IMAMAT 10:3 - Tanou Moonsoi Timugon

³ Indagu boo i Musa ri Arun, “Gitio noyo ondo' koon ru Tuhan paat Io mindagu, ‘Ngaangai' ulun ondo' mangandoi ayuk Raki' musiti' mangurumat ra katulayan Kuno. Pakitonon Ku katulayan Kuno ra moonong ulun Kuno.’ ” Kaa' mongkoror ayuk i Arun.

IMAMAT 10:3 ပူးပေါင်းရင်းမြစ်များ

KASAUKAN 18:25

Pai' potoyo' ulun kolondo' sala mabaya' ra ulun makasala. Tuhan, pai' noyo! Sabap amon ru baalon Mu ginio, ulun kolondo' sala pana makaaya' kaukum. Maaru' akim ru titikop ra tana' ti tumimbalos ra matanda'.”

AYUP 2:10

Taam i Ayup, “Okou mindagu koson ra ulun sasambungon. Paat ri Aki Kapuuno' nangani' ra ondo' moonsoi, inapu takau. Itakau niayuk musiti' mangapu ra ondo' kalo moonsoi.” Kabalu' pana naimbolo' i Ayup, kalo mindagu io ra ragu-ragu ondo' manggal ri Aki Kapuuno'.

MAZMUR 119:120

Monontol aku malaa' Rirun, am malaa' aku ra nangatangan Muno.

MAZMUR 148:14

Kinaikang No ulun Nano, maa' raginio omporon Io ru ngaangai' ulun Nano, ulun ru Israil ondo' tinagaman Nano. Omporo' noyo Tuhan!

MAZMUR 39:10

Mongkoror aku am kalo gaalon ku kabang, sabap ra gini noyo binaal Muni.

MAZMUR 39:9

Palabuso' aku intor ra nansalinut tula kuno, am pai' aku polosoo' iison ru ulun sasambungon.

MAZMUR 46:10

Pinolonggo' No pangayawan ra titikop ru tana' ti; pinandak No tanggayan ru panah, tanggulan am gagampin sinolob.

MAZMUR 89:7

Kolondo' mokogondo' Rirun, giu' ra limbowon no, iou Tuhan; kolondo' suang ru suruga' pana mokogondo' Rirun.

MAZMUR 93:5

Ukum Muno mantilayun, iou Tuhan, am Baloi Muno matulai ra sabuoi-buoi no.

KAINGKUALAN 14:17

Mangkinibit Aku ra ulun ru Misir bambalingatan kaga' saboi mangilou ilo ra ulun ru Israil, am poyo ralalom ru raat pana. Kamanangan Kuno ra raja' ru Misir, saujor nano, kurita' kuda nano am mapaugar ra kurita' kuda nano maparatong ra pangurumatan Raki'.

KAINGKUALAN 14:4

Mangkinibit Aku ra raja' ru Misir bambalingatan saboi mangilou io ramuyun; kamanangan Kuno ra raja' no maparatong ra pangurumatan Raki'. Makapandai boo ulun ru Misir ra Aku noyo Tuhan.” Nambaal ulun ru Israil ra atan ondo' nanusuban risilo.

KAINGKUALAN 19:22

Imam-imam pana ondo' matong inggaar Raki' musiti' impasawin inan nilo. Amon ru kalo ukumin Ku ilo.”

KAINGKUALAN 19:24

Taam Tuhan, “Tuun noyo am saguli' ragiti mabaya' ri Arun. Kaa' imam-imam am ulun kalo pasailon ra balitan no koson matong Raki'. Amon ru sumail ilo, ukumin Ku ilo.”

KAINGKUALAN 30:30

Paumawon umau upacara no ri Arun am anak-anak nano maa' raginio patimpokon ilo ra imam koson mangandoi Raki' ayuk.

