IMAMAT 11:8 - Tanou Moonsoi Timugon

⁸ Pai' akano' bibiag-bibiag raginio, am pai' kombongo' baangkai nano; mangajamol bibiag-bibiag raginio.

IMAMAT 11:8 ပူးပေါင်းရင်းမြစ်များ

JISAYA 52:11

Ugar no! Iruani' noyo bandar Babil, akau ondo' nagibit ra kuliamos ru baloi ri Aki Kapuuno'! Pai' kau kambong ra kuliamos ondo' majamol no, tulayo' min inan mino ra kalo poyo mintor kau.

GOSIA 9:3

Akau, ulun ru Israil kalo mayan giu' ra pagun ondo' pataakon ru Tuhan ramuyun. Musiti' kau sumaguli' ra Misir am mangakan ra akanon ondo' kalo maakan giu' ra Asyur.

IMAMAT 11:7

Pai' pangakan ra bauwi. Musiti' karaan bauwi no majamol kabalu' pana makajajampang, kaa' kalo manapa' ra akanon ra kainduo no.

IMAMAT 11:9

Maakan mino ngaangai' salinut ru papait ondo' makasunsulur am makasisi',

IMAMAT 5:2

Amon ru kalo singonon ru sasangulun mangambong ra rorondo' ondo' majamol, koson ra baangkai ru bibiag, masauk io ra majamol am makasala ra natutunan no ayuk binaal nano.

MATIUS 15:11

Sala' ka atan ondo' sumubol ra ralalom kabang ru sasangulun no mampajamol riso, kaa' atan ondo' mingkual intor ra kabang, ginio noyo mampajamol riso.”

MATIUS 15:20

Baal raginio noyo mampajamol ra ulun. Mangakan ra kalo mabaguan kalindu' maya' ra aturan ru ugama, kalo mangkinibit ra sasangulun no majamol!”

MARKUS 7:15

Kolondo' rondo' intor ra lisar sumubol ralalom ru sasangulun mampajamol riso, kaa' atan ondo' mingkual intor ra sasangulun, ginio noyo mampajamol riso. [

MARKUS 7:18

Taam i Jisus risilo, “Akau niayuk koson ra ulun ra bokon. Kalo kia nakarati' kau? Kolondo' rondo' pana sumubol ra sasangulun intor ra lisar ru inan nano topot-topot mampajamol riso.

MARKUS 7:2

Nakakito ilo ra maamaya' ri Jisus nangakan ra kalindu' nilo kalo mapasau, ioginio kalo mambagu' galing ra kalindu' sumugut ra kaulayan ru ugama Jaudi.

RINALATAN 10:28

Indagu i Pitrus risilo, “Akau galama' nakapandai ra maya' ra kaulayan ru ugama Jaudi, ulun ru Jaudi kalo makasubol ra baloi ru ulun sala' ka Jaudi kapoam kumubayau risilo. Kaa' i Aki Kapuuno' nampakito noyo raki' ra kalo noyo karaan ku ra ulun bokon malaat kapoam majamol.

RINALATAN 15:29

Pai' kau pangakan ra akanon ondo' pinasulung ra sinungkalalaing; pai' kau pangakan ra raraa'; pai' kau pangakan ra kual ru bibiag ondo' pinatoi ra sikako' am poyo inggalur kau noyo intor ra baal pansasawaan. Amon ru sumugut kau ra susuban raginio, moonsoi niayuk. Ginio ayuk, kaansayan ramuyun!”

ROMA 14:21

Ginio ra moonsoi poyo kalo mangakan ra kual, manginum ra wain kapoam mambaal ra atan ayuk, amon ru ginio poyo mangkinibit ra pabukat Kristian muno makatula.

1 KORINTUS 8:8

Sotopot no, pai' ru akanon no mompokoonsoi poyo ritakau ri Aki Kapuuno'. Amon ru mangakan takau raginio, kalo matatakan takau ra atan ayuk pana. Mogondo' niayuk ra amon ru kalo mangakan, kalo niayuk maulian takau.

2 KORINTUS 6:17

Sabap raginio, Inggalur kano ra ulun ondo' kalo makaulig ri Aki Kapuuno', am niayuk tuliar kau risilo. Pai' kau pangambong ra atan ayuk majamol, am apuon takamin.

IPISUS 5:11

Pai' pagibaya' ra sauk ru kalandaman ondo' kolondo' ampos moonsoi. Kaa' pabalaa' noyo baal koson raginio.

IPISUS 5:7

Pai' kano pakimangkubayau risilo ti.

KOLOSI 2:16

Ginio ra pai' min rongogo' ulun ondo' mambaal ra aturan ru ati kia moonsoi akanon kapoam inumon, kapoam aturan ru pangiantakan, bulan bagu kapoam orou Sabat. Pai' kau pangkirongog ra ilo maguta' ra ngaangai' no kalo gagayaan min.

IBRANI 9:10

Sabap ra atan ondo' sinugut nilo intor ra akanon, inumon am nansalinut pambaguan ginio kaulayan ayuk. Ngaangai' ti sumugut ayuk ra kaulayan ru ulun am paugaron ra buoi ti saboi ngaangai' no talimbaguin ri Aki Kapuuno'.