IMAMAT 11:40 - Tanou Moonsoi Timugon

⁴⁰ Osoi mangakan ra atan pana tayar intor ra baangkai ru bibiag no musiti' mampupu' ra bayang nano, kaa' magulayun io majamol saboi tumolop mato ru orou. Osoi magibit ra baangkai no musiti' mampupu' ra bayang nano, kaa' magulayun io majamol saboi tumolop mato ru orou.

IMAMAT 11:40 ပူးပေါင်းရင်းမြစ်များ

KAINGKUALAN 22:31

“Akau noyo ulun Kuno. Ginio ra kalo makaakan kau ra kual ru atan pana bibiag ondo' minatoi ra sinaam ru bibiag masigo; taaki' ra uku' kual no.”

JISAYA 1:16

Kapasawo' min inan mino. Langgai' min ngaangai' kalaatan ondo' binaal min ra saang Kuno. Pai' kano boo pambaal ra malaat,

YEHEZKIEL 36:25

Takisin Takamin ra timug mapasau, am mampapasau ramuyun intor ra ngaangai' sinungkalalaing min am ngaangai' no ondo' nampajamol ramuyun.

YEHEZKIEL 4:14

Kaa' taam aku, “Pai' koon raginio, iou Tuhan Raja'! Kalo igondo' aku pampajaka' ra inan. Intor ra boborok kalo igondo' aku pangakan ra kual intor bibiag ondo' matoi toojo, kapoam kual intor ra bibiag ondo' sinaam ru bibiag masigo. Kalo igondo' aku pangakan ra akanon ondo' karaan ra ampangara'.”

YEHEZKIEL 44:31

Imam-imam no kalo iowon mangakan ra susuit kapoam kual ru bibiag minatoi toojo ayuk kapoam ondo' sinaam ru bibiag ra bokon.”

IMAMAT 11:39

Osoi mangambong ra baangkai ru bibiag ondo' kalo majamol masauk ra majamol saboi tumolop mato ru orou.

IMAMAT 14:46

Osoi ondo' mumpos ralalom baloi no paat lakat poyo napiot, majamol io saboi mokotolop mato ru orou.

IMAMAT 15:15

Mapataak imam ra sanginan intor ra susuit no koson taak simbalui koson mangampun ra tula am sanginan poyo koson ra taak simbalui koson mapabansuk ra guang ru Tuhan. Kon ragitio noyo imam mambaal ra upacara pamasawan tayar ru ulun no ra saang ru Tuhan.

IMAMAT 15:27

Majamol osoi ayuk ondo' mangambong ra kuliamos no am musiti' mampupu' ra bayang nano am mariu'; magulayun ulun no majamol saboi tumolop mato ru orou.

IMAMAT 16:26

Ulun ondo' mapalabus ra kambing gawayan tayar ru Ajajil giu' ra tana' kaagisan, musiti' mampupu' ra bayang nano am mariu' ra kalo poyo muli' ra pangkiman.

IMAMAT 16:28

Ulun ondo' monolob no musiti' mampupu' ra bayang nano am mariu' ra kalo poyo muli' ra pangkiman.

IMAMAT 22:6

Imam ondo' majamol ra atan pana baal no, magulayun majamol saboi ra tumolop mato ru orou. Kalo makaakan io ra taak simbalui ondo' palilion ayuk no ra io kalo poyo makapariu'.

IMAMAT 22:8

Kalo makaakan io ra kual ru atan pana salinut ru bibiag ondo' matoi ayuk toojo, kapoam ondo' sinaam ru bibiag masigo. Binaal raginio mapajamol riso. Aku noyo Tuhan.

JAKARIA 13:1

Mindagu Tuhan Ondo' Maayo Kaga' Kuasa', “Paat raginio ra tauli no, rondo' taur ru timug sumalula' koson mamasau ra papag ri Daut am mamagun ru Jirusalim intor ra tula am sumamba ra sinungkalalaing ondo' binaal nilo.

UNTABAN 19:19

Ulun ondo' kalo majamol no musiti' mapatakis ra timug no ra ulun ondo' majamol, paat ra orou katalu am ra orou katulu'. Paat ra orou katulu', maampus upacara pamasawan ra ulun majamol no. Ulun no musiti' mampupu' ra bayang nano am mariu'. Intor ra paat tumolop mato ru orou masauk ulun no ra mapasau.

1 KORINTUS 10:21

Pai' kau panginum ra anggur intor ra sangkir ru Tuhan am niayuk manginum poyo ra atan ondo' nakapakan ra riwato no. Nogondo' niayuk ra akau pai' pangapu ra inan ri Kristus am niayuk mangakan poyo ra ondo' nakapakan ra riwato no.

1 KORINTUS 6:11

Ragili mokoondo' kukula' ngaulun intor ramuyun makapaliso koson raginio. Kaa' raino kinapasau kano intor ra tula min am nasauk kano ra ulun ri Aki Kapuuno' galama'. Pinobonsoi kano ri Aki Kapuuno' ralalom inggalan ru Tuhan takau, i Jisus Kristus, am poyo ra kuasa' ru Ambiluo ri Aki Kapuuno' takau.

SAGULION 14:21

“Pai' pangakan ra bibiag ondo' minatoi ra kaindalaman. Kual ru bibiag no maakan ru ulun bansa' ru bokon ondo' minayan ramuyun, kapoam talanon ra ulun bansa' ru bokon. Kaa' akau longgom ru Tuhan i Aki Kapuuno' min; akau ulun Nano. Pai' tonoko' anak domba kapoam anak kambing ralalom ru gatas ru ina' nano.”

1 JUANIS 1:7

Kaa' amon ru maayag takau ralalom ru binusasal ru sinda, koson ri Aki Kapuuno' soroi ralalom ru binusasal no, moonsoi kaayagan takau ra rondo' am bokon. Am sabap ra raraa' ri Jisus, Anak Nano, pinasasar, mampakapasau Io ritakau intor ra ngaangai' tula.