' ulun ondo' mangalaat am mamparuung no, gumaai poyo kinalaat nilai no. Ilo mamparuung ra ulun ra bokon, kaa' ilo pana galama' maruung niayuk.

1 TIMOTIUS 1:20

Koson ragitio niayuk sauk ri Iminius am i Aliksandir. Ilo karuo ti pinakuasaan ku noyo ra tingganai ru riwato, maa' raginio malanggaan nilo boo magasab ri Aki Kapuuno'.

ROMA 7:7

Amon ru ginio poyo, atan boo paraguon takau? Malaat kia Ukum ri Musa no? Maaru' kalo! Kaa' Ukum ri Musa niayuk ondo' mampatutun raki' ra atan sotopot no tula. Amon ru kolondo' tinulisan ra Ukum ri Musa no, “Pai' pagingkaut,” maaru' kalo makapandai aku ra arati' ru magingkaut.

RINALATAN 20:28

Tumoojo kau am alungi' min niayuk ngaangai' ulun Kristian ondo' pinalansan ru Ambiluo ri Aki Kapuuno' no ramuyun. Alungi' min ilo toojo koson ra domba alungin toojo ru magagalung, sabap ra pinasauk ilo ri Aki Kapuuno' ra ulun Nano ralalom pinatayan ru Anak Nali galama'.

JUANIS 20:23

Amon ru mangampun kau ra tula ru ulun, i Aki Kapuuno' pana mangampun ra ulun no. Kaa' amon ru kalo mangampun kau ra tula ru ulun, i Aki Kapuuno' pana kalo mangampun ru ulun no.”

MATIUS 16:19

Aniin Tokou ra kunsi' ru Tana' Bagu ri Aki Kapuuno'. Atan ondo' sawayon muno giti ra tana' ti, sawayon niayuk giu' ra suruga'. Atan ondo' iowon muno ra tana' ti, iowon niayuk ra suruga'.”

MALIAKI 2:7

Imam-imam musiti' toojo mangila' ra atan ondo' motopot intor ri Aki Kapuuno'. Mamagun musiti' matong ra imam-imam koson makapandai ra kasagaan Kuno sabap ilo ulun sinusub ru Tuhan Ondo' Maayo Kaga' Kuasa'.

AGAI 2:11

Mindagu Tuhan, “Pakitaak ra pamatasan ru imam-imam intor ra pangkuatan ragitio:

GOSIA 7:9

Kalo nakaliman ilo ra binaal ragitio nampalawo risilo. Pupus ru bayag nilo mamaar noyo, kaa' kalo nakapandai ilo.

YEHEZKIEL 44:23

“Imam-imam no mangila' ra ulun Kuno mampasuai ra atan ondo' matulai am atan ondo' kalo matulai; atan ondo' mapasau am atan ondo' majamol.

YEHEZKIEL 16:30

Indagu Tuhan Raja', “Ngaangai' binaal muno koson ra binaal ru sangulun ruandu' mantalan ra inan ondo' kalo mapandai mauyu'.

IMAMAT 13:2

Amon ru sasangulun no manduruko, mantalipos kapoam lumia' kungkung nano, ondo' maaru' lair masauk ra maruol ru kungkung ondo' maaja', musiti' io paumaan ra imam papag ri Arun.

IMAMAT 10:10

Musiti' kau makapandai mapasuai ra atan ondo' paluntukon ri Aki Kapuuno' am atan ondo' kalo, am atan ondo' kalo majamol am atan ondo' majamol.

KASAUKAN 13:3

Io pana nangiruan ra intok raginio am ongoi ra rondo' intok ra bokon sumuku' ra Bitil. Nakasaboi io ra libung lolot ru Bitil am Ai, intok nangkiman nano ragili,

IMAMAT 13:4

Amon ru ruruko no mapulak kaa' kalo malandom intor ra kungkung ra kiing nano am kalo mapulak bulu ru kungkung, musiti' pasuayon ru imam no ulun raginio buoi tulu' ngoorou.

IMAMAT 5:3

Amon ru kalo singonon ru sasangulun mangambong ra atan ayuk majamol intor ra ulun, makasala io ra natutunan no ayuk binaal nano.

IMAMAT 13:8

Musiti' imam no magilong poyo ra ulun raginio, am amon ru totopot gumaai ruruko no, musiti' imam no mapatanou ra majamol ulun no. Ruruko no maruol ru kungkung ondo' maaja'.

IMAMAT 13:10

Ilain io ru imam no. Amon ru mapandayan ru imam ra ruruko ra kungkung ru ulun no mapulak, mampunana' am mapulak bulu ru kungkung no,

IMAMAT 13:20

Ilain io ru imam, am amon ru lanit no malandom poyo intor ra kungkung ra kiing nano, am bulu ru kungkung ra giu' no mapulak noyo, potonowon ru imam ra majamol ulun no. Maruol nano maruol ru kungkung ondo' maaja' ondo' minuun ra talipos no.

IMAMAT 14:37

am magilong ra kulapuk ra giu' no. Amon ru gumutitikan ra masansam-sansam kapoam malia'-lia' ondo' makito nakalabat ra rinding batu no,

IMAMAT 14:54

Gitilo noyo aturan intor ra maruol ru kungkung ondo' maaja';