JISAYA 39:8

Raja' Gijkia mangkara' ra buoi ru bayag nano, pamarintaan nano kalinuos ayuk am moonsoi ayuk. Ginio ra taam raja', “Ragu ru Tuhan ondo' posoboyon muno moonsoi.”

JISAYA 49:3

Ragu No raki', “Okou noyo ulipon Kuno; katulayon Aku sabap ra okou.”

JISAYA 52:11

Ugar no! Iruani' noyo bandar Babil, akau ondo' nagibit ra kuliamos ru baloi ri Aki Kapuuno'! Pai' kau kambong ra kuliamos ondo' majamol no, tulayo' min inan mino ra kalo poyo mintor kau.

YEHEZKIEL 20:41

Mopongo Takamin ibiton mingkual intor ra pagun-pagun intok nampatuliaran ramuyun, timungon Takamin am mangapu ra taak simbalui ondo' solobon min. Makito boo ru ngaangai' bansa' ra Aku ti matulai.

YEHEZKIEL 28:22

Balai' mamagun ra giu' no atan ondo' paraguon Kuno, Tuhan Raja': Aku pantula' muno Sidon. Ulun mongompor Raki' sabap ra atan ondo' binaal Kuno rirun. Makapandai ilo ra Aku noyo Tuhan ondo' matulai, paat ra Aku mangukum ra mamagun muno.

YEHEZKIEL 38:16

am mamulunsar ra Israil, ulun Kuno, koson ra bagiu' mapuor am rasam maawas lumumpa' ra tana' ti. Paat raginio, manusub Aku rirun koson mamulunsar ra pagun Kuno. Ra binaal Kuno pinabala' galing rirun, makapandai boo bansa'-bansa' ra Aku ti matulai.

YEHEZKIEL 40:46

am lamin ondo' tumingkuang ra ralayo tinampos ra tayar ru imam-imam ondo' mangandoi giu' ra altar. Ngaangai' ru imam no papag ri Jadok. Intor ilo ra bansa' ru Liwi am ilo ayuk ondo' iowon muma' ra Tuhan koson mangandoi Riso.

YEHEZKIEL 42:13

Indagu ungkuyon no raki', “Karuruo baloi maayo no mapasau. Giti noyo intok ru imam-imam tumingkuang ra Tuhan mangakan ra taak ondo' matulai kaga'. Ginio sabap ra lamin-lamin no matulai, pabantaan ru imam-imam taak ondo' matulai kaga' ra giu' no: taak simbalui koson paringkuanangan ra Tuhan, taak simbalui koson makiampun ra tula, am taak simbalui koson mambayar ra kalubatan.

IMAMAT 21:15

Amon ru manggal io ra aturan raginio, anak-anak nano ondo' sotopot no matulai, masauk majamol. Aku noyo Tuhan am patimpokon Ku noyo io ra Tingganai Maayo Imam.”

IMAMAT 21:17

mapasaboi ra baal ragitio ri Arun, “Osoi ayuk intor ra papag muno ondo' kalo matanda' batang ru inan, kalo makapapataak ulun no Raki' ra taak akanon. Aturan ragitio masauk ra sabuoi-buoi no.

IMAMAT 21:21

Moonong papag ru imam Arun ondo' mokoondo' kalo matanda' ra batang ru inan nano, kalo makapapataak Raki' ra taak akanon.

IMAMAT 21:6

Musiti' sangulun imam matulai am kalo iowon magasab ra inggalan Kuno. Mapataak io Raki' ra taak akanon, sabap raginio musiti' io no matulai.

IMAMAT 21:8

Musiti' ulun ru Israil mangakun ra imam koson ulun pinatimpok Raki' sabap ra mapataak imam Raki' ra taak akanon. Aku noyo Tuhan; Aku ti matulai am mapatulai Aku ra ulun Kuno.

IMAMAT 22:9

“Musiti' ngaangai' imam gumagaya' ra aturan raginilo ondo' tinaakan Kuno. Amon ru kalo, makasala ilo am matoi sabap ra manggal ra aturan ra mangapasau no. Aku noyo Tuhan am Aku noyo napapasau risilo.

