IMAMAT 10:6 - Tanou Moonsoi Timugon

⁶ Kopongo raginio indagu i Musa ri Arun am anak-anak nano, i Iliajar am i Itamar, “Pai' polosoo' masasung abuk mino, am pai' rilako' bayang mino koson tatandu' ra mangulir. Amon ru baalon min ginio, matoi kau am sumangit Tuhan ra ngaangai' ulun ti. Kaa' ngaangai' ulun ru Israil ra bokon no makapangulir ra pinatayan nilo ruo; minatoi ilo sabap natiu' ra apui ondo' pinatuun ru Tuhan.

IMAMAT 10:6 ပူးပေါင်းရင်းမြစ်များ

2 SAMUIL 24:1

Siminangit poyo Tuhan ra ulun ru Israil, am nanusub Io ra Raja' Daut koson mamparatong ra kapaganan ra ulun raginio. Indagu Tuhan ra Raja' Daut, “Paugaro' manguntob ra mamagun ru Israil am Jiuda.”

IJRA 7:5

anak ri Abisua, anak ri Pinigas, anak ri Iliajar, anak ri Arun.

KAINGKUALAN 33:5

sabap ra nanusub Tuhan ri Musa nampasaboi ra ragu Nano ra ulun ru Israil, “Ulun bambalingatan kau. Amon ru maya' Aku ramuyun kabalu' pana sangkinolor ayuk, maaru' pusoon Takamin lingono'. Raino, paguso' limpor mas mino; am aruon Ku ra atan baalon Kuno ramuyun.”

KAINGKUALAN 6:23

I Arun nagandu' ri Ilisiba, anak ruandu' ri Aminadab; i Ilisiba pabukat ruandu' niayuk ri Nagason. Naganak i Ilisiba ri Nadab, Abigu, Iliajar am i Itamar.

JIRIMIA 7:29

Indagu Tuhan, “Alii ra mamagun ru Jirusalim, panulaboi kano; lampari' am patiri' abuk mino. Rimbayo' rimbai panguliran giu' ra tampak ru kabuluran, sabap ra Aku, Tuhan tatanga' sumangit am nangimpai noyo ramuyun.

IMAMAT 13:45

Musiti' sasangulun ondo' marualan ra kungkung ondo' maaja' mambayang ra ondo' marilak am mopoloso ra masasung abuk nano. Musiti' siliin no ragana' ru bulos nano am gumolok, “Majamol! Majamol!”

MIKA 1:16

Mamagun ru Jiuda kau ngai', lomporo' noyo abuk mino koson tatandu' mangulir ra lalaing-lalaing katagaman mino. Lingono' min buluti' abuk, sabap ra ngaangai' anak min patirin intor ra pagun.

UNTABAN 1:53

Kaa' ulun ru Liwi musiti' mangkim ra liput ru Kim Kuno ra magalung raginio maa' raginio kolondo' osoi pana minggaar raginio, am mangkinibit Raki' sumangit am mangukum ra ulun ru Israil.”

UNTABAN 14:6

Ruo ngaulun intor ra ulun pansigo no, i Josua anak ri Nun am i Kalib anak ri Jipuni, naparilak ra bayang nilo ra tayar ru tatandu' mangiluk guang.

UNTABAN 16:22

Kaa' kubu i Musa am i Arun am indagu, “Iou Aki Kapuuno', Okou noyo puun ru kaayagan ra ngaangai' ondo' maayag. Amon ru sangulun ayuk makatula, sumangit Kou kia ra ngaangai' ulun?”

UNTABAN 18:5

Okou am anak-anak ungkuyon muno ayuk pambaalon ra kandoi giu' ra Lamin Matulai am giu' ra altar, maa' raginio kalo sumangit Aku ra ulun ru Israil.

UNTABAN 20:25

Ibito' i Arun am anak nano i Iliajar mongoi ra Gunung Gor.

UNTABAN 5:18

Tulimbayon boo ru imam abuk ru ruandu' no, am pabantaan taak tapung ralalom kalindu' ru ruandu' no. Guuton ru imam no mangkuk ondo' makatimug mapait ondo' maparatong ra ulas.

SAGULION 33:9

Napakito ilo ra pampagagayaan Rirun ondo' nasailan ra pampagagayaan ra matuo, pabukat kapoam anak. Ginagaya' nilo susuban Muno am minintopot ra nabantuan Muno.

JOSUA 22:18

Masaga' kau kia mangiruan ra Tuhan raino? Amon ru orou raiti' gumuor kau Riso, susuab no sumangit Io ra moonong ulun ru Israil.

JOSUA 22:20

Karaa' noyo atan koson i Akgan anak ri Jirag minanggal ra susuban pasal ra kuliamos ondo' musiti' pusoon. Kinibit no, ngaangai' ulun ru Israil inukum; sala' ka ayuk i Akgan sangulun ondo' minatoi sabap ra tula nali.”

JOSUA 7:1

Ragu ru Tuhan ondo' manginggalar ra ulun ru Israil mangalap ra atan pana intor ra bandar Jiriko ondo' sotopot no pusoon, kalo ginagaya'. Sangulun ondo' makainggalan ri Akgan anak ri Karmi minanggal ra susuban no. Ginio ra siminangit Tuhan ra ulun ru Israil. (Akgan anak ri Karmi am akupu ri Jabdi; intor io ra bansa' ru Jirag, santayaran intor ra bansa' ru Jiuda.)

JOSUA 7:11

Makatula noyo ulun ru Israil! Liminungkang ilo ra nabantuan ondo' pinaguutan Kuno risilo. Nangalap ilo ra santayaran kuliamos ondo' pusoon sotopot no. Nantakou ilo ra kuliamos-kuliamos am pagabau poyo. Binulian nilo pabayaa' ra kuliamos nilo galama'.