IMAMAT 8:35

Musiti' kau soroi giu' ra kulobon ru Kim ru Tuhan orou am rondom buoi tulu' ngoorou, koson mambaal ra atan ondo' nanusuban noyo ru Tuhan. Amon ru kalo matoi kau. Baal ragitio noyo ondo' nanusuban ru Tuhan.”

UNTABAN 16:5

Indagu boo i Musa ri Kora am mamaya' nano, “Susuab no ra susuab ti, manulu' Tuhan ra osoi longgom Nano, iono ulun ondo' patimpokon Riso; ulun ondo' pinili' Nano iowon No minggaar Riso giu' ra altar.

UNTABAN 20:12

Kaa' nansawai Tuhan ri Musa am i Arun, am indagu, “Sabap ra kalo kula' kau mangintopot Raki' koson mapakito ra kuasa' Kuno ondo' matulai giu' ra saang ru ulun ru Israil, kalo matingganai min ulun no mongoi ra tana' ondo' binantu' Kuno risilo.”

MATIUS 10:37

“Osoi ayuk motogom poyo ra ama' am ina' nano ka Aku kalo sama' io masauk ra maamaya' Kuno. Koson niayuk ra osoi ayuk motogom poyo ra anak ungkuyon kapoam anak ruandu' nano ka Aku kalo sama' io masauk ra maamaya' Kuno.

JUANIS 12:28

Ama', pakitono' noyo katulayan Muno.” Morongog boo mokobolos intor ra suruga', “Pinakito Ku noyo katulayan Kuno, am pakitonon Ku poyo.”

JUANIS 14:13

Ginio ra atan ayuk kitaakon min ralalom inggalan Kuno, baalon Ku. Maa' raginio i Aki Kapuuno' katulayon ralalom ru Anak Nano.

SAGULION 32:51

sabap ra akau ruo kalo giminagaya' Raki' giu' ra saang ru ulun ru Israil. Paat okou soroi maar ra taur ru timug Miriba, ondo' mamaar ra bandar Kadis giu' ra tana' kaagisan Jin, kalo nangurumat kou Raki' ra saang ru ulun ru Israil.

2 TISALONIKA 1:10

Paat ra Orou ratangan Nano katulayon Io ru ngaangai' ulun Nano, am urumaton Io ru ngaangai' ulun ondo' mangintopot Riso. Akau pana makasimpung risilo, sabap ra nangintopot kano ra tanou ondo' pinasaboi maili.

1 PITRUS 4:17

Maar noyo masuku' paat ri Aki Kapuuno' mangakim ra ulun ru tana' ti, am Ulun Nano akimin No galing. Amon ru itakau noyo talimpuunan Nano, atan masauk ra tauli no risilo ondo' kalo nangintopot ra Tanou Moonsoi intor ri Aki Kapuuno' i?

1 SAMUIL 2:30

Aku Tuhan, i Aki Kapuuno' ru Israil, ragili nambantu' ra sasambaloi am bansa' muno mangandoi Raki' koson ra imam ra mantilayun. Kaa' raino kalo boo masaga' Aku raginio! Ilo ondo' mangurumat Raki' no urumaton Ku, am ilo ondo' magasab Raki' no asabin.

1 SAMUIL 3:18

Ginio ra nantunung i Samuil ra ngaangai' no. Kalo binuni no atan pana. Kopongo raginio indagu i Ili, “Io noyo Tuhan; polosoon Io no mambaal ra atan ondo' karaan Nano ra moonsoi.”

1 SAMUIL 6:20

Indagu mamagun ru Bit-Simis, “Osoi kinua' masaga' muma' ra Tuhan Aki Kapuuno' ondo' matulai no? Ati kinua' boo pangataran takau Riso maa' raginio maalur intor ritakau?”